କେନ୍ଦ୍ରାପଡା ୨୪/୦୪: ବାର୍ଦ୍ଧକ୍ୟ ଭତା ପାଇଁ ଭାରରେ ଓ ଡଙ୍ଗା ସାହାଯ୍ୟରେ ଯାତ୍ରା କରୁଛି ହିତାଧିକାରୀ । କେନ୍ଦ୍ରାପଡା ଜିଲ୍ଲା ଆଳି ବ୍ଲକ୍ ଏକମାଣିଆ ପଂଚାୟତରେ ଏହି ଭଳି ଦୃଶ୍ୟ ଦେଖିବା ପାଇଁ ମିଳିଛି । ପଞ୍ଚାୟତକୁ ଯାତାୟତ ପାଇଁ ସେତୁ ନଥିବା ହେତୁ ଏହି ସମସ୍ୟା ଭୋଗୁଛି ଲୋକେ ।
wp:html /wp:htmlଏହି ପଂଚାୟତର ୫୦ ରୁ ଅଧିକ ହିତାଧିକାରୀ ନାନା ପ୍ରକାର ଅସୁବିଧାର ସମ୍ମୁଖୀନ ହୋଇ ଭତା ପାଇଁ ଯାଉଛି । ଏହି ପଂଚାୟତର ଏକ ମାଣିଆ, ନଳପହି, ଦକ୍ଷିଣଦିଆ ରାଜସ୍ଵ ଗ୍ରାମରେ ବସବାସ କରୁଥିବା ହିତାଧିକାରୀମାନଙ୍କର ଏହା ଏକ ପ୍ରମୁଖ ସମସ୍ୟା । ଏହି ପଂଚାୟତକୁ ବ୍ରାହ୍ମଣୀ ଓ ଖରସ୍ରୋତା ନଦୀ ଚାରି ପଟରୁ ଘେରି ରହିଛି । ତେବେ ପଂଚାୟତକୁ ଯାତାୟତ ପାଇଁ ନଦୀ ଉପରେ ସେତୁର ବ୍ୟବସ୍ଥା ନାହିଁ ।
ପୂର୍ବରୁ ପଞ୍ଚାୟତ କାର୍ଯ୍ୟ।ଳୟରେ ଭତା ବଣ୍ଟନ କରାଯାଉଥିଲା । କିନ୍ତୁ ଏବେ ବ୍ୟାଙ୍କ ଆକାଉଣ୍ଟରେ ଭତ୍ତା ଦିଆଯିବା ପରେ ଲୋକେ ନଦୀ ଆରପଟକୁ ଡଙ୍ଗା ଯୋଗେ ଯାଇ ଭତା ଆଣିବାକୁ ନାନା ଅସୁବିଧାର ସମ୍ମୁଖୀନ ହେଉଛି ।