ବୋରିଗୁମ୍ମା ୧୭/୦୭: ଯୁଗ ବଦଳିଛି ବଦଳୁଛି ଟେକ୍ନୋଲୋଜି । ଆଧୁନିକ ଯୁଗରେ ଆମେ ଆଉ ପାଦେ ଆଗେଇଲେଣି । ଦିନକୁ ଦିନ ନୁଆଁ ନୁଆଁ ଟେକ୍ନୋଲୋଜି ବ୍ୟବହାର ହେଉଛି । ମୋବାଇଲ ନେଟୱର୍କ 5G କୁ ପହଂଚିଲାଣି । ଗାଁ ଗହଳି ଠାରୁ ଆରମ୍ଭ କରି ସହରର ପ୍ରତ୍ୟେକ ଲୋକେ ମୋବାଇଲ ବ୍ୟବହାର କରୁଛନ୍ତି । ହେଲେ ଦୁଃଖର ବିଷୟ ଆଜି ପର୍ଯ୍ୟନ୍ତ କୋରାପୁଟ ଚମ୍ପାପଦର ଗ୍ରାମବାସୀ ମୋବାଇଲ ନେଟୱର୍କ ପାଇଁ ସଂଘର୍ଷ କରୁଛନ୍ତି ।

ଏକଥା ଆମେ କହୁନୁ ବରଂ ଏଠାକାର ଲୋକେ କେମିତି ନେଟଓ୍ୱାର୍କ ଟିକିଏ ପାଇଁ ଗଛ ଉପରେ ବି ଚଢୁଛନ୍ତି । କିଏ ଗଛ ଉପରେ ଚଢି ଟିକିଏ ନେଟୱର୍କ ଆସିଲେ କଥା ହେଇଯିବି ବୋଲି ଭାବୁଛି ତ, କିଏ ଛାତ ଉପରେ ଚଢି ନେଟୱର୍କ ଖୋଜୁଛି । ଚମ୍ପାପଦର ରାପଞ୍ଚାୟତର ପ୍ରାୟ ୧୫ ଖଣ୍ଡ ଗାଁରେ ଏହି ଅବସ୍ଥା । ଏହି ଗାଁରେ ପ୍ରାୟ ସମସ୍ତଙ୍କ ପାଖରେ ମୋବାଇଲ ଅଛି କିନ୍ତୁ ନେଟୱର୍କ ନାହିଁ ।

କୌଣସି ଜରୁରୀକାଳୀନ ପରିସ୍ଥିତି ରେ ଆମ୍ବୁଲାନ୍ସ ହେଉ କିମ୍ବା ଅଗ୍ନିଶମ ବିଭାଗ କୁ କଲ କରିବାକୁ ହେଲେ ପାହାଡ଼ ଉପରେ ଯିବାକୁ ପଡେ । ନ ହେଲେ ଗଛ କିମ୍ବା ଛାତ ଉପରେ ଚଢି କଥା ହେବାକୁ ପଡେ । ନ ହେଲେ ସେହି ଗ୍ରାମରୁ ସାତ କିଲୋମିଟର ଆଗକୁ ଯାଇ ଅନ୍ୟ ଗାଁ କୁ ଆସି କଲ୍ କରିବାକୁ ପଡେ। ଶିକ୍ଷିତ ଛାତ୍ରଛାତ୍ରୀଙ୍କୁ ପାଠ ପଢିବାରେ ମଧ୍ୟ ଅସୁବିଧା ହେଉଛି । ଚମ୍ପାପଦର ଗାଁ ରେ ଟାୱାର ଟିଏ ନିର୍ମାଣ କରିବା ପାଇଁ ଗ୍ରାମବାସୀ ନେତା ମନ୍ତ୍ରୀ ଠାରୁ ଆରମ୍ଭ କରି ପ୍ରଶାସନିକ ଅଧିକାରୀ ଙ୍କୁ ଗୁହାରି କରି କରି ଥକି ଗଲେଣି ହେଲେ କେହି କର୍ଣ୍ଣପାତ କରୁନାହାନ୍ତି।

you can also read..