oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ଶାଶୂ ଘର ଛାଡିଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ, ୩୦ ସୁଦ୍ଧା ଘର ଛାଡିବାକୁ ନିର୍ଦ୍ଦେଶ ଦେଇଥିଲେ ହାଇକୋର୍ଟ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୩୧ କୋଭିଡ୍ ପଜିଟିଭ୍
  • ||
  • ମୁମ୍ଵାଇ : ଠକେଇର ଶିକାର ହେଲେ ଅନ୍ନୁ କପୁର, KYC ଅପଡେଟ୍ ବାହାନାରେ ଲୁଟି ନେଲେ ୪.୩୬ ଲକ୍ଷ ଟଙ୍କା
  • ||
  • ଲମତାପୁଟ : ରାଜ୍ୟ ବାହାରକୁ ହେଉଥିଲା ଚାଲାଣ, ଚେକିଂ ବେଳେ କାର୍‌ରୁ ବାହାରିଲା ୧୦ଲକ୍ଷ ଟଙ୍କାର ଗଞ୍ଜେଇ
  • ||
  • ଭୁବନେଶ୍ୱର : ରାଜଧାନୀର ବିଭିନ୍ନ ବାର୍‌ରେ ରେଡ୍‌, କଟକଣା ପରେ ବି ମାନୁନଥିଲେ ମାଲିକ
  • ||
  • ଇଣ୍ଡୋନେସିଆ : ରକ୍ତ ରଞ୍ଜିତ ହେଲା ଖେଳ ପଡ଼ିଆ; ଫୁଟବଲ ମ୍ୟାଚ୍ ଚାଲିଥିବା ବେଳେ ଦଙ୍ଗା, ୧୨୭ ମୃତ, ଏକାଧିକ ଆହତ
  • ||

ବିଶିଷ୍ଟ ଆମେରିକୀୟ ଅଭିନେତା, ନିର୍ମାତା ଏବଂ ନିର୍ଦ୍ଦେଶକ ନର୍ମାନ ଲୟଡଙ୍କ ପରଲୋକ, ମୃତ୍ୟୁ ବେଳକୁ ହୋଇଥିଲା ୧୦୬ ବର୍ଷ

12/05/2021 at 5:09 PM

କାଲିପର୍ଣ୍ଣିଆ ୧୨/୫: ଆମେରିକୀୟ ଅଭିନେତା, ନିର୍ମାତା ଏବଂ ନିର୍ଦେଶକ ନର୍ମାନ ଲୟଡଙ୍କ ପରଲୋକ।  ମୃତ୍ୟୁ ବେଳକୁ ତାଙ୍କୁ ୧୦୬ ବର୍ଷ ବୟସ ହୋଇଥିଲା। ଲୟଡଙ୍କ ପୁଅ ମାଇକେଲ୍‌ ପିତାଙ୍କ ନିଧନ ନେଇ ମଙ୍ଗଳବାର ସୂଚନା ଦେଇଛନ୍ତି। ଲସ୍‌ଆଞ୍ଜେଲସ୍‌ ସ୍ଥିତି ବ୍ରେଣ୍ଟଓଡ ବାସଭବନରେ ଲୟଡ୍‌ ଶେଷ ନିଶ୍ବାସ ତ୍ୟାଗ କରିଛନ୍ତି। ବର୍ଷୀୟାନ ଅଭିନେତା ଲୟଡ୍‌ ଥିଏଟର, ଟିଭି ଏବଂ ସିନେମାରେ ଅଭିନୟ କରି ଲୋକପ୍ରିୟତା ହାସଲ କରିଥିଲେ।

କୁହାଯାଏ ଲୟଡଙ୍କ ପ୍ରସିଦ୍ଧିର ଯାତ୍ରା ୧୯୩୯ର ଟିଭି ଡ୍ରାମା ‘ଅନ ଦି ଷ୍ଟ୍ରିଟ୍ସ ଅଫ୍‌ ନ୍ୟୁୟର୍କ’ରୁ ଆରମ୍ଭ ହେବା ସହ ଏକବିଂଶ ଶତାବ୍ଦୀର ‘ମଡର୍ଣ୍ଣ ଫ୍ୟାମିଲି’ ଏବଂ ‘ଦି ପ୍ରାକ୍ଟିସ୍‌’ ପର୍ଯ୍ୟନ୍ତ ଚାଲିଥିଲା। ନର୍ମାନ ଲୟଡ୍‌ ନ୍ୟୁଜର୍ସିର ଜର୍ସି ସହରରେ ୮ ନଭେମ୍ବର ୧୯୧୪ରେ ଜନ୍ମଗ୍ରହଣ କରିଥିବା ବେଳେ ୧୯୨୦​‌ରେ ଅଭିନୟ ଦୁନିଆରେ ପାଦ ଥାପିଥିଲେ । ସେ ସବୁବେଳେ ‘ମର୍କ୍ୟୁରି ଥିଏଟର’ରେ ନଜର ଆସୁଥିଲେ। ୧୯୩୦ ମସିହାରେ ‘ସିଟିଜେନ୍‌ କେନ୍‌’ ମାଧ୍ୟମରେ ସେ ଫିଲ୍ମରେ ଡେବ୍ୟୁ କରିଥିଲେ। ଏଥିରେ ଜୋସେଫ କଟନ୍‌ ଏବଂ ଆଜନେସ୍‌ ମୁରହେଡ୍‌ ମଧ୍ୟ ଅଭିନୟ କରିଥିଲେ।  

ପରେ ସେ ଆଉ ପଛକୁ ଫେରି ଚାହିଁନଥିଲେ। ଲୟଡଙ୍କ ଥିଏଟର, ଟିଭି ଏବଂ ଫିଲ୍ମ ଦୁନିଆ ପ୍ରତି ବହୁ ଅବଦାନ ଥିବା ବେଳେ ସେ ଚାର୍ଲି ଚାପଲିନଙ୍କ ସହ ମଧ୍ୟ ଅଭିନୟ କରିଥିଲେ। ତାଙ୍କୁ ଅଧିକ ଲୋକପ୍ରିୟ କରାଇଥିବା ଫିଲ୍ମ ହେଉଛି ‘ସାବୋଟିୟର’ ଏବଂ ୧୯୪୫ରେ ଆସିଥିବା ‘ସ୍ପେଲ୍‌ବାଉଣ୍ଡ’। ହିଚ୍‌କୁକ୍‌ଙ୍କ ଦ୍ବାରା ନିର୍ଦେଶିତ ଫିଲ୍ମ ‘ସାବୋଟିୟର’ରେ ଖଳନାୟକ ଭୂମିକାରେ ନଜର ଆସିଥିଲେ ନର୍ମାନ ଲୟଡ୍‌ ।

ଅନକେ ଗୁଡ଼ିଏ ଟିଭି ସିରିୟଲରେ କାମ କରିଥିଲେ ଲୟଡ୍‌। ‘ଷ୍ଟାର ଟ୍ରେକ୍‌- ଦି ନେକ୍ସଟ୍‌ ଜେନେରେସନ୍‌’, ‘ମର୍ଡର, ସି ରୁଟ୍‌’, ‘ଦି ପେପର ଚେଜ୍‌’ , ‘କ୍ବିନ୍ସ ଏମଇ’, ‘କୋଜାକ୍‌’ ଏବହ ‘ଦି ପ୍ରାକ୍ଟିସ୍‌’ରେ ଦମଦାର ଆକ୍ଟିଂ କରି ଦର୍ଶକଙ୍କ ମନ ଜିଣିଥିଲେ ନର୍ମାନ ଲୟଡ୍‌। ଲୟଡଙ୍କ ଜନ୍ମଦିନ ନଭେମ୍ବର ୮କୁ ଲସ୍‌ଆଞ୍ଜେଲସ୍‌ରେ ‘ନର୍ମାନ ଲୟଡ୍‌ ଡେ’ ଭାବେ ମଧ୍ୟ ପାଳନ କରାଯାଉଛି ।

   Related Posts