ନୟାଗଡ : ମଦ୍ୟପ ପୁଅର ମୁଣ୍ଡରେ ପଥର ଛେଚିଦେଲା ବୃଦ୍ଧ  ବାପା । ଗୁରୁତର ଅବସ୍ଥାରେ ପୁଅକୁ ପ୍ରଥମେ ନୟାଗଡ ମେଡିକାଲ୍ ଏବଂ ପରେ ଭୁବନେଶ୍ବର ସ୍ଥାନାନ୍ତର କରାଯାଇଛି । ନୟାଗଡ ଜିଲ୍ଲା ଇଟାମାଟି ଗାଁ ପଞ୍ଚାୟତ ସାହିରେ ଆଜି ଏଭଳି ଏକ ଅଭାବନୀୟ ଘଟଣା ଘଟିଛି ।

ଗାଁର ଦୈତାରୀ ମହାନ୍ତିଙ୍କ ଭିନ୍ନକ୍ଷମ ପୁଅ ଶିବପ୍ରସାଦ ସବୁ ସମୟରେ  ନିଶାସେବନ କରି ଘରେ ଗଣ୍ଡଗୋଳ କରନ୍ତି । ଏଥିପାଇଁ ପରିବାରରେ ଅଶାନ୍ତି ଲାଗିରହୁଥିଲା । ଆଜି ଏହା ବିସ୍ଫୋରକ ରୁପ ନେଇଥିଲା । ସବୁଦିନପରି ଆଜି ଶିବ ଘରେ ଝଗଡା କରିବାରୁ ବାପା ଦୈତାରୀ ଏଥିରେ ଅତିଷ୍ଠ ହୋଇ ପୁଅର ମୁଣ୍ଡରେ ଏକ ପଥର ଛେଚି ଦେଇଥିଲେ । ସଙ୍କଟାପନ୍ନ ଅବସ୍ଥାରେ ଶିବକୁ ପରିବାର ଲୋକେ  ନୟାଗଡ ଡାକ୍ତରଖାନାକୁ ଆଣିଥିଲେ । ତେବେ ଅବସ୍ଥା ଗୁରୁତର ହେବାରୁ ଶିବକୁ ଭୁବନେଶ୍ବର ସ୍ଥାନାନ୍ତର କରାଯାଇଛି । ଥାନାରେ ଏନେଇ ଅଭିଯୋଗ ହୋଇନଥିଲେ ମଧ୍ୟ ଇଟାମାଟି ପୋଲିସ  ଘଟଣାର ତଦନ୍ତ ଆରମ୍ଭ କରିଛି ।