scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଦ୍ୱିତୀୟ ଟେଷ୍ଟ୍ ପୂର୍ବରୁ ନ୍ୟୁଜିଲାଣ୍ଡ ଟିମକୁ ଧକ୍କା : ବାଦ୍ ପଡିଲେ ଷ୍ଟାର୍ ଅଲରାଉଣ୍ଡର୍

7/06/2022 at 10:01 AM

ନୂଆଦିଲ୍ଲୀ, ୦୭/୦୬:  ନ୍ୟୁଜିଲାଣ୍ଡ କ୍ରିକେଟ୍ ଟିମକୁ ଇଂଲଣ୍ଡ ବିପକ୍ଷ ଦ୍ୱିତୀୟ ଟେଷ୍ଟ୍ ପୂର୍ବରୁ ବଡ ଝଟକା ଲାଗିଛି । କିଓ୍ୱି ଟିମର ଅଲରାଉଣ୍ଡର କୋଲିନ୍ ଡି ଗ୍ରାଣ୍ଡହୋମ୍ ଆହତ ହୋଇ ସିରିଜକୁ ବାଦ୍ ପଡିଛନ୍ତି । ଏନେଇ ନ୍ୟୁଜିଲାଣ୍ଡ କ୍ରିକେଟ୍ ବୋର୍ଡ ପକ୍ଷରୁ ସୂଚନା ଦିଆଯାଇଛି । ୩୫ ବର୍ଷୀୟ ଗ୍ରାଣ୍ଡହୋମ୍ ସିରିଜର ପ୍ରଥମ ଟେଷ୍ଟର ଦ୍ୱିତୀୟ ପାଳିରେ ସେ ମାତ୍ର ୩.୫ ଓଭର ବୋଲିଂ କରିପାରିଥିଲେ । ମ୍ୟାଚ ପରେ ତାଙ୍କର ଗୋଇଠିକୁ ସ୍କାନ୍ କରାଯାଇଥିଲା ।  

କୋଲିନ୍ ଟେଷ୍ଟର ପ୍ରଥମ ପାଳିରେ ୫୦ ବଲରୁ ଅପରାଜିତ ୪୨ ରନ୍ କରିଥିଲେ । ସେ ଏହି ପାଳି ସେତେବଳେ ଖେଳିଥିଲେ ଯେତେବେଳେ ଦଳ ସଙ୍କଟରେ ଥିଲା । ଦଳ ଏକଦା ୩୬ ରନରେ ୬ ଓ୍ୱିକେଟ୍ ହରାଇଥିଲା । ଏହାପରେ ଗ୍ରାଣ୍ଡହୋମ୍ ଦଳକୁ ସଙ୍କଟରୁ ଉଦ୍ଧାର କରିଥିଲେ । ଫଳରେ ଟିମ୍ ୧୩୨ ରନ୍ କରିପାରିଥିଲା । କେବଳ ଏତିକି ନୁହେଁ ବୋଲିଂ ବେଳେ ଗ୍ରାଣ୍ଡହୋମ୍ ଜୋ ରୁଟଙ୍କ ଓ୍ୱିକେଟ୍ ନେଇଥିଲେ । ତେବେ ଦ୍ୱିତୀୟ ଇନିଂସରେ ସେ ଆହତ ହୋଇଥିଲେ ।

ଦ୍ୱିତୀୟ ପାଳିରେ ରନଆଉଟ୍

ଗ୍ରାଣ୍ଡହୋମ୍ ଦ୍ୱିତୀୟ ପାଳିରେ ରନଆଉଟ୍ ହୋଇ ପ୍ୟାଭିଲିୟନ ଫେରିଥିଲେ । ସେ ପ୍ରଥମ ବଲରେ ହିଁ ବିନା କୌଣସି ରନରେ ଆଉଟ୍ ହୋଇଥିଲେ । ଲର୍ଡସର ଐତିହାସିକ ଷ୍ଟାଡିୟମରେ ଏହା ପ୍ରଥମ ଥର ପାଇଁ ହୋଇଥିଲା ଯେତେବେଳେ କୌଣସି ବ୍ୟାଟର ଗୋଲ୍ଡେନ୍ ଡକରେ ରନଆଉଟ୍ ହୋଇଥିଲେ । ଏହାପୂର୍ବରୁ ୧୯୭୯ରେ ଖେଳାଯାଇଥିବା ଏକ ମ୍ୟାଚର ଭାରତର କେ ଭେଙ୍କଟରାଘବନ ପ୍ରଥମ ବଲରେ ରନଆଉଟ୍ ହୋଇଥିଲେ ।  

   Related Posts