ଶ୍ରୀନଗର ୨୪।୧୨ : ଟେରର ଫଣ୍ଡିଂରେ ଲାଗିବ ଆହୁରି ଲଗାମ । ଆକ୍ସନମୋଡ଼ରେ ଜାତୀୟ ତଦନ୍ତକାରୀ ସଂସ୍ଥା । ଜମ୍ମୁ କାଶ୍ମୀର କଠୁଆର ବିଭିନ୍ନ ସ୍ଥାନରେ ଜାତୀୟ ତଦନ୍ତକାରୀ ସଂସ୍ଥା (NIA) ପକ୍ଷରୁ ଚଢାଉ ଜାରି ରହିଛି ।
ଖବର ଅନୁଯାୟୀ, ଦେଶରେ ଆତଙ୍କବାଦୀ ଦମନ ପାଇଁ ଆକ୍ସନମୋଡ଼କୁ ଆସିଛନ୍ତି ସରକାର । ଗୋଟିଏ ପଟେ ସେନା ଜମ୍ମୁକାଶ୍ମୀରରେ ଏନ୍କାଉଣ୍ଟରରେ ଆତଙ୍କବାଦୀଙ୍କୁ ଦମନ କରୁଥିବା ବେଳେ ଆଉ ଗୋଟିଏ ପଟେ ଜାତୀୟ ତଦନ୍ତକାରୀ ସଂସ୍ଥା (NIA) ରାଜ୍ୟର ବିଭିନ୍ନ ସ୍ଥାନରେ ଚଢାଉ ଜାରି ରଖିଛି । ଟେରର ଫଣ୍ଡିଂ କେସ୍ରେ କଠୁଆର ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ଏନ୍ଆଇଏ ।
ସେହିପରି ଶୁକ୍ରବାର ଦିନ ମଧ୍ୟ ଜମ୍ମୁ କାଶ୍ମୀରର ୧୩ଟି ସ୍ଥାନରେ ଏନ୍ଆଇଏ ପକ୍ଷରୁ ରେଡ୍ କରାଯାଇଥିଲା । ଟେରର ଫଣ୍ଡିଂ ଏବଂ ଡ୍ରୋନ୍ରେ ଅସ୍ତ୍ରଶସ୍ତ୍ର ଚାଲାଣ ଅଭିଯୋଗରେ ଚଢାଉ କରିଥିଲା ଏନ୍ଆଇଏ । ଯେଉଁଥିରେ କି ବହୁ ଗୁରୁତ୍ୱପୂର୍ଣ୍ଣ ତଥ୍ୟ ଜାତୀୟ ତଦନ୍ତକାରୀ ସଂସ୍ଥାକୁ ମିଳିଥିଲା । ଆଉ ଏବେ ଶନିବାର ମଧ୍ୟ ଏନ୍ଆଇଏ ପକ୍ଷରୁ କଠୁଆ ଜିଲ୍ଲାର ବିଭିନ୍ନ ସ୍ଥାନରେ ରେଡ୍ ଚାଲିଛି ।
