scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଉଦ୍ଧବ ଠାକରେଙ୍କୁ ପରୋକ୍ଷରେ ଆକ୍ଷେପ କଲେ ନିତିନ ଗଡକରୀ, କହିଲେ- ବିଜେପି ସେହି ଦଳ ନାହିଁ ଯେଉଁଠି ସିଏମଙ୍କ ପୁଅ ମନ୍ତ୍ରୀ ହେବ

13/08/2022 at 10:56 PM

ମୁମ୍ୱାଇ: କେନ୍ଦ୍ରମନ୍ତ୍ରୀ ନିତିନ ଗଡକରୀ ମହାରାଷ୍ଟ୍ର ବିଜେପି ଅଧ୍ୟକ୍ଷ ଚେନ୍ଦ୍ରଶେଖର ବବନକୁଲେଙ୍କ ପ୍ରଶଂସାରେ ଶତମୁଖ ହୋଇଛନ୍ତି । ଏହାସହ ଏହା କେବଳ ବିଜେପିରେ ସମ୍ଭବ ବୋଲି କହିଛନ୍ତି । ଜଣେ ସାଧାରଣ କର୍ମୀ ନିଜ କର୍ମରେ ପାର୍ଟିର ଶୀର୍ଷ ସ୍ଥାନରେ ପହଞ୍ଚି ପାରିବା କେବଳ ବିଜେପିରେ ହିଁ ସମ୍ଭବ। ଏହାସହ ସେ କହିଛନ୍ତି, ବିଜେପି ସେହି ଦଳ ମଧ୍ୟରେ ନାହିଁ, ଯେଉଁଠି ମୁଖ୍ୟମନ୍ତ୍ରୀଙ୍କ ପୁଅ ଆପେ ଆପେ ମନ୍ତ୍ରୀ ହୋଇଯିବ । କୁହାଯାଉଛି ଏପରି କହି ସେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଏବଂ ତାଙ୍କ ପୁଅ ଆଦିତ୍ୟ ଠାକରେଙ୍କୁ ଟର୍ଗେଟ କରିଛନ୍ତି ।

ଗଡକରୀ କହିଛନ୍ତି, କୌଣସି ନେତାର ପୁଅ ହେବା କିଛି ଭୁଲ ନାହିଁ । କିନ୍ତୁ ଦଳରେ କୌଣସି ପଦବୀ ପାଇବା ଲୋକଙ୍କୁ ନିଜର ଯୋଗ୍ୟତା ଦେଖାଇବାକୁ ପଡିବ । ଦିନେ ନାଗପୁରରେ ଅଟୋ ରିକ୍ସା ଚଳାଉଥିବା ଚନ୍ଦ୍ରଶେଖର ରାଜ୍ୟର ଅଧ୍ୟକ୍ଷ ହେବା ପାଇଁ ଲମ୍ୱା ରାସ୍ତା ଅତିକ୍ରମ କରିଛନ୍ତି । ଏହା ପୂର୍ବରୁ ୨୦୧୪ ମସିହାରେ ଦେବେନ୍ଦ୍ର ଫଡଣଭୀସଙ୍କ ମନ୍ତ୍ରିମଣ୍ଡଳରେ ରାଜ୍ୟର ଶକ୍ତି ମନ୍ତ୍ରୀ ଥିଲେ । ତେବେ ୨୦୧୯ ମସିହାରେ ଦଳ ତାଙ୍କୁ ଟିକେଟ୍ ଦେବାକୁ ମନା କରି ଦେଇଥିଲା।

କେନ୍ଦ୍ରମନ୍ତ୍ରୀ ନିଜ ଭାଷଣରେ କହିଛନ୍ତି, ୨୦୧୯ ବିଧାନସଭା ନିର୍ବାଚନରେ ଚନ୍ଦ୍ରଶେଖରଙ୍କୁ ଟିକେଟ ମିଳି ନଥିଲା । କିନ୍ତୁ ସେ ନିରାଶ ହୋଇ ନଥିଲେ । ଏହି କାରଣରୁ ତାଙ୍କୁ ସଠିକ ସମୟରେ ପାର୍ଟି ଏହି ପଦ ଦେଇଛି ।

   Related Posts