ନୂଆଦିଲ୍ଲୀ ୨୩।୦୯: ଟ୍ରାଫିକ୍ ସିଗନାଲ୍‌ । ନିୟମ ନମାନିବାରୁ ପ୍ରତିଦିନ ହେଉଛି ଅନେକ ଦୁର୍ଘଟଣା । କିନ୍ତୁ କିଛି ଅମାନିଆ ଏପରି ଅଛନ୍ତି, ଯେତେ ନିୟମ କଲେ ମଧ୍ୟ ତାକୁ ଫୁ କରିଦଉଛନ୍ତି । କେତେକ ସ୍ପିଡ୍‌ରେ ଗାଡି ଚଲାନ୍ତି ତ ଆଉ କିଛି ହେଲ୍‌ମେଟ୍‌ ପିନ୍ଦନ୍ତିନି ଆଉ ଟ୍ରାଫିକ୍‌ ନିୟମ ଭାଙ୍ଗନ୍ତି । ଏଥିପାଇଁ ଅନେକ ସମୟରେ ଟ୍ରାଫିକ୍‌ ନିୟମରେ କରାଯାଏ ପରିବର୍ତ୍ତନ ।

 କିନ୍ତୁ କେବେ ଦେଖିଛନ୍ତି କି ଏମିତି ଟ୍ରାଫିକ୍‌ ସିଗନାଲ୍‌ । ଯଦି କେହି ହେଲ୍‌ମେଟ୍‌ ପିନ୍ଧିନଥିବେ, ତେବେ ସିଗନାଲ୍‌ ଗ୍ରିନ୍‌ ଲାଇଟ୍‌ ଦେବନି । ଆଉ ହେଲ୍‌ମେଟ୍‌ ପିନ୍ଧିବା ପରେ ହିଁ ସିଗନାଲ୍‌ ରେଡ୍‌ରୁ ହୋଇଥାଏ ଗ୍ରିନ୍‌ । ଶୁଣି ଆଶ୍ଚର୍ଯ୍ୟ ଲାଗୁଛି ନା । କିନ୍ତୁ ଏହା ସତ । ଏହାର ଏକ ଭିଡିଓରେ ଏବେ ଦେଖିବାକୁ ମିଳିଛି । ଯାହା ସୋଶିଆଲ୍‌ ମିଡିଆରେ ଭାଇରାଲ୍‌ ହେବାରେ ଲାଗିଛି ।

No helmet no green light👏 pic.twitter.com/hvEVTuyE26

— Tansu YEĞEN (@TansuYegen) September 18, 2023

ଭାଇରାଲ୍ ହୋଇଥିବା କ୍ଲିପରେ ଏକ ଅଜବ ଟ୍ରାଫିକ୍ ସିଗ୍ନାଲ୍ ଦେଖିବାକୁ ମିଳିଛି । ଏହାର ଖାସିୟତ୍‌ ହେଉଛି ଟ୍ରାଫିକ୍ ଲାଇଟ୍ ସେତେବେଳ ଯାଏଁ ରେଡ୍‌ ରହିବ ଯେତେବେଳ ଯାଏଁ  ରାସ୍ତାରେ ଥିବା ବାଇକ୍‌ ଡ୍ରାଇଭର୍‌ ହେଲ୍‌ମେଟ୍‌ ନପିନ୍ଧିଛି । ଆଉ ହେଲ୍‌ମେଟ୍‌ ପିନ୍ଧିବା ପରେ ହିଁ ସିଗନାଲ୍‌ ଦେଉଛି ଗ୍ରିନ୍‌ ଲାଇଟ୍‌ ।

ଭିଡିଓରେ ଦେଖିବାକୁ ମିଳିଛି ଯେ ଜଣେ ଯୁବତୀ ସିଗନାଲ୍‌ରେ ବିନା ହେଲମେଟ୍‌ରେ ବାଇକ୍‌ ଧରି ଠିଆ ହୋଇଛନ୍ତି । ଆଉ ସିଗନାଲ୍‌ରେ ଲାଗିଛି ଏକ ଏଲ୍‌ଇଡି ସ୍କିନ୍‌ ।  ଯେଉଁଥିରେ ଯୁବତୀଙ୍କ ମୁହଁକୁ ପୁରା ଜୁମ୍‌ କରି ଦେଖାଯାଉଛି । ଆଉ ସେ ହେଲ୍‌ମେଟ୍‌ ପିନ୍ଧିନଥିବାରୁ ଟ୍ରାଫିକ୍‌  ଗ୍ରିନ୍‌ ସିଗନାଲ୍‌ ଦେଉନି । ଭିଡିଓରେ ଦେଖିପାରୁଥିବେ ଯୁବତୀ ଜଣକଙ୍କର ନଜର ଏଲ୍‌ଇଡି ସ୍କିନ୍‌ ଉପରେ ପଡୁଛି । ଆଉ ଯୁବତୀ ଜଣକ ଲାଜ ଅନୁଭବ କରି  ତୁରନ୍ତ ହେଲମେଟ୍‌ ପିନ୍ଧୁଛନ୍ତି ।

ଏହି ଭିଡିଓକୁ ମାଇକ୍ରୋ ବ୍ଲଗିଂ ସାଇଟ ଏକ୍ସରେ @TansuYegen ନାମକ ଆଇଡିରୁ ସେୟାର କରାଯାଇଛି । ୟୁଜର୍ସ ଜଣକ କ୍ୟାପସନ୍‌ ଦେଇଛନ୍ତି , ହେଲମେଟ ନାହିଁ ତ ଗ୍ରିନ୍‌ ସିଗ୍‌ନାଲ୍‌ ନାହିଁ । ୧୮ ସେପ୍ଟେମ୍ବରରେ ସେୟାର ହୋଇଥିବା ଏହି ଭିଡିଓଟି ଖବର ଲେଖା ହେବା ଯାଏଁ ୮୪ ଲକ୍ଷରୁ ଅଧିକ ଥର ଦେଖାଯାଇଥିବା ବେଳେ ୨୪ ହଜାରରୁ ଅଧିକ ରିଟ୍ବିଟ କରାଯାଇଛି ।

 ଏହାବ୍ୟତୀତ ହଜାର ହଜାର ଲୋକ ଏଥିରେ ମନ୍ତବ୍ୟ ଦେଇଛନ୍ତି । କେହି କେହି ଏହାକୁ ସ୍ପେନ ଏବଂ କେହି କେହି ଏହାକୁ ଆର୍ଜେଣ୍ଟିନା ବୋଲି କହୁଛନ୍ତି। ତେବେ କମେଣ୍ଟରେ ଜଣେ ୟୁଜର୍ସ କହିଛନ୍ତି କି ଆଶ୍ଚର୍ଯ୍ୟଜନକ ଟେକ୍‌ନିକ୍‌ । ବିଶେଷକରି ଭାରତରେ ଏପରି ହେବା ହେବା ଦରକାର୍‌ । ସେହିପରି ଅନ୍ୟ ଜଣେ ୟୁଜର୍ସ କହିଛନ୍ତି କି ଏହି ଜିନିଷ ସବୁ ସହରରେ ହେବା ଆବଶ୍ୟକ ।

You Can Read: