ନୂଆଦିଲ୍ଲୀ ୨୭।୦୯ : ଆକ୍ସନରେ ଜାତୀୟ ତଦନ୍ତକାରୀ ସଂସ୍ଥା (NIA) । ଦେଶରେ ଏକାସାଙ୍ଗେ ୫୦ଟି ସ୍ଥାନରେ ଚଢାଉ କରିଛି ଏନ୍‌ଆଇଏ । ଖଲିସ୍ତାନୀ ସଂଗଠନ, ଗ୍ୟାଙ୍ଗଷ୍ଟାର, ଏବଂ ଆତଙ୍କବାଦଙ୍କୁ ଫାଣ୍ଡି ମାମଲାରେ ଚଢାଉ କରିଛି ଏନ୍‌ଆଇଏ ।

ଖବର ଅନୁଯାୟୀ, ବୁଧବାର ସକାଳୁ ସକାଳୁ ଏନଆଇଏ ଏକାସାଙ୍ଗେ ୫୦ଟି ସ୍ଥାନରେ ଚଢାଉ କରିଛି । ଏହି ଚଢାଉରେ ପଞ୍ଜାବ, ହରିୟାଣା, ଦିଲ୍ଲୀ-ଏନ୍‌ସିଆର୍‌, ରାଜସ୍ଥାନ, ଉତ୍ତରପ୍ରଦେଶ, ଉତ୍ତରାଖଣ୍ଡର ବିଭିନ୍ନ ସ୍ଥାନ ରହିଛି । ଯେଉଁ ସବୁ ସ୍ଥାନରେ ଚଢାଉ ହୋଇଛି । ତାହା ମଧ୍ୟରୁ ଜଣେ ଛାତ୍ର ନେତାଙ୍କ ଘର ରହିଛି ବୋଲି ସୂଚନା ରହିଛି । ଚଢାଉ ମଧ୍ୟରେ ପଞ୍ଜାବର ସର୍ବାଧିକ ସ୍ଥାନ ରହିଛି । ପଞ୍ଜାବରେ ୩୦ଟି , ରାଜସ୍ଥାନରେ ୧୨ଟି ସ୍ଥାନ, ହରିୟାଣାକରେ ୪ଟି, ଉତ୍ତରାଖଣ୍ଡରେ ୨ଟି, ଦିଲ୍ଲୀ-ୟୁପିରେ ଗୋଟିଏ ଗୋଟିଏ ସ୍ଥାନ ରହିଛି ।

କିଛି ଦିନ ତଳେ କାନାଡ଼ାରେ ଖାଲିସ୍ତାନୀ ଆତଙ୍କୀ ହରିଦୀପ ସିଂହଙ୍କୁ କିଏ ହତ୍ୟା କରିଥିଲା । ତାପର ଠାରୁ ଭାରତ-କାନାଡ଼ା ମଧ୍ୟରେ ତିକ୍ତତା ଲାଗିରହିଛି । ଏହି ହତ୍ୟା ପଛରେ ଭାରତର ହାତ ଥିବା ଅଭିଯୋଗ କରିଛି କାନାଡା । କିନ୍ତୁ ଭାରତ ଏହାକୁ ଲଗାତର ଭାବେ ପ୍ରତ୍ୟାଖାନ କରିଚାଲିଛି । ଏସବୁ ଭିତରେ ଖାଲିସ୍ତାନୀ ଆତଙ୍କୀ ଏବଂ ଗ୍ୟାଙ୍ଗଷ୍ଟାର ମଧ୍ୟରେ ଥିବା ଲିଙ୍କ ନେଇ ଆକ୍ସନକୁ ଆସିଛି ଏନ୍‌ଆଇ । ଖାଲିସ୍ତାନୀ ଆତଙ୍କୀର ବିଭିନ୍ନ ସଂଗଠନ ଏବଂ ସହଯୋଗୀଙ୍କ ଘରେ ରେଡ୍‌ କରିଛି ଜାତୀୟ ତଦନ୍ତକାରୀ ସଂସ୍ଥା ।