ନୂଆଦିଲ୍ଲୀ: ବିନା କଂଗ୍ରେସରେ କୌଣସି ବିରୋଧୀ ଦଳ ମେଣ୍ଟ କରି ବିଜେପିକୁ ଟକ୍କର ଦେଇପାରିବେ ନାହିଁ। ଆଉ ଯଦି ୨୦୨୪ ନିର୍ବାଚନ ପାଇଁ ବିରୋଧୀ ଦଳର ମେଣ୍ଟ ହୁଏ, ତେବେ କଂଗ୍ରେସ ହିଁ ମୁଖ୍ୟ ଭୂମିକା ନିର୍ବାହ କରିବ ବୋଲି କଂଗ୍ରେସ ନେତା ଜୟରାମ ରମେଶ କହିଛନ୍ତି। ନିକଟରେ ଅଖିଳେଶଙ୍କର ସମାଜବାଦୀ ପାର୍ଟି ଓ ମମତାଙ୍କର ଟିଏମ୍ସି ବିରୋଧୀ ମେଣ୍ଟ କରିଛନ୍ତି। କଂଗ୍ରେସକୁ ବାଦ୍ ଦେଇ ଏହି ମେଣ୍ଟ ହୋଇଛି। ଦୁଇ ଦଳ ଖୁବ୍ଶୀଘ୍ର ଯାହାକୁ ନେଇ ପ୍ରଶ୍ନ କରିବା ପରେ ପିଟିଆଇରେ ସାକ୍ଷାତ୍କାର ଦେଇ ଏପରି କହିଛନ୍ତି ଜୟରାମ ରମେଶ।
ଟିଏମ୍ସି ଓ ଏସ୍ପି ଦୁଇ ଦଳ ବିରୋଧୀ ଦଳମାନଙ୍କୁ ଏକାଠି କରିବାରେ ସମର୍ଥ ହେବେ କି ବୋଲି ପ୍ରଶ୍ନ କରାଯାଇଥିଲା। ଯାହାର ଉତ୍ତର ଦେଇ ଜୟରାମ କହିଛନ୍ତି “ ଟିଏମ୍ସି ଓ ସମାଜବାଦୀ ନେତାମାନେ ବୈଠକ କରୁଛନ୍ତି। ତୃତୀୟ ଓ ଚତୁର୍ଥ ସାମୁଖ୍ୟ ଏମିତି ଗଠନ ହେଉଥିବ। କିନ୍ତୁ କଂଗ୍ରେସ ବିରୋଧୀ ଦଳର ରହିବା ନିହାତି ଆବଶ୍ୟକ। ଯଦି ବିରୋଧୀ ମେଣ୍ଟ ହୁଏ ତେବେ କଂଗ୍ରେସ ଏହାର ମୁଖ୍ୟ ଭୂମିକା ନିର୍ବାହ କରିବ। କଂଗ୍ରେସ ବିନା କୌଣସି ମେଣ୍ଟ ହେବା ସମ୍ଭବ ନୁହେଁ। କିନ୍ତୁ ଏବେ ସେ ବିଷୟରେ ଆଲୋଚନା କରିବାର ଏବେ ସମୟ ନୁହେଁ।”
ଜୟରାମ କହିଛନ୍ତି, ପ୍ରଥମେ କର୍ଣ୍ଣାଟକରେ ନିର୍ବାଚନ ରହିଛି। ପରେ ତେଲେଙ୍ଗାନା, ମଧ୍ୟପ୍ରଦେଶ, ଛତିଶଗଡ଼, ରାଜସ୍ଥାନ ଓ ମିଜୋରାମ ନିର୍ବାଚନ ହେବ। ଚଳିତ ବର୍ଷ ଆମେ ରାଜ୍ୟ ନିର୍ବାଚନରେ ବ୍ୟସ୍ତ ଅଛୁ। ପରେ ୨୦୨୪ ନିର୍ବାଚନ କଥା ପରେ ଭାବିବୁ। ସେହିପରି ୨୦୨୪ ନିର୍ବାଚନ ଦଳର ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ ନେତୃତ୍ୱରେ ଲଢାଯିବ ବୋଲି ଜୟରାମ କହିଛନ୍ତି।
