FIFA World Cup 2022: ପାଞ୍ଚ ଥରର ଚାମ୍ପିୟନ ବ୍ରାଜିଲକୁ ବଡ଼ ଝଟକା, ଆହତ ଯୋଗୁଁ ଗ୍ରୁପ ପର୍ଯ୍ୟାୟ ମ୍ୟାଚ ଖେଳିବେନି ନେମାର

Published By : Prameya-News7 Bureau | November 25, 2022 IST

ନୂଆଦିଲ୍ଲୀ: କତାରରେ ଜାରି ଫିଫା ବିଶ୍ୱ କପ ୨୦୨୨ର ନିଜର ପ୍ରଥମ ମ୍ୟାଚରେ ଆହତ ହେବା ପରେ ବ୍ରାଜିଲର ଷ୍ଟାର ଫରୱାର୍ଡର ନେମାର ଗ୍ରୁପ ପର୍ଯ୍ୟାୟରୁ ବାହାର ହୋଇଛନ୍ତି । ବିଶ୍ୱ କପରେ ସର୍ବିଆକୁ ୨-୦ରେ ବ୍ରାଜିଲ ହରାଇଥିଲା । ତେବେ ମ୍ୟାଚର ଶେଷ ମୁହୂର୍ତ୍ତରେ ନେମାର ଆହତ ହୋଇଥିଲେ। ଟେଷ୍ଟ ପରେ ଏବେ ସେ ଟିମ୍ ହୋଟେଲରେ ଚିକିତ୍ସିତ ହେଉଛନ୍ତି ।

ସର୍ବିଆ ବିପକ୍ଷ ମ୍ୟାଚର ଦ୍ୱିତୀୟାର୍ଦ୍ଧରେ ନେମାର ଆହତ ହୋଇଥିଲେ । ବେଞ୍ଚରେ ନେମାର କାନ୍ଧୁଥିବା ମଧ୍ୟ ନଜରକୁ ଆସିଥିଲେ । ୨୦୧୪ ବିଶ୍ୱ କପ ସମୟରେ ମଧ୍ୟ ନେମାର ଆହତ ହୋଇଥିଲେ । ପୀଠିରେ ଯନ୍ତ୍ରଣା ଯୋଗୁଁ ଟୁର୍ଣ୍ଣାମେଣ୍ଟରୁ ବାହର ହେବାକୁ ପଡିଥିଲା । ଏହାପରେ ସେମିଫାଇନାଲରେ ବ୍ରାଜିଲକୁ ୭-୧ରେ ଜର୍ମାନୀ ପରାସ୍ତ କରିଥିଲା ।

ଆହତ ହେବା ପରେ ନେମାର ସୋସିଆଲ ମିଡିଆରେ ଲେଖିଛନ୍ତି, 'କଠିନ ମ୍ୟାଚ କିନ୍ତୁ ବିଜୟ ଗୁରୁତ୍ୱପୂର୍ଣ୍ଣ ଥିଲା । ଟିମକୁ ଶୁଭେଚ୍ଛା । ପ୍ରଥମ ପାଦ ବଢାଇ ସାରିଛୁ । ଆଉ ଛଅ ବାକି ରହିଛି'। ଇନଷ୍ଟାଗ୍ରାମ ପୋଷ୍ଟରେ ସେ ଲେଖିଛନ୍ତି, 'ବିଶ୍ୱାସ ରଖ । ବିଶ୍ୱାସ ରଖିବା ଜରୁରୀ ଯେ ସବୁ କିଛି ଠିକ୍ ହେବ । ଏବେ ସର୍ବଶ୍ରେଷ୍ଠ ପ୍ରଦର୍ଶନ ବାକି ରହିଛି'।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.