ନୂଆଦିଲ୍ଲୀ: ମାନୁନି ଉତ୍ତର କୋରିଆ, ଲଗାତାର ପରୀକ୍ଷଣ କରି ଚାଲିଛି ମିସାଇଲ୍ । ସୋମବାର ପୁଣି ଏକ ବାଲାଷ୍ଟିକ୍ ମିସାଇଲ୍ ଟେଷ୍ଟ କରିଛି । ନିଜ ସମୁଦ୍ର ଉପକୂଳବର୍ତ୍ତି ଅଞ୍ଚଳ ଏବଂ ଜାପାନ ସାଗରରୁ ଅଳ୍ପ ଦୂରରେ ଏହି ମିସାଇଲ୍ ପରୀକ୍ଷଣ ହୋଇଛି । ଆମେରିକାର ବାରଣ ସତ୍ତ୍ବେ ଏପର୍ଯ୍ୟନ୍ତ ନର୍ଥ କୋରିଆ ୨୦ରୁ ଅଧିକ କ୍ଷେପଣାସ୍ତ୍ର ପରୀକ୍ଷାଣ କରିସାରିଛି ।

ଯୁକ୍ତରାଷ୍ଟ୍ର ଆମେରିକା ଏବଂ ଦକ୍ଷିଣ କୋରିଆର ଯୁଦ୍ଧ ଅଭ୍ୟାସ ଶେଷ କରିବା ସମୟରେ ଉତ୍ତର କୋରିଆ ମିସାଇଲ୍ ପରୀକ୍ଷଣ କରିବାରେ ତତ୍ପରତା ଦେଖାଇଛି । ଅନ୍ୟପଟେ ସେହି ଅଞ୍ଚଳରେ ଆମେରିକା ଏକ ଏୟାରକ୍ରଫ୍ଟ କ୍ୟାରିୟର ଷ୍ଟ୍ରାଇକ୍ ଗ୍ରୁପ ମଧ୍ୟ ନିୟୋଜିତ କରିବାକୁ ପ୍ରସ୍ତୁତ କରୁଛନ୍ତି । ଦକ୍ଷିଣ କୋରିଆର ସଂଯୁକ୍ତ ଚିଫ୍ ଅଫ୍ ଷ୍ଟାପ୍ କହିଛନ୍ତି, ଉତ୍ତର କୋରିଆର ରାଜଧାନୀ ପ୍ୟାଙ୍ଗୟାଙ୍ଗର ଦକ୍ଷିଣ-ପଶ୍ଚିମରେ ଏହି ମିସାଇଲ୍ ପରୀକ୍ଷଣ କ୍ରସ୍ କଣ୍ଟ୍ରି ଉଡ଼ାଣ ଭରିଛି । ହେଲେ ସରକାରଙ୍କ ପକ୍ଷରୁ ଏହାର କୌଣସି ବିବରଣୀ ଜାରି କରାଯାଇନାହିଁ । ଏହାରି ଭିତରେ ଜାପାନର ତଟରକ୍ଷୀ ବିଭାଗ କହିଛନ୍ତି, ମିସାଇଲ୍ ଜାପାନର ବିଶେଷ ଆର୍ଥିକ କ୍ଷେତ୍ର ବାହାର ପଡ଼ିଛି ।

ସୂଚନା ଅନୁଯାୟୀ, ଚଳିତ ମାସରେ ଉତ୍ତର କୋରିଆ ଏପର୍ଯ୍ୟନ୍ତ ୭ଟି ବାଲାଷ୍ଟିକ୍ ମିସାଇଲ୍ ପରୀକ୍ଷଣ କରିଥିବା ଜଣାପଡ଼ିଛି । ସେପଟେ ନର୍ଥ କୋରିଆ କ୍ଷେପଣାସ୍ତ୍ର ଟେଷ୍ଟ କରୁଥିବା ଅଞ୍ଚଳରେ ୟୁକ୍ତରାଷ୍ଟ୍ର ଆମେରିଆ ଏବଂ ଦକ୍ଷିଣ କୋରିଆ ଅଧିକ ସଂଖ୍ୟାରେ ସୈନ୍ୟ ନିୟୋଜିତ କରିଛନ୍ତି ।

ଗତ ସପ୍ତାହରେ ଆମେରିକା ସହିତ ଦକ୍ଷିଣ କୋରିଆ ଏକ ୧୧ଦିବସୀୟ ଯୁଦ୍ଧାଭ୍ୟାସ ଶେଷ କରିଛି । କୁହାଯାଉଛି, ଏହି ଅଞ୍ଚଳରେ ଉତ୍ତର କୋରିଆ ସୈନ୍ୟ ପରୀକ୍ଷଣ ବଢାଇଦେଇଛି । ଚଳିତ ବର୍ଷ ଉତ୍ତର କୋରିଆ ୧୧ଟି ପରୀକ୍ଷଣ କରିଛି, ଯେଉଁଥିରେ ୨୦ରୁ ଅଧିକ ବାଲାଷ୍ଟିକ୍ ମିସାଇଲ୍ ଏବଂ କ୍ରୁଜ୍ ମିସାଇଲ୍ ଟେଷ୍ଟ କରିଛି ।