ସମ୍ବଲପୁର ୩/୯: ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ପାଇଁ ଉତ୍ସବମୁଖର ସମ୍ବଲପୁର । ମାଆ ସମଲେଶ୍ବରୀଙ୍କ ପାଖରେ ପହଞ୍ଚିଛି ନୂଆ ଧାନ ବା ସରିଆ ଧାନ । ବଲବସପୁର ଗାଁର ସୁବାଷ ବେହେରା ନୂଆ ଧାନ ନେଇ ମନ୍ଦିର କର୍ତ୍ତୃପକ୍ଷଙ୍କୁ ଦେଇଛନ୍ତି । ମନ୍ଦିରରେ ଧାନ ପହଞ୍ଚିବା ପରେ ରୀତିନୀତିରେ ପୂଜାର୍ଚ୍ଚନା କରାଯାଇଛି । ଏହି ଚାଉଳ ସଂଗ୍ରହ କରିବା ସହ ସେଥିରୁ ନବାନ୍ନ ପ୍ରସ୍ତୁତ କରିବେ ପୂଜକ । ୬୦ ଦିନରେ ଉତ୍ପାଦନ ହେଉଥିବା ଏହି ଧାନ ଚାଷ ପାଇଁ ସୁବାଷଙ୍କ ପରିବାର ପୁରା ଲାଗିପଡିଥାନ୍ତି । କୌଣସି ଚଢେଇ ଯେମିତି ଏ ଧାନ ଖାଇପାରିବେନି ସେଥିପାଇଁ ସ୍ବତନ୍ତ୍ର ବ୍ୟବସ୍ଥା କରିଥାନ୍ତି । ୫ ବର୍ଷ ହେଲା ସରିଆ ଧାନ ଯୋଗାଇ ଆସୁଛନ୍ତି ସୁବାଷ ।