ପାଟନା: ବିହାର ରାଜ୍ୟପାଳ ଫାଗୁ ଚୌହାନକୁ ନିଜର ଇସ୍ତଫା ଦେବା ପରେ ନୀତୀଶ କୁମାର ପ୍ରଥମ ପ୍ରତିକ୍ରିୟା ରଖିଛନ୍ତି । ନୀତୀଶ କୁମାର କହିଛନ୍ତି, ସମସ୍ତ ସାଂସଦ ଏବଂ ବିଧାୟକଙ୍କ ମିଳିତ ସହମତି ପରେ ଏନଡିଏ ଛାଡିବାକୁ ନିଷ୍ପତ୍ତି ନିଆଯାଇଛି । ବିଜେପି ସହ ମିଶି କାମ କରିବା ଅସହଜ ହୋଇଥିଲା । ସେ କହିଛନ୍ତି, 'ଆଜି ଆମର ସମସ୍ତ ବିଧାୟକ, ସାଂସଦ ଏବଂ କର୍ମୀଙ୍କ ସହ ଆଲୋଚନା ହୋଇଛି । ଏନଡିଏ ଛାଡିବା ପାଇଁ ସମସ୍ତ ମତ ରଖିଥିଲେ। ଏଥିପାଇଁ ଆଜି ଆମେ ଏହି ନିଷ୍ପତ୍ତି ନେଇଛୁ'।
ତେବେ ବିଜେପି ସହ କଣ ଅସୁବିଧା ଥିଲା ପ୍ରଶ୍ନରେ ନୀତୀଶ କୁମାର ସିଧା କୌଣସି ଉତ୍ତର ନ ରଖି, ଆଗାମୀ ଦିନରେ କହିବୁ ବୋଲି କହିଛନ୍ତି । ରାଜ୍ୟପାଳଙ୍କୁ ନିଜର ଇସ୍ତଫା ଦେବା ପରେ ରାବଡୀ ଦେବୀଙ୍କ ଘରେ ପହଞ୍ଚିଛନ୍ତି ନୀତୀଶ କୁମାର ।
wp:html/wp:html#WATCH | All MPs and MLAs reached a consensus that we should leave the NDA. Soon after, I resigned as Bihar CM, says Nitish Kumar.#Bihar pic.twitter.com/ov8ds5ughO
— ANI (@ANI) August 9, 2022
ନୀତୀଶ କୁମାର ଏବେ ଆରଜେଡି ସହ ମିଶି ବିହାରରେ ସରକାର ଗଠନ କରିବେ । ସୂଚନା ଅନୁସାରେ, ଉପମୁଖ୍ୟମନ୍ତ୍ରୀ ଏବଂ ବାଚସ୍ପତି ପଦ ଆରଜେଡି ପାଖରେ ରହିବ । ତେଜସ୍ୱୀ ଯାଦବ ରାଜ୍ୟର ଉପମୁଖ୍ୟମନ୍ତ୍ରୀ ହେବ । ଆରଜେଡି ନେତାଙ୍କ ବୟାନ ଅନୁସାରେ, ମନ୍ତ୍ରଣାଳ ବଣ୍ଟନରେ କୌଣସି ମତଭେଦ ହେବ ନାହିଁ । ଅନ୍ୟପଟେ ତେଜସ୍ୱୀ ଯାଦବ କହିଛନ୍ତି, 'ଆମ ପାଖରେ ୧୬୦ ବିଧାୟକଙ୍କ ଶକ୍ତି ରହିଛି । ଯଦି ବିଜେପି ଅସ୍ଥିରତା ସୃଷ୍ଟି କରିବାକୁ ଚାହେଁ କିମ୍ୱା ରାଷ୍ଟ୍ରପତି ଶାସନ ଲାଗୁ କରିବା ପାଇଁ ପ୍ରୟାସ କରେ ତେବେ ଆମଏ କଡା ଜବାବ ଦେବୁ'।
