Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ: ହଟିଲା କଟକଣା, ନୂଆ ବର୍ଷରୁ ବାବା ଧବଳେଶ୍ୱରଙ୍କୁ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର: ସନ୍ଧ୍ୟା ସୁଦ୍ଧା ବାତ୍ୟାର ରୂପନେବ ଗଭୀର ଅବପାତ, ବର୍ଷାରେ ଭିଜିବ ଦକ୍ଷିଣ ଓଡିଶା
  • ||
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

‘ଦିଲ୍ଲୀରେ ଜୁଲାଇ ଶେଷ ସୁଦ୍ଧା ସାଢେ ୫ ଲକ୍ଷ ଟପିବନି କରୋନା ସଂକ୍ରମିତଙ୍କ ସଂଖ୍ୟା’, ସିସୋଦିଆଙ୍କ ଦାବିକୁ ଶାହଙ୍କ ଖଣ୍ଡନ

28/06/2020 at 4:16 PM

ନୂଆଦିଲ୍ଲୀ, ୨୮|୦୬:  କେନ୍ଦ୍ର ଗୃହମନ୍ତ୍ରୀ  ଅମିତ ଶାହା ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ଦାବିକୁ ଖଣ୍ଡନ କରିଦେଇଛନ୍ତି । ସିସୋଦିଆ ଜୁଲାଇ ଶେଷ ସୁଦ୍ଧା ଦିଲ୍ଲୀରେ କରୋନା ଆକ୍ରାନ୍ତଙ୍କ ସଂଖ୍ୟା ସାଢେ ୫ ଲକ୍ଷ ଟପିବ ବୋଲି ଦାବି କରିଥିଲେ । ଯାହାକୁ ସିଧାସଳଖ ଖଣ୍ଡନ କରିଛନ୍ତି ଶାହ ।

ଏକ ଖବର ସରବରାହ ସଂସ୍ଥାକୁ ସାକ୍ଷାତକାର ଦେଇ ଅମିତ ଶାହ କହିଛନ୍ତି ଯେ, କରୋନା ସଂକ୍ରମଣ ରୋକିବା ପାଇଁ ସରକାର ଅନେକ ପଦକ୍ଷେପ ନେଉଛନ୍ତି । ତେଣୁ ଜୁଲାଇ ଶେଷ ସୁଦ୍ଧା ସାଢେ ୫ ଲକ୍ଷ ଆକ୍ରାନ୍ତ ହେବେ ନାହିଁ । ଦିଲ୍ଲୀରେ କମ୍ୟୁନିଟି ସ୍ପ୍ରେଡ୍ ହୋଇନାହିଁ । କରୋନାକୁ ଡରିବାର ଆବଶ୍ୟକତା ନାହିଁ । ଏହାକୁ ଅଯଥାରେ ବଡକରି ଦର୍ଶାଯାଉଛି । ଦିଲ୍ଲୀରେ କରୋନା ପରୀକ୍ଷଣ ୪ ଗୁଣା ବୃଦ୍ଧି ପାଇଛି । ପ୍ରତିଦିନ ଏଠାରେ ୧୬ ହଜାର ଟେଷ୍ଟ କରାଯାଉଛି ।

ଶାହ ଆହୁରି କହିଛନ୍ତି ଯେ, ସମସ୍ତେ ଏକାଠି ହୋଇ କାମ କରୁଛନ୍ତି । ମନୀଷ ସିସୋଦିଆ ଯାହା କହୁଛନ୍ତି ତାହା ଲୋକଙ୍କ ମନରେ ଭୟର ବାତାବରଣ ସୃଷ୍ଟି କରୁଛି । ସୂଚନାଯୋଗ୍ୟ, ନିକଟରେ ମନୀଷ କହିଥିଲେ ଯେ,  ଦିଲ୍ଲୀରେ କରୋନା ସଂକ୍ରମିତଙ୍କ ସଂଖ୍ୟା ଜୁଲାଇ ଶେଷ ସୁଦ୍ଧା ସାଢେ ୫ ଲକ୍ଷ ଛୁଇଁବ ।

ଚୀନ ସହ ସୀମା ବିବାଦ ପ୍ରସଙ୍ଗରେ ଶାହ କହିଛନ୍ତି ଯେ, ଦେଶର ସର୍ବପୁରାତ ରାଜନୈତିକ ଦଳର ପୂର୍ବତନ ଅଧ୍ୟକ୍ଷ ଯାହା କହୁଛନ୍ତି ତାହା ଶୋଭା ପାଉନାହିଁ । ରାହୁଲ ରାଜନୀତି କରୁଛନ୍ତି । ତାଙ୍କ ବୟାନ ଚୀନ ଓ ପାକିସ୍ତାନକୁ ଫାଇଦା ଦେବ ବୋଲି ଶାହ କହିଛନ୍ତି ।

   Related Posts