ସୋନପୁର ୨୪/୧୨: ନିଆଁର ଆଁରେ ଭସ୍ମୀଭୂତ ହେଲା ଚାରି ଏକର ଜମିର ଧାନ ଫସଲ । ପଦ୍ମପୁର ଉପଖଣ୍ଡ ଗାଇସିଲାଟ ଥାନା ହଳନକନାସି ଗାଁର ଆନନ୍ଦ ସାହୁ ଓ ଗୋବିନ୍ଦ ସାହୁ ଦୁଇ ଭାଇ ନିଜ ୪ ଏକର ଚାଷଜମିରେ ଧାନଚାଷ କରିଥିଲେ ।
ଧାନ କାଟି ଖଳାରେ ଖରି କରିକି ରଖିଥିଲେ । ହେଲେ ସେହି ଗାଁର ସୁରେଶ ସାହୁ, ଡିଲେଶ୍ବର ସାହୁ ଓ ରାଜେଶ ସାହୁ ତାଙ୍କ ଧାନ ଖରିରେ ନିଆଁ ଲଗାଇ ଦେଇଥିବା ଥାନାରେ ଲିଖିତ ଅଭିଯୋଗ କରିଛନ୍ତି ।
ଧାନ ଖରିରେ ନିଆଁ ଲାଗିଥିବା ଖବର ପାଇ ସେ ଦମକଳ ବାହିନୀକୁ ଖବର ଦେଇଥିଲେ ହେଲେ ଦମକଳ ପହଞ୍ଚିବା ବେଳକୁ ଧାନ ସବୁ ଜଳି ପାଉଁଶ ହୋଇଯାଇଥିଲା । ପୋଡି ଯାଇଥିବା ଧାନ ଖରିରୁ ପ୍ରାୟ ୨୦୦ ପ୍ୟାକେଜ ଧାନ ଅମଲ ହୋଇଥାନ୍ତା ବୋଲି ସେ ଲିଖିତ ଅଭିଯୋଗ କରିଛନ୍ତି ।