ଭୁବନେଶ୍ୱର, ୨୮।୦୮: କରୋନା କଟକଣାକୁ ଫୁ । ଗାଇଡଲାଇନ୍ ନମାନି ରାଜଧାନୀ ଭୁବନେଶ୍ୱରର ଏକ ହୋଟେଲରେ ଚାଲିଥିଲା ଜନ୍ମଦିନ ଉତ୍ସବ । ପୋଲିସ କୌଣସି ସୂତ୍ରରୁ ଖବର ପାଇ ଘଟଣାସ୍ଥଳରେ ପହଁଚି ଉତ୍ସବ ବନ୍ଦ କରିଛି ।
ଏବେ ରାଜଧାନୀରେ କରୋନା ସ୍ଥିତି ସଙ୍ଗୀନ ରହିଛି । ପ୍ରଦିଦିନ ଶହ ଶହ ସଂଖ୍ୟାରେ ଆକ୍ରାନ୍ତ ଚିହ୍ନଟ ହେଉଛନ୍ତି । ଏପରି ସ୍ଥଳେ କୌଣସି ଉତ୍ସବ ଓ ଆୟୋଜନ ଉପରେ କଟକଣା ଲାଗିଛି । କେବଳ ବିବାହ ଉତ୍ସବକୁ ଅନୁମତି ମିଳିଛି । ସେ ପୁଣି ଅତିବେଶୀରେ ୫୦ ଜଣ ଅତିଥୀଙ୍କୁ ନେଇ । ତେବେ ରାଜଧାନୀରେ ଥିବା ପୁରୀ-ଭୁବନେଶ୍ୱର ହୋଟେଲ ଆଣ୍ଡ ରେଷ୍ଟୁରାଣ୍ଟରେ କଟକଣାରୁ ଖୁଲମଖୁଲା ଉଲଙ୍ଘନ କରାଯାଇଥିଲା । ହୋଟେଲରେ ଏକ ଜନ୍ମଦିନ ଉତ୍ସବ ଚାଲିଥିଲା । ଯେଉଁଥିରେ ୭୦ରୁ ଅଧିକ ବ୍ୟକ୍ତି ଉପସ୍ଥିତ ଥିଲେ । ଏପରିକି ମଦ୍ୟପାନ ମଧ୍ୟ ଚାଲିଥିଲା । ପଳାଶୁଣୀ ପୋଲିସ ଓ ବିଏମସି ଅଧିକାରୀ ଘଟଣାସ୍ଥଳରେ ପହଁଚି ଉତ୍ସବ ବନ୍ଦ କରିବା ସହ ହୋଟେଲରେ ତାଲା ପକାଇଛନ୍ତି । ଏହାସହ ବନ୍ଦ ନୋଟିସ୍ ମଧ୍ୟ ମାରିଛନ୍ତି ।
