scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଆଜିଙ୍କ୍ୟ ରାହାଣେ-ଚେତେଶ୍ୱର ପୂଜାରାଙ୍କ ଟେଷ୍ଟ କ୍ୟାରିୟର ଶେଷ ! ଫର୍ମ ଥାଇ ବି ଦକ୍ଷିଣ ଆଫ୍ରିକା ସିରିଜ୍‌ରୁ ବାଦ୍‌

1/12/2023 at 1:38 PM

ମୁମ୍ବାଇ ୦୧।୧୨ : ଦକ୍ଷିଣ ଆଫ୍ରିକା ବିପକ୍ଷ ସିରିଜ୍‌ ପାଇଁ ଘୋଷଣା ହୋଇଛି ଟିମ୍‌ । ଟି-୨୦, ଦିନିକିଆ ଏବଂ ଟେଷ୍ଟ ସିରିଜ୍‌ ପାଇଁ ଘୋଷଣା ହୋଇଛି ଟିମ୍‌ । କେତେକ ଯୁବ ଏବଂ ଅଭିଜ୍ଞ ଖେଳାଳିଙ୍କୁ ସୁଯୋଗ ଦିଆଯାଇଛି । କିନ୍ତୁ ଟିମ୍‌ ଚୟନରେ ଦୁଇଟି ନାମ ଗାଏବ ରହିଛି । ତେବେ ଆସନ୍ତୁ ଜାଣିବା ସେହି ଦୁଇଟି କ୍ରିକେଟର କିଏ ? ଯାହାଙ୍କ ପ୍ରଦର୍ଶନ ଭଲ ଥାଇ ବି ଟିମ୍‌ରୁ ବାଦ୍‌ ପଡିବାକୁ ପଡିଛି ।

ଚେତେଶ୍ୱର ପୂଜରା ଏବଂ ଆଜିଙ୍କ୍ୟ ରାହାଣେ । ଦୁଇ ଜଣ ଯେତିକି ବରିଷ୍ଠ , ସେତିକି ମ୍ୟାଚ୍‌ ବିଜୟୀ ଖେଳାଳି । ଉଭୟଙ୍କୁ ଟେଷ୍ଟ ଟିମ୍‌ର ନିୟମିତ ସଦସ୍ୟ ଭାବେ ଚୟନ କରାଯାଉଥିଲା । କିନ୍ତୁ ଦକ୍ଷିଣ ଆଫ୍ରିକା ସିରିଜ୍‌ ଲାଗି ଉଭୟଙ୍କୁ ବାଦ୍‌ ଦିଆଯାଇଛି । ତାଙ୍କ ବଦଳରେ ଯୁବ ଖେଳାଳିଙ୍କୁ ଚୟନ କରାଯାଇଛି । ତେବେ ଏଠି ପ୍ରଶ୍ନ ଉଠୁଛି ଯେ, ସତରେ କ’ଣ ଚେତେଶ୍ୱର ପୂଜାରା ଏବଂ ଆଜିଙ୍କ୍ୟା ରାହାଣେଙ୍କ ଟେଷ୍ଟ କ୍ୟାରିୟର ଶେଷ ହୋଇଯାଇଛି । ଶେଷ ଥର ପାଇଁ ପୂଜାରା ୨୦୨୩ ବିଶ୍ୱ ଟେଷ୍ଟ ଚମ୍ପିଆନ୍‌ସିପ୍‌ ଫାଇନାଲରେ ଖେଳିଥିବା ବେଳେ ରାହାଣେ  ଓ୍ୱେଷ୍ଟଇଣ୍ଡିଜ୍‌ ବିପକ୍ଷରେ ଶେଷ ମ୍ୟାଚ୍‌ ଖେଳିଥିଲେ ।

ଚେତେଶ୍ୱର ପୂଜାରା ବର୍ତ୍ତମାନ ସୁଦ୍ଧା ୧୦୩ଟି ଟେଷ୍ଟ ମୁକାବିଲା ଖେଳିସାରିଛନ୍ତି । ଯେଉଁଥିରେ ସେ ୭୧୯୫ ରନ୍‌ ସଂଗ୍ରହ କରିଛନ୍ତି । ୨୦୬ ତାଙ୍କର ସର୍ବାଧିକ ସ୍କୋର ରହିଛି । ତେବେ ଟେଷ୍ଟ କ୍ୟାରିୟରରେ ୧୯ଟି ଶତକ ହାସଲ କରିଥିବା ବେଳେ ୩ଟି ଦ୍ୱିଶତକ ହାସଲ କରିଛନ୍ତି । ଏହାସହିତ ୩୫ଟି ଅର୍ଦ୍ଧଶତକ ମଧ୍ୟ ହାସଲ କରିଛନ୍ତି । ବିଶ୍ୱ ଟେଷ୍ଟ ଚମ୍ପିଆନସିପ୍‌ ଫାଇନାଲ ମୁକାବିଲା ଥିଲା ପୂଜାରାଙ୍କ ଶେଷ ଟେଷ୍ଟ ମ୍ୟାଚ୍‌ ।

ସେହିପରି ବର୍ତ୍ତମାନ ସୁଦ୍ଧା ୮୫ଟି ଟେଷ୍ଟ ମ୍ୟାଚ୍‌ ଖେଳିସାରିଛନ୍ତି ଆଜିଙ୍କ୍ୟ ରାହାଣେ । ଯେଉଁଥିରେ ମୋଟ ୫୦୭୭ ରନ୍‌ ସଂଗ୍ରହ କରିଛନ୍ତି । ୧୮୮ ତାଙ୍କର ସର୍ବାଧିକ ସ୍କୋର ରହିଛି । ତେବେ ଟେଷ୍ଟ କ୍ୟାରିୟରରେ ରାହାଣେ ୧୨ଟି ଶତକ ହାସଲ କରିଥିବା ବେଳେ ୨୬ଟି ଅର୍ଦ୍ଧଶତକ ପୂରଣ କରିଛନ୍ତି । ୨୦୧୮ରେ ଦକ୍ଷିଣ ଆଫ୍ରିକା ବିପକ୍ଷରେ ଶେଷ ଦିନିକିଆ ମ୍ୟାଚ୍‌ ଖେଳିଥିଲେ ରାହାଣେ ।

   Related Posts