ମୁମ୍ଵାଇ ୦୬।୦୨: ସଲମାନଙ୍କ ବିଗ୍ ବସ୍ ରିଆଲିଟି ସୋ ମାଧ୍ୟମରେ ନୋରା ଫତେହି ଚର୍ଚ୍ଚାରେ ରହିଥିଲେ। ବିଗ୍ ବସ୍ ସିଜିନ୍‌-୧୦ରେ, ନୋରା ୱାଇଲ୍ଡ କାର୍ଡରେ ଏଣ୍ଟ୍ରି କରିଥିଲେ । ହେଲେ ସେ ଏହି ଶୋ’ର ବିଜେତା ହୋଇନଥିଲେ। କିନ୍ତୁ ଏହା ତାଙ୍କ ଜୀବନର ମୋଡ଼ ବଦଳିଯାଇଥିଲା।  ବଲିଉଡ ଇଣ୍ଡଷ୍ଟ୍ରି ତାଙ୍କର ଖାତା ଖୋଲି ଦେଇଥିଲା ।  ଆଜି ଯେତେବେଳେ ଫିଲ୍ମ ଇଣ୍ଡଷ୍ଟ୍ରିର ଟପ୍‌ ଡ୍ୟାନ୍ସର ବିଷୟରେ କଥାବାର୍ତ୍ତା କରାଯାଏ। ସେତେବେଳେ ନୋରାଙ୍କ ନାମ ପ୍ରଥମ ଆସେ । ନୋରା ବର୍ତ୍ତମାନ ଭାରତର ପ୍ରିୟ ଆଇଟମ୍ ଗର୍ଲ ପାଲଟିଛନ୍ତି ।

ଆଜି ନୋରା ଫତେହିଙ୍କ ଜନ୍ମଦିନ । ସେ ୬ଫେବୃଆରୀ ୧୯୯୧ରେ କାନାଡାର କ୍ୟୁବେକ୍‌ ସହରରେ ଜନ୍ମଗ୍ରହଣ କରିଥିଲେ। ଆଜି ସେ ୩୧ ବର୍ଷ ପଦାର୍ପଣ କରିଛନ୍ତି। ହେଲେ ନୋରା ୨୦୧୪ ମସିହାରୁ ହିନ୍ଦୀ ସିନେମା ସହିତ ଜଡିତ ଅଛନ୍ତି। ୨୦୧୮ ଚଳଚ୍ଚିତ୍ର ‘ସତ୍ୟମେବ ଜୟତେ’ର’ ଦିଲବର ଦିଲବର୍ ‘ଗୀତରେ ଧମାଲ କରିଥିଲେ। ଏହି ଗୀତ ପରେ ସେ ଦର୍ଶକଙ୍କ ହୃଦୟ ଏବଂ ମନକୁ କାବୁ କରିଥିଲେ ।

ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ନୋରା ଯେତେବେଳେ କାନାଡାରୁ ଭାରତ ଆସିଥିଲେ, ସେତେବେଳେ ତାଙ୍କର ମାତ୍ର ୫ ହଜାର ଟଙ୍କା ଥିଲା, କିନ୍ତୁ ଆଜି ସେ ଜଣେ କୋଟିପତି । ଥରେ ନୋରା ତାଙ୍କ ସଂଘର୍ଷ ଦିନର କାହାଣୀକୁ ଏକ ସାକ୍ଷାତକାରରେ ପ୍ରକାଶ କରିଥିଲେ । ରିପୋର୍ଟ ଅନୁଯାୟୀ, ନୋରା କହିଥିଲେ ଯେ ଯେତେବେଳେ ସେ ଭାରତ ଆସିଲେ ସେତେବେଳେ ତାଙ୍କ ସହ ମାତ୍ର ୫୦୦୦ ଟଙ୍କା ନେଇ ମୁମ୍ବାଇରେ ପହଞ୍ଚିଥିଲେ। ତଥାପି, ଯେଉଁ ଏଜେନ୍ସି ସହିତ ସେ କାମ କରୁଥିଲେ, ସେ ସପ୍ତାହରେ ୩୦୦୦ ଟଙ୍କା ପାଉଥିଲେ।

୨୦୨୨ ମସିହାରେ, ଡ୍ୟାନ୍ସ ସେନସେସନ ନୋରାଙ୍କର ୩୯ କୋଟି ମୂଲ୍ୟର ସମ୍ପତ୍ତି ଅଛି । ଖବର ଅନୁଯାୟୀ, ନୋରା ଗୋଟିଏ ଡ୍ୟାନ୍ସ ପାଇଁ ନୋରା ୪୦ ରୁ ୫୦ ଲକ୍ଷ ଟଙ୍କା ଆଦାୟ କରନ୍ତି । ଏଥି ସହିତ ସୋସିଆଲ ମିଡିଆରେ ବିଜ୍ଞାପନ ବାଣ୍ଟିବା ପାଇଁ ସେ ୫ ରୁ ୭ଲକ୍ଷ ଟଙ୍କା ନେଇଥାନ୍ତି। ଖବର ଅନୁଯାୟୀ ଗୁରୁ ରାନ୍ଧୱାଙ୍କ ଗୀତ ‘ନାଚ ମେରୀ ରାନୀ’ ପାଇଁ ନୋରା ୪୫ ଲକ୍ଷ ଟଙ୍କା ଆଦାୟ କରିଥିଲେ। ନୋରା ହେଉଛି ଭାରତର ସର୍ବାଧିକ ପାରିଶ୍ରମିକ ପ୍ରାପ୍ତ ଡ୍ୟାନ୍ସର ।