previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ମୟୂରଭଞ୍ଜ ଯିବେ ମୁଖ୍ୟମନ୍ତ୍ରୀ, ବୃହତ ଜଳସେଚନ ପ୍ରକଳ୍ପର କରିବେ ଲୋକାର୍ପଣ
  • ||
  • ବିପୁଳ ପରିମାଣର କାଠ ଜବତ, ବିଳମ୍ବିତ ରାତିରେ ହେଉଥିଲା ଚାଲାଣ
  • ||
  • କାଶ୍ମୀର ଘାଟି ଅଶାନ୍ତ, ପୁଣି ପ୍ରବାସୀ ଶ୍ରମିକଙ୍କୁ ଗୁଳି କରି ହତ୍ୟା କଲେ ଆତତାୟୀ
  • ||
  • ଆଣବିକ ଦସ୍ତାବିଜ ପାଇଁ ଟ୍ରମ୍ପଙ୍କ ଘରେ ହୋଇଥିଲା ଚଢଉ : ସାମ୍ନାକୁ ଆସିଲା ବଡ ତଥ୍ୟ
  • ||
  • ଭାରତ ବିପକ୍ଷ ସିରିଜ୍ ପୂର୍ବରୁ ଦମ୍ ଦେଖାଇଲା ଜିମ୍ବାଓ୍ୱେ, ଟିମ୍ ଇଣ୍ଡିଆକୁ କଲା ସତର୍କ
  • ||

ଆଫଗାନିସ୍ତାନରେ ଭୀଷଣ ବନ୍ୟା, ୧୦୦ ମୃତ

26/08/2020 at 10:00 PM

କାବୁଲ ୨୬।୮: ଉତ୍ତର-ପୂର୍ବ ଆଫଗାନିସ୍ତାନରେ ବର୍ଷା ତତ୍ ଜନିତ ବନ୍ୟା ଯୋଗୁ ଏଯାଏଁ ୧୦୦ ଲୋକଙ୍କ ମୃତ୍ୟୁ ହେଲାଣି। ବିପର୍ଯ୍ୟୟ ପରିଚାଳନା ରାଷ୍ଟ୍ରମନ୍ତ୍ରୀ ଗୁଲାମ ବହାଉଦ୍ଦିନ ବୁଧବାର ଏହି ସୂଚନା ଦେଇଛନ୍ତି। ବନ୍ୟାପାଣି ଉତ୍ତର-ପୂର୍ବ ପ୍ରାନ୍ତୀୟ ସହର ଚାରିକରରେ ପଶିବା ଯୋଗୁ ଅନେକ ଘର ଭୂଷୁଡି ପଡିଛି। ଫଳରେ ହଜାର ହଜାର ଲୋକେ ବାସ ହରା ହୋଇଥିବା ବେଳେ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଉଛି।

ଚାରିକରରେ ମୃତାହତଙ୍କ ସଂଖ୍ୟା ବଢିପାରେ।  ଭୂଷୁଡି ପଡିଥିବା ଘର ତଳୁ ଲୋକଙ୍କ ଉଦ୍ଧାର କାର୍ଯ୍ୟ ଏବେବି ଜାରି ରହିଛି। ମଙ୍ଗଳବାର ରାତିରେ ଭୀଷଣ ବର୍ଷା ଯୋଗୁ ଅଞ୍ଚଳରେ ବନ୍ୟା ଆସିଯାଇଛି। ମଙ୍ଗଳବାର ବିଳମ୍ବିତ ରାତ୍ରିରେ ଲୋକେ ଘରେ ଶୋଇଥିବା ବେଳେ ବର୍ଷା ଆସିଥିଲା। ଦେଖୁ ଦେଖୁ ବନ୍ୟାପାଣି ସହରକୁ ପସିଯାଇଥିଲା। ଫଳରେ ମାଟି ତିଆରି ଘର ବତୁରି ଭୂଷୁଡିବାରେ ଲାଗିଥିଲା।

କେବଳ ଆବାସିକ ଅଞ୍ଚଳ ନୁହେଁ କୃଷି ମଧ୍ୟ ବନ୍ୟା ଯୋଗୁ ଗୁରୁକର ପ୍ରଭାବିତ ହୋଇଛି। ନୁରିସ୍ତାନରେ କୃଷି କ୍ଷେତ୍ର ଉପରେ କାଦୁଅ ମାଡି ଯାଇଛି। ଫଳରେ ଏକର ଏକର ଫସଲ କାଦୁଅ ତଳେ ପୋତି ହୋଇପଡିଛି। ବନ୍ୟା ଓ ତତ୍ ଜନିତ କ୍ଷତିର ଏପର୍ଯ୍ୟନ୍ତ ଆକଳନ ହୋଇ ନାହିଁ। ତେବେ ବନ୍ୟା ମୃତକଙ୍କ ସଂଖ୍ୟା ୧୦୦ କୁହାଯାଉଥିଲେ ମଧ୍ୟ ଏହି ସଂଖ୍ୟା ଅନେକ ଅଧିକ ହୋଇପାରେ ବୋଲି ଆଶଙ୍କା କରାଯାଉଛି।  

   Related Posts