Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମରାଠୀ ଫିଲ୍ମରେ ଡେବ୍ୟୁ କରିବେ ନିକିତା, ‘ଘରତ୍‌ ଗଣପତି’ରେ ଆସିବେ ନଜର

11/11/2022 at 10:39 AM

ମୁମ୍ଵାଇ ୧୧।୧୧: ‘କବିର ସିଂହ’ ଓ ସୁପର୍‌ନ୍ୟାଚୁରାଲ୍‌ ହରର୍‌ ଫିଲ୍ମ  ‘ଡାଇବୁକ୍‌’ରେ ସୁନ୍ଦର ଅଭିନୟ ଜରିଆରେ ଦର୍ଶକଙ୍କ  ମନ ଜିଣିଥିଲେ ନିକିତା ଦତ୍ତ । ଏବେ ସେ ମରାଠୀ  ସିନେମା ଇଣ୍ଡଷ୍ଟ୍ରିରେ ପାଦ ଥାପିବାକୁ ଯାଉଛନ୍ତି । ଫିଲ୍ମ ‘ଘରତ୍‌ ଗଣପତି’ରେ  ଆସିବେ ନଜର । ଆସନ୍ତା ଡିସେମ୍ବରରେ ଫିଲ୍ମ  ସୁଟିଂ ଆରମ୍ଭ ହେବ । ଫିଲ୍ମମେକର୍‌  ଏହାର ଟାଇଟଲ୍‌ ଜାରି କରିବା ସହିତ  ଫିଲ୍ମ ଲୋଗୋର ଏକ ଭିଡିଓ ମଧ୍ୟ  ସେୟାର କରିଛନ୍ତି । ନବଜୋତ  ବାନ୍ଦିୱାଡେକରଙ୍କ ନିର୍ଦ୍ଦେଶିତ ଏହି  ଫିଲ୍ମ ଗଣେଶ ଚତୁର୍ଥୀ ପର୍ବ ଉପରେ  ପର୍ଯ୍ୟବସିତ।

ଏ ବିଷୟରେ ନିକିତା କହିଛନ୍ତି  ‘ଆଞ୍ଚଳିକ ସିନେମାରେ ପ୍ରବେଶ  କରିବାକୁ ମୁଁ ସର୍ବଦା ଚାହିଁଛି। ସେ  ଦୃଷ୍ଟିରୁ ‘ଘରତ୍‌ ଗଣପତି’ ମୋ  ହିସାବରେ ଶ୍ରେଷ୍ଠ ଫିଲ୍ମ। ଫିଲ୍ମର  ଏକାଧିକ ଭାବନା ରହିଛି, ଯାହା  ମୋତେ ମୋର ଦକ୍ଷତା ପ୍ରଦର୍ଶନରେ  ସାହାଯ୍ୟ କରିବ । ଦର୍ଶକ ଫିଲ୍ମଟିକୁ  ଖୁବ୍‌ ପସନ୍ଦ କରିବେ ବୋଲି ମୁଁ  ନିଶ୍ଚିତ । ମଲ୍ଟି-ଷ୍ଟାରର୍‌ ଏହି ଫିଲ୍ମରେ ଭୂଷଣ ପ୍ରଧାନ,  ଆଶିଷ ପାଥୋଡଙ୍କ ଭଳି ଜଣାଶୁଣା ମରାଠୀ କଳାକାର  ଅଭିନୟ କରିଛନ୍ତି । ଦୀର୍ଘ ବର୍ଷର କଠିନ ପରିଶ୍ରମ ପରେ  ଫିଲ୍ମ ଘୋଷଣା କରିଥିବା ବାନ୍ଦିୱାଡେକର କହିଛନ୍ତି, ଏହାର  କାହାଣୀ ଦର୍ଶକଙ୍କୁ ପସନ୍ଦ ଆସିବ ।

ଏହାର ଅଧିକାଂଶ  ଭାଗକୁ ଲୋକେ ବାସ୍ତବ ଜୀବନ ସହ ମିଳାଇ ପାରିବେ। ଏକାଧିକ ବଲିଉଡ୍‌ ଫିଲ୍ମରେ ଗୁରୁତ୍ୱପୂର୍ଣ୍ଣ ଭୂମିକାରେ  ନିକିତା ନଜର ଆସିଛନ୍ତି । ‘ଲେକର୍‌ ହମ୍‌ ଦିୱାନା  ଦିଲ୍‌’, ‘ଲଷ୍ଟ୍‌ ଷ୍ଟୋରିଜ୍‌’, ‘ଗୋଲ୍ଡ’, ‘ମସ୍‌କା’ ଓ ‘ଦ  ବିଗ୍‌ ବୁଲ୍‌’ ଭଳି ଫିଲ୍ମ ସମେତ ‘ଡ୍ରିମ୍‌ ଗର୍ଲ-ଏକ୍‌  ଲଡ୍‌କି ଦିୱାନୀ ସି’, ‘ଏକ୍‌ ଦୁଜେ କେ ୱାସ୍‌ତେ’,  ‘ହାସିଲ୍‌’ ଭଳି ଧାରାବାହିକରେ ମଧ୍ୟ ସେ  କାମ କରିଛନ୍ତି । ସେତିକି ନୁହେଁ, ‘ସୁନ୍‌ ରେ  ସଜ୍‌ନା’, ‘ଗୁନ୍‌ଗୁନାତି ରେହ୍‌ତି ହୁଁ’ ଓ ‘ମସ୍ତ  ନଜ୍‌ରୋଁ ସେ’ ଭଳି ମ୍ୟୁଜିକ୍‌ ଭିଡିଓରେ ମଧ୍ୟ  ସେ ଦର୍ଶକଙ୍କ ମନ କିଣିଛନ୍ତି ।

   Related Posts