ଭୁବନେଶ୍ବର ୧୮।୯ : ରାଜ୍ୟରେ ଚିନ୍ତା ବଢାଇଲାଣି ସ୍କ୍ରବ୍ ଟାଇଫସ୍ । ଏ ନେଇ ପ୍ରତିକ୍ରିୟା ରଖିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ଡାକ୍ତର ନିରଞ୍ଜନ ମିଶ୍ର । ସେ କହିଛନ୍ତି, ସ୍କ୍ରବ୍ ଟାଇଫସରେ ମୃତ୍ୟୁର ତଦନ୍ତ ପାଇଁ ବରଗଡ଼ ଓ ସୁନ୍ଦରଗଡ଼ ଯାଇଛନ୍ତି ଜନସ୍ୱାସ୍ଥ୍ୟ ବିଭାଗର ସ୍ୱତନ୍ତ୍ର ଟିମ୍ । ଜଣେ ଯୁଗ୍ମ ନିର୍ଦ୍ଦେଶକଙ୍କ ସହ ଏପିଡେମୋଲୋଜିଷ୍ଟ ଅଛନ୍ତି । ଘଟଣାର ପୁରା ତଦନ୍ତ କରିବେ ଏହି ଟିମ୍‌ ।

ସେହିପରି ବରଗଡରୁ ୫ ଓ ସୁନ୍ଦରଗଡ଼ରୁ ଜଣଙ୍କର ମୃତ୍ୟୁ ଖବର ମିଡ଼ିଆରେ ଆସିଥିଲା । ହେଲେ ସେମାନଙ୍କ ଟେଷ୍ଟ ଘରୋଇ ହସ୍ପିଟାଲରେ ହୋଇଥିଲା । କ’ଣ ଟେଷ୍ଟ ହୋଇଥିଲା ଓ କେମିତି ମୃତ୍ୟୁ ହୋଇଛି, ତାହାର ତଦନ୍ତ ହେଉଛି । ଘରୋଇ ହସ୍ପିଟାଲ ସହ ଭର୍ବାଲ ଅଟୋପ୍ସି ହେବ । ଯେଉଁଥିରେ ହସ୍ପିଟାଲ କର୍ତ୍ତୃପକ୍ଷଙ୍କ ପକ୍ଷରୁ ମୃତକଙ୍କୁ ନେଇ ତଥ୍ୟ ସଂଗ୍ରହ ହେବ । ଘରୋଇ ହସ୍ପିଟାଲ କାର୍ଡ ଟେଷ୍ଟ କରୁଛନ୍ତି । ଯାହା ଠିକ୍ ନୁହେଁ । ତାହା ରାପିଡ୍ ଡାଇଗ୍ନୋଷ୍ଟିକ୍ କୀଟର ହୁଏ । ହେଲେ ତାହା ପ୍ରକୃତ ଟେଷ୍ଟ ନୁହେଁ । କେବଳ ଏଲିସା ପଦ୍ଧତିରେ ଟେଷ୍ଟ ହେଲେ ହି ସଠିକ୍ ତଥ୍ୟ ମିଳିବ । ସରକାରୀ ହସ୍ପିଟାଲରେ ଏଲିସା ପଦ୍ଧତିରେ ପରୀକ୍ଷା ହେଉଛି ।