ମୁମ୍ଵାଇ ୧୬।୦୪: ନିଜ ଜୀବନର କାହାଣୀକୁ ପରଦାରେ ଉତାରିବାକୁ ଯୋଜନା କରୁଛନ୍ତି ନୋରା ଫତେହି । ଏକ ଗଣମାଧ୍ୟମ ସହ ବାର୍ତ୍ତାଳାପରେ ନୃତ୍ୟଶିଳ୍ପୀ, ଅଭିନେତ୍ରୀ ତଥା ପ୍ରଯୋଜିକା ନୋରା ନିଜ ଜୀବନର ପ୍ରେରଣାତ୍ମକ ଯାତ୍ରାକୁ ଫିଲ୍ମ ଜରିଆରେ ଦର୍ଶକଙ୍କ ପାଖରେ ପହଞ୍ଚାଇବାକୁ ଚାହୁଁଥିବା ଖୁଲାସା କରିଛନ୍ତି । କହିଲେ- ଡକ୍ୟୁମେଣ୍ଟାରୀ ପାଇଁ ମୋ କାହାଣୀ ପୂରା ଯୋଗ୍ୟ ଅଟେ। ନିକଟରେ ମୁକ୍ତିପ୍ରାପ୍ତ ତାଙ୍କର କିଛି ପ୍ରୋଜେକ୍ଟକୁ ଦର୍ଶକୀୟ ଆଦୃତି ମିଳିନି । ‘ମଡଗାଓଁ ଏକ୍ସପ୍ରେସ୍’ ଓ ବିଦ୍ୟୁତ୍ ଜାମୱାଲଙ୍କ ସ୍ପୋର୍ଟସ୍ ଆକ୍ସନ୍ ଫିଲ୍ମ ‘କ୍ରାକ୍’ ବକ୍ସ ଅଫିସ୍ରେ ଖାସ୍ କମାଲ କରିପାରିନି ।
ତିମଧ୍ୟରେ ନୋରା ଅଧିକ ଫିଲ୍ମ ସାଇନ୍ କରିବା ପରିବର୍ତ୍ତେ ବ୍ୟକ୍ତିଗତ ଯାତ୍ରା ଉପରେ ଅଧିକ ଫୋକସ୍ କରୁଛନ୍ତି । ସେ କହିଛନ୍ତି, ମୋ କାହାଣୀରେ ବକ୍ସ ଅଫିସ୍ ବିଷୟରେ ଆଲୋଚନା ନାହିଁ । ଯେତେବେଳେ ଫିଲ୍ମଟି ବକ୍ସ ଅଫିସ୍ରେ ଭଲ ଚାଲେ ନାହିଁ, ମୁଁ ନିଜକୁ କହେ ‘ଠିକ୍ ଅଛି । ମୁଁ ଫିଲ୍ମରେ କାମ କରିବାର ସୁଯୋଗ ପାଇଲି, ତାହା ବଡ଼ କଥା ।’ କ୍ୟାରିଅରକୁ ନେଇ ସେ କହନ୍ତି, ବକ୍ସ ଅଫିସ୍ ସଫଳତା ତାଙ୍କର ପ୍ରଥମ ଲକ୍ଷ୍ୟ ନୁହେଁ । ଅଭିନୟ କଳାର ପ୍ରସାର ଲାଗି ପ୍ରୋଜେକ୍ଟକୁ ଏକ ସୁଯୋଗ ଭାବେ ସେ ଦେଖନ୍ତି । ତେଣୁ ଲୋକେ ଯେତେବେଳେ ତାଙ୍କୁ ପଚାରୁଛନ୍ତି, ‘କ୍ରାକ୍’ ବିଫଳ ହେବା ପରେ କେମିତି ଅନୁଭବ ହେଲା? ବହୁତ ଭଲ ଅନୁଭବ ବୋଲି ନୋରା ଉତ୍ତର ଦିଅନ୍ତି । କାରଣ ସେ ନିଜକୁ ଜଣେ ବକ୍ସ-ଅଫିସ୍ କଳାକାର ବୋଲି ଭାବନ୍ତି ନାହିଁ ।
