scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କଟକର ୧୩ଟି ଯାକ ଅର୍ବାନ୍ ହେଲ୍ଥ ସେଣ୍ଟରରେ ଡାକ୍ତରଙ୍କ ଅଭାବ: ମନ୍ତ୍ରୀ ଓ ବିଧାୟକଙ୍କ କଥାରେ ରହୁନି ତାଳମେଳ

19/01/2019 at 7:39 PM

କଟକ ୧୯|୧: କର୍ମଚାରୀ ଅଭାବରୁ କଟକରେ ଅଧିକାଂଶ ସ୍ୱାସ୍ଥ୍ୟ କେନ୍ଦ୍ରରେ ଅଚଳାବସ୍ଥା ଦେଖାଦେଇଛି । କେଉଁଠି ଡାକ୍ତର ନଥିବାରୁ ଅବସରପ୍ରାପ୍ତ ଡାକ୍ତରଙ୍କୁ ଠିକା ନିଯୁକ୍ତି ମିଳିଛି ତ ଆଉ କେଉଁଠି ଟେକନିସିଆନ୍ ଓ ନର୍ସ ଅଭାବରୁ ଅଚଳାବସ୍ଥା ସୃଷ୍ଟି ହୋଇଛି । ମାତ୍ର ବିଭାଗୀୟ ମନ୍ତ୍ରୀ କହୁଛନ୍ତି ଷ୍ଟାଫ୍ ଅଭାବର ପ୍ରଶ୍ନ ଉଠୁନି। ସେପଟେ ସ୍ଥାନୀୟ ବିଧାୟକ କହୁଛନ୍ତି, କିଛି ଡାକ୍ତରଖାନାରେ ଡାକ୍ତର ଓ ଅନ୍ୟାନ୍ୟ ଷ୍ଟାଫଙ୍କର ଅଭାବ ରହିଛି, ଯାହା ପୂରଣ କରିବା ପାଇଁ ଚେଷ୍ଟା ଚାଲିଛି ।…

ଷ୍ଟାଫ୍ ଅଭାବରୁ ସ୍ୱାସ୍ଥ୍ୟ କେନ୍ଦ୍ରରେ ଅଚଳାବସ୍ଥା । କଟକରେ ଆରମ୍ଭ ହୋଇଥିବା ଅଧିକାଂଶ ଅର୍ବାନ୍ ପବ୍ଲିକ୍ ହେଲ୍‌ଥ ସେଣ୍ଟରର ଅବସ୍ଥା ସମାନ । କଟକର ୧୩ଟି ଯାକ ଅର୍ବାନ୍ ହେଲ୍‌ଥ ସେଣ୍ଟରରେ ନିୟମିତ ଭାବେ ଡାକ୍ତରଙ୍କ ଅଭାବ ଲାଗି ରହିଛି । ସେଥିପାଇଁ ଅବସରପ୍ରାପ୍ତ ଡାକ୍ତରଙ୍କୁ ଠିକା ଭିତ୍ତିରେ ନିଯୁକ୍ତି ଦେଇ କାମ ଚାଲିଛି । ସେହିପରି ଟେକ୍‌ନିସିଆନ୍ ଓ ନର୍ସଙ୍କ ଅଭାବ ମଧ୍ୟ ଅର୍ବାନ୍ ପବ୍ଲିକ୍ ହେଲ୍‌ଥ ସେଣ୍ଟରରେ ସ୍ୱାସ୍ଥ୍ୟ ସେବା ପ୍ରଦାନରେ ବାଧା ସୃଷ୍ଟି କରୁଛି । ସେପଟେ ସ୍ବାସ୍ଥ୍ୟ ମନ୍ତ୍ରୀ କହୁଛନ୍ତି କୌଣସି ଅର୍ବାନ୍ ପବ୍ଲିକ୍ ହେଲ୍‌ଥ ସେଣ୍ଟରରେ ଡାକ୍ତରଙ୍କର ଅଭାବ ନାହିଁ ।

ସ୍ୱାସ୍ଥ୍ୟ ମନ୍ତ୍ରୀ ଡାକ୍ତର ଅଭାବକୁ ଅସ୍ୱୀକାର କରୁଥିବା ବେଳେ, ସ୍ଥାନୀୟ ବିଧାୟକ କିନ୍ତୁ ଡାକ୍ତର ଓ ଷ୍ଠାଫ୍ ଅଭାବ ଘଟଣାକୁ ସ୍ୱୀକାର କରିଛନ୍ତି । ସିଡିଏମ୍ଓଙ୍କ ସହ ଆଲୋଚନା କରି କିଭଳି ସବୁ ଡାକ୍ତରଖାନାରେ ନିୟମିତ ଡାକ୍ତର ରହି ପାରିବେ, ସେ ନେଇ ପଦକ୍ଷେପ ନିଆଯିବ ବୋଲି କହିଛନ୍ତି ବିଧାୟକ ଦେବାଶିଷ ସାମନ୍ତରାୟ ।

ଡାକ୍ତର ଓ ଷ୍ଟାଫ୍ ଅଭାବ ଯୋଗୁଁ କଟକର ସବୁ ପବ୍ଲିକ୍ ହେଲ୍‌ଥ ସେଣ୍ଟର ଗୁଡିକ ସକାଳେ ତିନି ଘଣ୍ଟା ଓ ସଂଧ୍ୟାରେ ମାତ୍ର ୩ଘଣ୍ଟା ଖୋଲା ରହୁଛି । ବଳକା ସମୟରେ ଡାକ୍ତରଖାନା ଗୁଡିକ ବନ୍ଦ ରହୁଛି। ଯାହା ଫଳରେ ରୋଗୀ ସେବାରେ ବାଧା ଉପୁଜିଛି।

   Related Posts