ମୁମ୍ବାଇ: ଯୋଗଗୁରୁ ବାବା ରାମଦେବଙ୍କ ପତଞ୍ଜଳୀ ଉପରେ ଆକ୍ସନ । ପତଞ୍ଜଳୀ ପ୍ରମୋଟରସ୍ ସେୟାର ହୋଲ୍ଡରଙ୍କ ବିରୋଧରେ ଷ୍ଟକ୍ ଏକ୍ସଚେଞ୍ଜ କର୍ଯ୍ୟାନୁଷ୍ଠାନ ନେଇଛି । ବମ୍ବେ ଷ୍ଟକ୍ ଏକ୍ସଚେଞ୍ଜ ଓ ନ୍ୟାସନାଲ ଷ୍ଟକ୍ ଏକ୍ସଚେଞ୍ଜ ପତଞ୍ଜଳୀ ଫୁଡ୍ସ୍ ସେୟାରକୁ ଫ୍ରିଜ୍ କରିଛି । ସେପଟେ ସେୟାର ଫ୍ରିଜ୍ ହୋଇଥିଲେ ବି ଏହାର ପ୍ରଭାବ କମ୍ପାନୀ ଉପରେ ପଡ଼ିବ ନାହିଁ ବୋଲି ପତଞ୍ଜଳୀ ପକ୍ଷରୁ କୁହାଯାଇଛି ।

ଦି ଇକୋନୋମିକ୍ସ ଟାଇମ୍ସ ରିପୋର୍ଟ ଅନୁଯାୟୀ, ଷ୍ଟକ୍ ଏକ୍ସଚେଞ୍ଜ ପତଞ୍ଜଳୀ ଫୁଡ୍ସର ପ୍ରମୋଟର ସଂସ୍ଥାର ୨୯.୨୬ କୋଟି ଟଙ୍କାର ସେୟାର ଉପରେ ରୋକ୍ ଲଗାଇଛି । ନିର୍ଦ୍ଧାରିତ ସମୟ ସୀମା ଭିତରେ ନିମ୍ନତମ ସାର୍ବଜନିକ ସେୟାର ହୋଲ୍ଡର ମାନଦଣ୍ଡ ପୂରଣ ହୋଇନଥିବାରୁ ଏହି କାର୍ଯ୍ୟାନୁଷ୍ଠାନ ଲଗାଇଛି ବିଏସଇ ଓ ଏନଏସଇ ଷ୍ଟକ ଏକ୍ସଚେଞ୍ଜ ।

ଡିସେମ୍ବର ମାସ ଶେଷ ବେଳକୁ ପତଞ୍ଜଳୀ ଫୁଡ୍ସ ସେୟାର ହୋଲ୍ଡରଙ୍କ ସେୟାର ୧୯.୧୮ ପ୍ରତିଶତ ଭାଗୀଦାରି ଥିଲା । ସେବି ମାନଦଣ୍ଡ ଅନୁଯାୟୀ, ହୋଲ୍ଡରଙ୍କ ନିକଟରେ ୨୫ ପ୍ରତିଶତ ଭାଗିଦାରୀ ରହିବା ଦରକାର । ଏହା ପୂର୍ବରୁ ୨୦୧୭ ଡିସେମ୍ବରରେ ନ୍ୟାସନାଲ କମ୍ପାନୀ ଲ’ ଟ୍ରିବୁନାଲ ପତଞ୍ଜଳୀର ଫୁଡ୍ସ ବିରୋଧରେ କାର୍ଯ୍ୟାନୁଷ୍ଠାନ ନେଇଥିଲା । ସେହିପରି ସମୟରେ କମ୍ପାନୀ ରୁଚିସ ସୋୟା ଇଣ୍ଡଷ୍ଟ୍ରୀ ନାମରେ ପରିଚିତ ଥିଲା ।

୨୦୧୯ ଜୁଲାଇ ମାସରେ ରୁଚି ଓ ସୋୟାକୁ ଅଧିଗ୍ରହଣ ପାଇଁ ପତାଞ୍ଜଳୀ ଆୟୁରଦେବିକ୍ ପ୍ରସ୍ତାବକୁ ମଞ୍ଜୁରୀ ପ୍ରଦାନ କରିଥିଲା । ସେବି ମାନଦଣ୍ଡ ଅନୁଯାୟୀ, କମ୍ପାନୀ ୩ ବର୍ଷ ମଧ୍ୟରେ ସାର୍ବଜନିକ ସେୟାରକୁ ୨୫ ପ୍ରତିଶତକୁ ବୃଦ୍ଧି କରିବାରଥିଲା । ହେଲେ ପର୍ଯ୍ୟନ୍ତ ୧୯.୧୮ ପ୍ରତିଶତ ସେୟାର ରହିଥିବାରୁ ବେଳେ ମାନଦଣ୍ଡ ପୂରଣ ହୋଇନଥିବାରୁ ପତଞ୍ଜଳୀ ପ୍ରମୋଟରଙ୍କ ସେୟାରକୁ ଫ୍ରିଜ୍ କରିଛି ଷ୍ଟକ୍ ଏକ୍ସଚେଞ୍ଜ ।   

ବମ୍ବେ ଷ୍ଟକ୍ ଏକ୍ସଚେଞ୍ଜ ଓ ନ୍ୟାସନାଲ ଷ୍ଟକ୍ ଏକ୍ସଚେଞ୍ଜ ନେବା ପରେ ପତଞ୍ଜଳୀ ଗ୍ରୁପର ୨୧ଟି ପ୍ରମୋଟର ସଂସ୍ଥାର ସେୟାର ଫ୍ରିଜ୍ ହେବା ପରେ ୨୯,୨୫,୭୬,୨୯୯ ଇକ୍ୟୁଟି ପ୍ରଭାବିତ ହୋଇଛି ।