ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇବା ଘଟଣା : ଅପଲୋଡ ଭିଡିଓ ଡିଲିଟ୍‌ କଲେ ୟୁଟ୍ୟୁବର, ଆଉ ହାତଯୋଡି କ୍ଷମା ବି ମାଗିଲେ…
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

ବଦଳିଗଲା ମହାରାଷ୍ଟ୍ର ରାଜନୀତିରେ ସମୀକରଣ, ଏବେ ନିଜନିଜ ବିଧାୟକଙ୍କୁ ସାଉଁଟୁଛନ୍ତି କଂଗ୍ରେସ ଓ ଏନସିପି

23/11/2019 at 6:15 PM

ମୁମ୍ବାଇ ୨୩।୧୧ :  ଅପ୍ରତ୍ୟାଶିତ ଘଟଣାକ୍ରମରେ ଶନିବାର ବିଜେପି ବିଧାୟକ ଦଳ ନେତା ଦେବେନ୍ଦ୍ର ଫଡନବୀଶ ଓ ବରିଷ୍ଠ ଏନସିପି ନେତା ଅଜିତ ପାୱାର ମହାରାଷ୍ଟ୍ରର ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀ ଭାବେ ଶପଥ ପାଠ କରିଛନ୍ତି। ଫଡନବୀଶ ନଭେମ୍ବର ୩୦ ତାରିଖ ଦିନ ବିଧାନସଭାରେ ତାଙ୍କର ବହୁମତ ସାବ୍ୟସ୍ତ କରିବେ। ତେବେ ତା ପୂର୍ବରୁ ଶିବସେନା ସହ ମେଣ୍ଟ କରି ରାଜ୍ୟରେ ସରକାର ଗଢିବା ଲାଗି ଉଦ୍ୟମ ଚଳାଇଥିବା ଏନସିପି ଓ କଂଗ୍ରେସ ଏବେ ନିଜ ଦଳର ବିଧାୟକଙ୍କୁ ସାଉଁଟିବାରେ ଲାଗିଛନ୍ତି। 

କଂଗ୍ରେସ ନିଜ ଦଳର ବିଧାୟକଙ୍କୁ ଭୋପାଲରେ ଲୁଚେଇବାକୁ ପ୍ରଥମେ ଯୋଜନା କରିଥିଲା। ତେବେ କମଲନାଥଙ୍କ ରାଜ୍ୟରେ ବି ମହାରାଷ୍ଟ୍ର କଂଗ୍ରେସ ନିଜକୁ ସୁରକ୍ଷିତ ମଣି ନାହିଁ। ଏଣୁ ନିଜ ବିଧାୟକମାନଙ୍କୁ ଜୟପୁର ପଠାଇଦେଇଛି। ସେହିପରି ଚାର୍ଟଡ ବିମାନ ଯୋଗେ ଏନସିପି ୮ ଜଣ ବିଦ୍ରୋହୀ ବିଧାୟକଙ୍କୁ ଆଜି ଦିଲ୍ଲୀ ନେଇଯାଇଛି। ରାଜ୍ୟ ରାଜନୀତିରେ ଅଚାନକ ପରିବର୍ତ୍ତନ ଏନସିପି ସୁପ୍ରିମୋ ଶରଦ ପାୱାରଙ୍କୁ ମଧ୍ୟ ଚକିତ କରିଛି। ବିଜେପିର ସରକାର ଗଠନ ନେଇ ଗଣମାଧ୍ୟମରେ ହୋହଲ୍ଲା  ପରେ ଶରଦ ସାମ୍ବାଦିକଙ୍କୁ ଭେଟିଥିଲେ,  ଅଜିତ ତାଙ୍କ ବିଶ୍ୱାସ ଭଙ୍ଗ କରିଥିବା ବେଳେ ଏନସିପି ବି ଭଙ୍ଗ ହୋଇଥିବା କହିବା ସହ ଅଜିତଙ୍କ ମାମଲାର ତଦନ୍ତ ଲାଗି ସେ ପାର୍ଟି ଅନୁଶାସନ ସମିତିକୁ ସୁପାରିଶ କରିଛନ୍ତି ବୋଲି କହିଥିଲେ।

ଅଜିତ ପାୱାରଙ୍କୁ ମହାରାଷ୍ଟ୍ର ଏନସିପିର ବିଧାୟକ ଦଳ ନେତା ମନୋନୟନ କରାଯାଇଥିଲା। ତେବେ ଶରଦ ତାଙ୍କୁ ପାର୍ଟିରୁ ବହିଷ୍କାର କରିନାହାନ୍ତି। ଏଣୁ ଅଜିତ ଏବେବି ଏନସିପି ବିଧାୟକ ଦଳ ନେତା ଥିବା ବେଳେ ଫଡନବୀଶ ବିଧାନସଭାରେ ଫ୍ଲୋରଟେଷ୍ଟ ଦେବେ। ଏଥିରେ ଏନସିପିର ସମସ୍ତ ବିଧାୟକ ଅଜିତଙ୍କ ଇଶାରାରେ ଭୋଟିଂ କରିବା ନିଶ୍ଟିତ। ଏଥିରେ ଯଦି ବିଧାୟକ ଏପଟସେପଟ କରନ୍ତି ତେବେ ଦଳବଦଳ ଆଇନରେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବା ନିଶ୍ଚିତ ।

   Related Posts