ବିହାର ୦୯/୦୫: କେନାଲ୍‌ରେ ଭାସିଲା ପୁଳା ପୁଳା ଟଙ୍କା । ବିଡା ବିଡା ନୋଟ୍ ବଣ୍ଡଲ । କଥାଟି ହୁଏତ ଆପଣଙ୍କୁ ଆଶ୍ଚର୍ଯ୍ୟ ଲାଗିପାରେ । କିନ୍ତୁ ଏକଥା ସତ । ଆପଣ ଭିଡିଓ ଦେଖିଲେ ହୁଏତ ବିଶ୍ୱାସ କରିପାରନ୍ତି । ସୋସିଆଲ ମିଡିଆରେ ଘୁରିବୁଲୁଛି ଭିଡିଓ । ବିହାର ରୋହତାସ୍‌ରୁ ନଜର ଆସିଛି ଏହି ଘଟଣା । ନାଳ ପାଣିରୁ ପଇସା ଗୋଟାଏ ଲୋକେ ବି ମାଲା ମାଲ୍ ହୋଇଛନ୍ତି ।

ଭାଇରାଲ ହୋଇଥିବା ଭିଡିଓରେ ଦେଖିବାକୁ ମିଳିଥିଲା ପିଲାଠୁ ବୁଢା ସବୁ ଲାଗିପଡିଛନ୍ତି ପଇସା ଗୋଟାଇବାରେ । ପୁଳା ପୁଳା ବିଡା ନୋଟ୍ । ତେବେ ଏହି ନୋଟ୍ ୧୦ ଟଙ୍କିଆ କି ୨୦ ଟଙ୍କିଆ ନୁହେଁ । ବରଂ ନୋଟ୍ ଥିଲା ୨୦୦୦, ୫୦୦ ଟଙ୍କିଆ, ୧୦୦ ଟଙ୍କିଆ ଓ ୧୦ ଟଙ୍କିଆ ।

Currency note bundles of ₹100 and ₹10, were found floating in a sewer in a Bihar town, Sasaram, around 150 km from capital Patna. pic.twitter.com/vl0q1Dzj4C

— Pagan 🚩 (@paganhindu) May 6, 2023

ସୂଚନା ଥାଉକି, ଏହି ଘଟଣା ବିହାର ସାସରାମ ଜିଲ୍ଲାର । ହଠାତ୍ ଏଠାରେ ଥିବା ମୁରାଦାବାଦ୍ କେନାଲରେ ଭାସିବାକୁ ଲାଗିଥିଲା ନୋଟ୍ । ପାଣିରେ ୱୋଟ୍ ଭାସୁଥିବା ଦେଖି ଆଶ୍ଚର୍ଯ୍ୟ ହୋଇପଡିଥିଲେ ଲୋକେ । ଖବର ଚାରିଆଡ଼େ ପ୍ରଘଟ ହେବା ପରେ ଲୋକେ ଏହି ଟଙ୍କା ସବୁ ଗୋଟାଇବାକୁ ଡେଇଁପଡିଥିଲେ କେନାଲକୁ । ଅସନା ପାଣି ଥିବା ସତ୍ତ୍ୱେ କେନାଲରେ ପଶି ଗୋଟାଇଥିଲେ ଟଙ୍କା ।

ଯେଉଁମାନେ ସେଠାରେ ଉପସ୍ଥିତ ଥିଲେ ସେମାନେ ନୋଟର ବଣ୍ଡଲ୍ ସଂଗ୍ରହ କରିବା ପାଇଁ ସେମାନଙ୍କ ପୋଷାକାକୁ ବ୍ୟାଗ୍ ଭାବେ ବ୍ୟବହାର କରିଥିଲେ । ତେବେ ଏଠାରେ କହିରଖୁ ଯେ, ଏହି ଟଙ୍କା ଅସଲି ନା ନକଲି ତାହା ଜଣାପଡିନି । ଘଟଣା ଜଣାପଡିବା ପରେ ଯାଞ୍ଚ ଆରମ୍ଭ ହୋଇଛି ।