Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ଭିଏଲସି ମିଡିଆ ପ୍ଲେୟାର ବ୍ୟାନ୍, ଓ୍ୱେବସାଇଟରେ ଆସୁଛି ଆଇଟି ଆକ୍ଟ ମେସେଜ୍
  • ||
  • ୨୪ ଘଣ୍ଟାରେ ଘନୀଭୂତ ହେବ ଲଘୁଚାପ, ପ୍ରଭାବରେ ଦୁଇଦିନ ପ୍ରବଳ ବର୍ଷିବ
  • ||
  • ରେଳ ଧାରଣାରୁ ମିଳିଲା ମନ୍ତ୍ରୀଙ୍କ ଭଣଜାଙ୍କ ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ଦେଶରେ ଉପରତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୫୮୧୫ କରୋନା ପଜିଟିଭ୍
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୦୩ କୋଭିଡ୍ ପଜିଟିଭ୍
  • ||
  • କନ୍ନଡ ଗାୟକ ଶିବମୋଗା ସୁବାନାଙ୍କ ଦେହାନ୍ତ, ୮୩ ବର୍ଷ ବୟସରେ ହୃଦଘାତରେ ପରଲୋକ
  • ||
  • ଲଘୁଚାପ ସକ୍ରିୟ : ଦୁଇ ଦିନ ଯାଏଁ ପ୍ରବଳ ବର୍ଷା, ଫୁଲୁଛି ବିଭିନ୍ନ ନଦୀ
  • ||

ଆମଲେଟ୍ ପାଇଁ ଆତ୍ମହତ୍ୟା : ଗୁରୁବାର ଅଣ୍ଡା ଭଜା କରିବାକୁ ମନା କଲା ମାଆ, ବେକରେ ତାର ଲଗାଇ ଝୁଲି ପଡିଲା ପୁଅ

19/12/2020 at 10:06 AM

ଆସିକା,୧୯/୧୨: ଅଣ୍ଡା ଭଜା ବା ଆମଲେଟ୍ ଖାଇବାକୁ ଇଚ୍ଛା ଥିଲା । ମାଆ କିନ୍ତୁ ତିଆରି କଲେ ନାହିଁ । ଅଭିମାନ କରିବା ସହ ପୁଅର ମୁଣ୍ଡକୁ ରାଗ ଉଠିଗଲା । ଏହି ଛୋଟ କଥା ପାଇଁ ନେଲା ଚରମ ନିଷ୍ପତ୍ତି । ଶେଷରେ ବେକରେ ରଶି ଲଗାଇ ଝୁଲିପଡ଼ିଲେ ପୁଅ । ମୃତକ ଗଞ୍ଜାମ ଜିଲ୍ଲା ଆସିକା ଥାନା ଅନ୍ତର୍ଗତ ଲାଲା ଶାସନ ଗ୍ରାମରେ ମୁନା ନାୟକ ବୋଲି ଜଣାପଡିଛି । ଏନେଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

ସୂଚନାନୁସାରେ, ସେଦିନ ଥାଏ ମାର୍ଗଶୀର ମାଣବସା ଗୁରୁବାର । ଘରେ ଘରେ ପୂଜା ଚାଲିଥାଏ । ଆମିଷ ତ ଦୂରେ ଥାଉ ପିଆଜ ରସୁଣ ମଧ୍ୟ ଘରେ ପସେନି । ମୁନା ଭାତ ଖାଇବାକୁ ଘରେ ବସିଥିବାବେଳେ ମାଆ ଗୋଲାପଙ୍କୁ ଆମଲେଟ୍ ଦେବାକୁ କହିଥିଲେ । ଗୁରୁବାର ପୂଜା ଯୋଗୁଁ ମାଆ ଅଣ୍ଡା ଭାଜିକି ଦେବାକୁ ମନା କରିଦେଇଥିଲେ । ଏଥିରେ ପୁଅ ରାଗିଯାଇ ଘର ସାମନାରେ ଥିବା କାଠଘରକୁ ଚାଲିଯାଇଥିଲେ । ବହୁ ସମୟ ଧରି ନ ଫେରିବାରୁ ମାଆ ବଡ଼ ପୁଅ ବିଚିତ୍ରକୁ ମୁନାକୁ ଡାକିବାକୁ ପଠାଇଥିଲେ । ବିଚିତ୍ର କାଠଘର କବାଟ ଖୋଲି ଦେଖିଲା ବେଳକୁ ସାନ ଭାଇ ବିଦ୍ୟୁତ କେବୁଲ ତାର ବେକରେ ଦେଇ ଝୁଲି ପଡିଛି ।

ତୁରନ୍ତ ମୁନାଙ୍କୁ ଉଦ୍ଧାର କରାଯାଇ ମେଡ଼ିକାଲକୁ ନେଇ ଥିଲେ ମଧ୍ୟ ଡାକ୍ତର ମୃତ ତାଙ୍କୁ ଘୋଷଣା କରିଥିଲେ । ମାଆ ଗୋଲାପ ଏନେଇ ଥାନାରେ ଅଭିଯୋଗ କରିବା ପରେ ପୋଲିସ ଏକ ମାମଲା କରି ତଦନ୍ତ ଆରମ୍ଭ କରିଛି ।

   Related Posts