scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ରାୟପୁର ଷ୍ଟାଡିୟମରେ ନାହିଁ ବିଜୁଳି, ୨୦୦୯ରୁ ପୈଠ ହୋଇ ନାହିଁ ବିଲ୍; କିପରି ଖେଳାଯିବ ଭାରତ-ଅଷ୍ଟ୍ରେଲିଆ ଟି-୨୦ ମ୍ୟାଚ୍ ?

1/12/2023 at 5:46 PM

ନୂଆଦିଲ୍ଲୀ: ଭାରତ ଓ ଅଷ୍ଟ୍ରେଲିଆ ମଧ୍ୟରେ ପାଞ୍ଚ ମ୍ୟାଚ୍ ସିରିଜର ଚତୁର୍ଥ ଟି-୨୦ ମ୍ୟାଚ୍ ଆଜି ରାୟପୁରର ସହିଦ ବୀର ନାରାୟଣ ସିଂ ଇଣ୍ଟରନ୍ୟାସନାଲ୍ ଷ୍ଟାଡିୟମରେ ଖେଳାଯିବ । ମ୍ୟାଚ୍ ଆରମ୍ଭ ପୂର୍ବରୁ ଏପରି ଏକ ଖବର ସାମନାକୁ ଆସିଛି, ଯାହା ଶୁଣି ସମସ୍ତେ ଚକିତ ହୋଇଛନ୍ତି ।

ସୂଚନା ଅନୁସାରେ ରାୟପୁରର ଏହି ଷ୍ଟାଡିୟମର ଅନେକ ଭାଗରେ ବିଜୁଳି ନାହିଁ । ଏହାର କାରଣ ୨୦୦୯ ମସିହାରୁ ଥିବା ବକେୟା ବିଜୁଳିକୁ ଏବେ ଯାଏ ପୈଠ କରାଯାଇ ନାହିଁ । ରିପୋର୍ଟ ଅନୁସାରେ, ଷ୍ଟାଡିୟମ ଉପରେ ୩.୧୬ କୋଟି ଟଙ୍କା ବିଜୁଳି ବିଲ୍ ବକେୟା ରହିଛି । ଯାହାକୁ ଏବେ ସୁଦ୍ଧା ପୈଠ କରାଯାଇ ନାହିଁ । ଏହି କାରଣରୁ ପାଞ୍ଚ ବର୍ଷ ପୂର୍ବେ ଷ୍ଟାଡିୟମକୁ ବିଜୁଳି ଯୋଗାଣ ବନ୍ଦ କରିଦିଆଯାଇଛି । ଛତିଶଗଡ଼ କ୍ରିକେଟ ଆସୋସିଏସନର ନିବେଦନରେ ଟେମ୍ପରେରୀ ସଂଯୋଗ ଦିଆଯାଇଛି । ଯାହା କେବଳ ଦର୍ଶକ ଗ୍ୟାଲେରୀ ଓ ବକ୍ସ ଯାଏ ସୀମିତ ରହିଛି । ଭାରତ ଓ ଅଷ୍ଟ୍ରେଲିଆ ମଧ୍ୟରେ ହେବାକୁ ଥିବା ମ୍ୟାଚରେ ଫ୍ଲଡ୍ ଲାଇଟ୍ସ ଜେନେରେଟର ସାହାଯ୍ୟରେ ଜଳାଯିବ । ଅର୍ଥାତ୍ ଯଦି ଜେନେରେଟର ଧୋକା ଦିଏ, ତେବେ ମୈଦାନ ଅନ୍ଧାର ହୋଇଯିବ ।

ପଢନ୍ତୁ: ଭାରତ-ଅଷ୍ଟ୍ରେଲିଆ ୪ର୍ଥ ଟି-୨୦ ମ୍ୟାଚ୍‌, ସିରିଜ୍‌ କବ୍‌ଜା ଲକ୍ଷ୍ୟରେ ସୂର୍ଯ୍ୟ ସେନା

୨୦୧୮ରେ ହ୍ୟାପ୍-ମାରାଥନ୍ ସମୟରେ ମଧ୍ୟ ବିବାଦ ହୋଇଥିଲା । ପ୍ରତିଯୋଗିତା ସମୟରେ ଷ୍ଟାଡିୟମରେ ବିଜୁଳି ନଥିବା ଜାଣି ଖେଳାଳିମାନେ ହୋହଲ୍ଲା କରିଥିଲେ । ଷ୍ଟାଡିୟମ ନିର୍ମାଣ ହେବା ପରେ ଏହାର ରକ୍ଷଣବେକ୍ଷଣ ଦାୟିତ୍ୱ ପିଡବ୍ଲଡିକୁ ଦିଆଯାଇଥିଲା । ଅନ୍ୟ ଖର୍ଚ୍ଚ ଦାୟିତ୍ୱ ଖେଳ ବିଭାଗକୁ ଦିଆଯାଇଥିଲା । ଏହେ ଦୁଇ ବିଭାଗ ବିଜୁଳି ବିଲ୍ ପୈଠ ନହେବା ପାଇଁ ପରସ୍ପରକୁ ଦାୟୀ କରୁଛନ୍ତି ।

   Related Posts