ନୂଆଦିଲ୍ଲୀ ୧୮|୬: ମୁଜାଫରପୁରରେ ଏନ୍ ସେଫାଲାଇଟିସ୍ ରୋଗରେ ଆକ୍ରାନ୍ତ ହୋଇ ୧୦୦ରୁ ଅଧିକ  ଶିଶୁ  ପ୍ରାଣ ହରାଇବା ପରେ ରାଷ୍ଟ୍ରୀୟ ମାନବାଧିକାର ଆୟୋଗ ସୋମବାର କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରାଳୟ ଏବଂ ବିହାର ସରକାରଙ୍କୁ ଏ ନେଇ ନୋଟିସ୍ ଜାରି କରିଛନ୍ତି।  ଏହି ରୋଗର କିଭଳି ମୁକାବିଲା କରାଯାଇ ପାରିବ ସେ ନେଇ ରାଷ୍ଟ୍ରୀୟ ମାନବାଧିକାର ଆୟୋଗ ତତ୍ପର ହୋଇଛନ୍ତି । ଏବେ ଡାକ୍ତରଖାନାରେ ଏନ୍ ସେଫାଲାଇଟିସ୍  ରୋଗରେ ପୀଡ଼ିତ ହୋଇ ଚିକିତ୍ସିତ ହେଉଥିବା ଶିଶୁମାନଙ୍କୁ କେଉଁ ପ୍ରକାରର ଚିକିତ୍ସା ଯୋଗାଇ ଦିଆଯାଉଛି ଏବଂ ପୀଡ଼ିତ ପରିବାରକୁ କିଭଳି ସାହାଯ୍ୟ ଯୋଗାଇ ଦିଆଯାଉଛି ସେ ନେଇ ନୋଟିସ ଜାରି ହୋଇଛି । ଏହା ସହ ୪ସପ୍ତାହ ମଧ୍ୟରେ ଶିଶୁ ମୃତ୍ୟୁର ସଂପୂର୍ଣ୍ଣ ରିପୋର୍ଟ ଦେବା ପାଇଁ କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରାଳୟ ଏବଂ ବିହାର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ଏନ୍ ଏଚ୍ ଆରସି ।