scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ରାଜ୍ୟରେ କରୋନା ପଜିଟିଭଙ୍କ ସଂଖ୍ୟା ବଢିନାହିଁ, ୨ ସଂକ୍ରମିତଙ୍କ ସ୍ବାସ୍ଥ୍ୟାବସ୍ଥା ସ୍ଥିର: ତଥ୍ୟ ଲୁଚାଇଥିବାରୁ ଉଜବେକିସ୍ତାନ ଫେରନ୍ତାଙ୍କ ନାମରେ ମାମଲା

23/03/2020 at 8:58 PM

ଭୁବନେଶ୍ୱର,୨୩।୩: ରାଜ୍ୟରେ ଆଉ ବଢିନି କରୋନା ପଜିଟିଭ୍ ସଂଖ୍ୟା । ୨ ଆକ୍ରାନ୍ତଙ୍କ ସ୍ବାସ୍ଥ୍ୟାବସ୍ଥା ସ୍ଥିର ରହିଛି । ଆଜି ସୁଦ୍ଧା ପରୀକ୍ଷା ପାଇଁ ପଠାଯାଇଥିବା ୮୫ ନମୁନା ମଧ୍ୟରୁ ୮୩ ନେଗେଟିଭ୍ ଏବଂ ୨ ଟି ପଜିଟିଭ୍ ଚିହ୍ନଟ ହୋଇଛି । କରୋନା ରୋଗୀଙ୍କ ସଂସ୍ପର୍ଶରେ ଆସିଥିବା ୩୫ ଜଣଙ୍କୁ ଆଇସୋଲେସନରେ ରଖାଯାଇଛି । ରାଜ୍ୟ ସରକାରଙ୍କ ପକ୍ଷରୁ ଏହି ସୂଚନା ଦିଆଯାଇଛି । ଏଣିକି କ୍ବାରାଣ୍ଟାଇନରେ ରହୁଥିବା ବ୍ୟକ୍ତିଙ୍କ ଘର ଆଗରେ ଲାଗିବ ଷ୍ଟିକର । କରୋନା ସଂକ୍ରମଣ ରୋକିବାକୁ ସରକାର ଗୋଟିଏ ପରେ ଗୋଟିଏ କଠୋର ପଦକ୍ଷେପ ଗ୍ରହଣ କରୁଛନ୍ତି । ତେବେ ଅନ୍ୟ ଏକ ଘଟଣାକ୍ରମରେ ଉଜବେକିସ୍ତାନରୁ ଆସିଥିବା ଜଣେ ବ୍ୟକ୍ତି ସରକାରଙ୍କ COVID-19 ନିୟକକୁ ଉଲ୍ଲଘଂନ କରିଥିବାରୁ ତାଙ୍କ ନାଁରେ ସମ୍ବଲପୁର ଧନୁପାଲ୍ଲୀ ଥାନାରେ ମାମଲା ରୁଜୁ ହୋଇଛି ।ସେପଟେ କରୋନା ମୁକାବିଲାକୁ ଆହୁରି କଡାକଡି କରାଯାଇ  ରାଜ୍ୟରେ ଆଉ ୯ ଜିଲ୍ଲାକୁ ସଂପୂର୍ଣ୍ଣ ଲକ୍ ଡାଉନ୍ ଘୋଷଣା କରିଛନ୍ତି ରାଜ୍ୟ ସରକାର।

ଆଉ ୯ ଜିଲ୍ଲାରେ ଲକଡାଉନ୍, ବନ୍ଦ ହେଲା ବସ୍ ସେବା

ମଙ୍ଗଳବାର ସକାଳ ୭ଟାରୁ ପୁରୀ, ନୟାଗଡ, ଜଗତସିଂହପୁର, ଯାଜପୁର, ଭଦ୍ରକ, ବାଲେଶ୍ବର, ଢେଙ୍କାନାଳ, ସମ୍ବଲପୁର ଏବଂ ଝାରସୁଗୁଡା ଜିଲ୍ଲା ସଂପୂର୍ଣ୍ଣ ଲକ୍ ଡାଉନ୍ ରହିବ । ପୂର୍ବରୁ ୫ ଟି ଜିଲ୍ଲାକୁ ମିଶାଇ ଆସନ୍ତାକାଲି ଠାରୁ  ୧୪ ଜିଲ୍ଲା ମାର୍ଚ୍ଚ ୩୧ ଯାଏ ଲକ୍ ଡାଉନରେ ରହିବ । ମଙ୍ଗଳବାର ସକାଳ ୧୧ ଟାରୁ ରାଜ୍ୟର ସବୁ ବସ ଚଳାଚଳ ବନ୍ଦ ରହିବ । ସିଟି ବସ ସେବା ଆଜି ମଧ୍ୟ ରାତ୍ରରୁ ସାରା ରାଜ୍ୟରେ ବନ୍ଦ ରହିବ ।

କରୋନା ଭୟାବହତାକୁ ଦୃଷ୍ଟିରେ ରଖି ଜିଲ୍ଳାପାଳମାନଙ୍କୁ ଅଧିକ କ୍ଷମତା ଦେଇଛନ୍ତି ରାଜ୍ୟ ସରକାର । ସାରା ରାଜ୍ୟରେ ୬୭୯୮ ଗ୍ରାମ ପଞ୍ଚାୟତରେ ୭୨୭୬ ଅସ୍ଥାୟୀ ଚିକିତ୍ସା ଶିବିର ଖୋଲାଯାଇଛି । ସମସ୍ତେ PHC, CHC ରେ ୨୪ ଘଣ୍ଟା ବିଜୁଳି ପାଣି ଏବଂ ଅତ୍ୟାବଶ୍ୟକ ସେବା ଜାରି ରଖିବାକୁ ବିଡିଓମାନଙ୍କୁ ୧୦ ଲକ୍ଷ ଟଙ୍କା ଲେଖାଏ ଆର୍ଥିକ ସହାୟତା ଦିଆଯାଇଛି । ସବୁ ଅଙ୍ଗନବାଡି କେନ୍ଦ୍ର ଏପ୍ରିଲ ୩୦ ଯାଏ ବନ୍ଦ ରହିବ । ଏହି ସମୟରେ ଛତିଆ, ଲଡୁ, ସୁଖିଲା ଖାଦ୍ୟା ହିତାଧିକାରୀଙ୍କ ଘରେ ପହଞ୍ଚାଇବେ ଅଙ୍ଗନବାଡି କର୍ମୀ । ପ୍ରତି ସପ୍ତାହରେ ଅଣ୍ଡା ବଣ୍ଟନ କରାଯିବ ।

ସରକାରୀ କାର୍ଯ୍ୟଳୟକୁ କେତେ ସଂଖ୍ୟକ କର୍ମଚାରୀ ଆସିବେ ସେ ନେଇ ଘୋଷଣା କରିଛନ୍ତି ସରକାର । କ୍ରିଟିକାଲ ବିଭାଗ ଗୁଡିକରେ ୫୦ ପ୍ରତିଶତ, ଆଶିଂକ କ୍ରିଟିକାଲ ବିଭାଗରେ ୧୦ ପ୍ରତିଶତ କର୍ମଚାରୀ ଏବଂ ନନ୍ କ୍ରିଟିକାଲ ବିଭାଗରେ ସଂପୂର୍ଣ୍ଣ ଛୁଟିରେ ରହିବେ କର୍ମଚାରୀ । ସେହିଭଳି କେନ୍ଦ୍ର ସରକାରଙ୍କ ସବୁ କାର୍ଯ୍ୟାଳୟ ଏବଂ ରାଷ୍ଟ୍ରାୟତ୍ତ ଉଦ୍ୟୋଗ, ବ୍ୟାଙ୍କ ଏବଂ ବୀମା କମ୍ପାନୀ ଆଦିରେ ୧୦ ପ୍ରତିଶତ ଷ୍ଟାଫ କାମ କରିବେ । ରାଜ୍ୟରେ କିଭଳି କରୋନା ମହାମାରୀ  ରୂପ ନନେବ,  ସ୍ବାସ୍ଥ୍ୟ ବ୍ୟବସ୍ଥା ବାହାରେ ସ୍ବଳ୍ପ ସମୟ ଭିତରେ କିଭଳି ଅଧିକ ସାଧନ କରାଯାଇ ପାରିବ ସେ ନେଇ ଗୁରୁତ୍ବ ଦେଇଛନ୍ତି ରାଜ୍ୟ ସରକାର । 

   Related Posts