scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ନିଶ୍ଚୟ ଲାଗୁ ହେବ ସିଏଏ, ଏହାକୁ କେହି ଅଟକାଇ ପାରିବେ ନାହିଁ: କେନ୍ଦ୍ର ଗୃହମନ୍ତ୍ରୀ ଅମିତ ଶାହ

29/11/2023 at 6:19 PM

amit-shah

ନୂଆଦିଲ୍ଲୀ: କେନ୍ଦ୍ର ସରକାର ନାଗରିକ ସଂଶୋଧନ ଆଇନ(ସିଏଏ) ଲାଗୁ କରିବେ। ଏହାକୁ କେହି ଅଟକାଇ ପାରିବେ ନାହିଁ। ବୁଧବାର କୋଲକାତାରେ ଏକା ରାଲିକୁ ସମ୍ବୋଧନ କରି ଏପରି କହିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ।

କଲିକତାରେ ଲୋକସଭା ନିର୍ବାଚନ ପାଇଁ ପ୍ରଚାର ଉଦ୍ଦେଶ୍ୟରେ ଆୟୋଜିତ ଏକ ବଡ଼ ରାଲିକୁ ସମ୍ବୋଧନ କରି ଶାହ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପରେ ଶାଣିତ ଆକ୍ରମଣ କରିଛନ୍ତି। ମମତା ସରକାରରେ ଅନୁପ୍ରବେଶ ହେଉଛି। ମମତା ତୁଷ୍ଟିକରଣ ରାଜନୀତି କରୁଛନ୍ତି। ଯେଉଁଥିରେ ରାଜନୈତିକ ହିଂସା ଓ ଦୁର୍ନୀତି ମଧ୍ୟ ରହିଛି। ତେଣୁ ମମତା ସରକାର ମୂଳୋତ୍ପାଟନ କରି ବିଜେପିକୁ ଜିତାଇବାକୁ ଶାହ କହିଛନ୍ତି।

ରାଲିରେ ଜନସମାଗମକୁ ପ୍ରଶଂସା କରି ଶାହ କହିଛନ୍ତି ଯେ ଏହି ଜନସମୁଦ୍ରକୁ ଦେଖିଲା ପରେ ଲାଗୁଛି ଯେ ୨୦୨୬ ବିଧାନସଭା ନିର୍ବାଚନରେ ବିଜେପି ଦୁଇ ତୃତୀୟାଂଶ ମେଜୋରୋଟି ସହ କ୍ଷମତାକୁ ଆସିବ। ଲୋକ ମନ ବଳାଇ ସାରିଲେଣି ବୋଲି ଶାହ କହିଛନ୍ତି।

ରାଜ୍ୟରେ ୨୦୨୪ ଲୋକସଭା ନିର୍ବାଚନରେ ବିଜେପିର ପ୍ରଦର୍ଶନ ଯେଉଁଭଳି ଥିଲା ତାହା ବିଧାନସଭା ନିର୍ବାଚନ ବିଜୟର ମୂଳଦୁଆ ସୃଷ୍ଟି କରିବ ବୋଲି ଶାହ କହିଛନ୍ତି।

ପଢ଼ନ୍ତୁ-କେଜ୍ରିୱାଲ ସରକାରକୁ ଝଟକା, ମୁଖ୍ୟ ଶାସନ ସଚିବଙ୍କ କାର୍ଯ୍ୟକାଳ ବୃଦ୍ଧିକୁ ସୁପ୍ରିମକୋର୍ଟଙ୍କ ଅନୁମତି

ବିବାଦୀୟ CAA ପ୍ରସଙ୍ଗକୁ ନେଇ ଶାହ କହିଛନ୍ତି ଯେ ବାନାର୍ଜୀ ଏହାକୁ ବିରୋଧ କରୁଛନ୍ତି। କିନ୍ତୁ ଏହାର କାର୍ଯ୍ୟକାରିତାକୁ କେହି ଅଟକାଇ ପାରିବେ ନାହିଁ ବୋଲି ଗୃହମନ୍ତ୍ରୀ କହିଛନ୍ତି। ଏହାଦ୍ୱାରା ଅନେକ ଲୋକ ଭାରତୀୟ ନାଗରିକତ୍ୱ ପାଇବେ। ସେମାନଙ୍କର ବି ଏହା ହକ୍ ବୋଲି ଶାହ କହିଛନ୍ତି।

ସୂଚନା ଥଉକି ଆଗାମୀ ଲୋକସଭା ନିର୍ବାଚନ ନେଇ ବିଜେପି ନେତାମାନେ ଘନ ଘନ କୋଲକାତା ଗ୍ରସ୍ତ କରୁଛନ୍ତି। ଗତ ୨୦୧୯ ଲୋକସଭା ନିର୍ବାଚନରେ ବିଜେପି ଏଠି ୪୨ ଆସନରୁ ୧୮ଟି ଆସନ ଜିତିଥିଲା। ପ୍ରଥମ ଥର ପାଇଁ ବିଜେପି ପଶ୍ଚିମବଙ୍ଗରେ ଏତେ ସଂଖ୍ୟକ ଆସନ ଜିତିଥିଲା ତେଣୁ ଏଥର ମଧ୍ୟ ଦଳ ଭଲ ପ୍ରଦର୍ଶନ କରିବ ବୋଲି ବିଜେପି ଆଶା କରୁଛି।

   Related Posts