AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସୁପ୍ରିମକୋର୍ଟର ନୂଆ ମୁଖ୍ୟ ବିଚାରପତି ରଞ୍ଜନ ଗୋଗଇଙ୍କ ସମ୍ମୁଖରେ ବହୁ ଆହ୍ୱାନ

3/10/2018 at 1:46 PM

ନୂଆଦିଲ୍ଲୀ ୩/୧୦ : ସୁପ୍ରିମକୋର୍ଟ ମୁଖ୍ୟ ବିଚାରପତି ଦୀପକ ମିଶ୍ର ଅବସର ଗ୍ରହଣ କରିବା ପରେ ଆଜି ବରିଷ୍ଠତା ଭିତ୍ତିରେ ମୁଖ୍ୟ ବିଚାରପତି ପଦରେ ଅଭିଭକ୍ତ ହୋଇଛନ୍ତି ଜଷ୍ଟିସ ରଞ୍ଜନ ଗୋଗୋଇ | ଦେଶର ସର୍ବୋଚ୍ଚ ନ୍ୟାୟାଳୟର ସର୍ବୋଚ୍ଚ ପଦବୀରେ ଅଧିଷ୍ଠିତ ହେବା କ୍ଷେତ୍ରରେ ଦେଶର ପୂର୍ବାଂଚଳ ରାଜ୍ୟର ପ୍ରଥମ ବ୍ୟକ୍ତି ହେଉଛନ୍ତି ରଞ୍ଜନ ଗୋଗୋଇ | ସେ ସୁପ୍ରିମକୋର୍ଟର ୪୬ତମ ମୁଖ୍ୟ ବିଚାରପତି ହୋଇଛନ୍ତି |
ମୁଖ୍ୟ ବିଚାରପତି ଭାବେ ଆଜିଠାରୁ ନିଜ କାର୍ଯ୍ୟକାଳ ଆରମ୍ଭ କରିଥିବା ରଞ୍ଜନ ଗୋଗେଇଙ୍କ ସମ୍ମୁଖରେ କେତେକ ବଡ ଆହ୍ୱାନ ରହିଛି ; ଯାହା ଉପରେ ମଧ୍ୟ ସମଗ୍ର ଦେଶବାସୀଙ୍କ ନଜର ରହିଛି | ଜଷ୍ଟିସ ରଞ୍ଜନ ଗୋଗେଇ ମୁଖ୍ୟ ବିଚାରପତି ପଦବୀକୁ ଉନ୍ନୀତ ହେବା ପୂର୍ବରୁ ଦୀର୍ଘ ୬ ବର୍ଷ ସୁପ୍ରିମକୋର୍ଟର ବିଚାରପତି ଭାବେ କାର୍ଯ୍ୟ କରିସାରିଛନ୍ତି | ଏହି ୬ବର୍ଷ ମଧ୍ୟରେ ସେ ବହୁ ଗୁରୁତ୍ୱପୂର୍ଣ ପ୍ରସଙ୍ଗରେ ରାୟ ଦେଇ ଚର୍ଚ୍ଚିତ ହୋଇଛନ୍ତି | ଏବେ କିନ୍ତୁ ତାଙ୍କ କ୍ୟାରିୟରର ସବୁଠୁ ଗୁରୁତ୍ୱପୂର୍ଣ କିଛି ମାମଲାରେ ତାଙ୍କ ନିଷ୍ପତ୍ତିକୁ ଦେଶ ଅପେକ୍ଷା କରିବ |
ଦାୟିତ୍ୱ ନେବା ପରେ ପରେ ମୁଖ୍ୟ ବିଚାରପତିଙ୍କ ସମ୍ମୁଖରେ ଥିବା କେତୋଟି ପ୍ରସଙ୍ଗ ମଧ୍ୟରୁ ଗୁରୁତ୍ୱପୂର୍ଣ ପ୍ରସଙ୍ଗଟି ହେଉଛି ଅଯୋଧ୍ୟା ବିବାଦ | ଗତ ୮ ବର୍ଷ ଧରି ସୁପ୍ରିମକୋର୍ଟରେ ଚାଲିଥିବା ଏହି ବିବାଦ ପାଇଁ ମୁଖ୍ୟ ବିଚାରପତି ପ୍ରଥମେ ୩ ଜଣିଆ ଖଣ୍ଡପୀଠ ଗଠନ କରିବେ | ଅକ୍ଟୋବର ୨୮ ତାରିଖରୁ ଏହି ମାମଲାରେ ଶୁଣାଣି ଆରମ୍ଭ ହେବ ବୋଲି ପୂର୍ବରୁ ତାରିଖ ନିର୍ଦ୍ଧାରିତ ହୋଇସାରିଛି |
ମୁଖ୍ୟବିଚାରପତି ଜଷ୍ଟିସ ଗୋଗେଇଙ୍କ ସମ୍ମୁଖରେ ଆଉ ଏକ ବଡ ଆହ୍ୱାନ ହେଉଛି ପଡି ରହିଥିବା ମାମଲାଗୁଡିକର କ୍ଷିପ୍ର ଶୁଣାଣି | ଏବେ ଦେଶରେ ପ୍ରାୟ ୩ କୋଟି ୩୦ ଲକ୍ଷ ମାମଲା ଶୁଣାଣି ହୋଇନପାରି ପଡ଼ିରହିଛି | ଏଗୁଡିକର ଫଇସଲା ଯୁଦ୍ଧକାଳୀନ ଭିତ୍ତିରେ କିଭଳି ହେବ ସେଥିପାଇଁ ମଧ୍ୟ ଜଷ୍ଟିସ ଗୋଗେଇ ରୋଡ଼ମ୍ୟାପ ପ୍ରସ୍ତୁତ କରିବେ |
ବିଚାର ବ୍ୟବସ୍ଥାକୁ କ୍ଷିପ୍ର କରିବାକୁ ହେଲେ ଆବଶ୍ୟକ ସଂଖ୍ୟକ ବିଚାରପତିଙ୍କ ଆବଶ୍ୟକତା ରହିଛି | ବର୍ତ୍ତମାନ ନ୍ୟାୟପାଳିକାରେ ଗତ ଗୋଟିଏ ଦଶନ୍ଧି ଧରି ବିଚାରପତିଙ୍କ ଅଭାବ ରହିଛି | ସୁପ୍ରିମକୋର୍ଟଙ୍କଠୁ ଆରମ୍ଭ କରି ବିଭିନ୍ନ ରାଜ୍ୟରେ ହାଇକୋର୍ଟ, ସବୁ ବିଚାରପତିଙ୍କ ଅଭାବ | ତେଣୁ ଜଷ୍ଟିସ ଗୋଗେଇଙ୍କ ପାଇଁ ବିଚାରପତି ନିଯୁକ୍ତ ମଧ୍ୟ ଆଉ ଏକ ଆହ୍ୱାନ ଭାବେ ଉଭା ହେବ |
ଏହା ବ୍ୟତୀତ ନ୍ୟାୟପାଳିକା ପାଇଁ ଭିତ୍ତିଭୂମୀର ବିକାଶ ଲାଗି ପାଣ୍ଠି ଯୋଗାଡ କରିବ ନିଶ୍ଚୟ ଏକ ଆହ୍ୱାନ ହେବ | ଦେଶର ବଜେଟରେ ନ୍ୟାୟପାଳିକା ପାଇଁ ବଜେଟ ପରିମାଣ ପାଇଁ ଜଷ୍ଟିସ ଗୋଗେଇଙ୍କୁ କାମ କରିବାକୁ ହେବ |
ସୁପ୍ରିମକୋର୍ଟର ବିଚାରପତି ଭାବେ ଜଷ୍ଟିସ ରଞ୍ଜନ ଗୋଗେଇ କେତେକ ଗୁରୁତ୍ୱପୂର୍ଣ ରାୟ ଓ ନିଷ୍ପତ୍ତିରେ ପ୍ରମୁଖ ଭୂମିକା ଗ୍ରହଣ କରିଥିଲେ |
ନିର୍ବାଚନ ସମୟରେ ପ୍ରାର୍ଥୀ ସତ୍ୟପାଠ ମାଧ୍ୟମରେ ନିଜ ସମ୍ପତ୍ତି, ଶିକ୍ଷା ଏବଂ ନିଜ ବିରୋଧରେ ରହିଥିବା ଫୌଜଦାରୀ ମାମଲା ସଂର୍ପକରେ ତଥ୍ୟ ଦେବା ପାଇଁ ସୁପ୍ରିମକୋର୍ଟର ଯେଉଁ ୩ ଜଣିଆ ଖଣ୍ଡପୀଠ ରାୟ ଦେଇଥିଲେ ସେହି ଖଣ୍ଡପୀଠରେ ଜଷ୍ଟିସ ରଞ୍ଜନ ଗୋଗେଇ ମଧ୍ୟ ଥିଲେ |
୨୦୧୫ ମସିହା ମେ ମାସରେ ସୁପ୍ରିମକୋର୍ଟ ଏକ ରାୟରେ କହିଥିଲେ ଯେ, ସରକାରୀ ବିଜ୍ଞାପନରେ କେବଳ ପ୍ରଧାନମନ୍ତ୍ରୀ, ରାଷ୍ଟ୍ରପତି ବା ସୁପ୍ରିମକୋର୍ଟର ମୁଖ୍ୟ ବିଚାରପତିଙ୍କ ଫଟୋ ରହିପାରିବ | ଦେଶର କରଦାତାଙ୍କ ପଇସାରେ କେହି ନିଜର ପ୍ରଚାର ପ୍ରସାର ନକରୁ ବୋଲି ଉଦ୍ଦେଶ୍ୟରେ ସୁପ୍ରିମକୋର୍ଟ ଏହି ରାୟ ଦେଇଥିଲେ | ଏହି ରାୟର ସମୀକ୍ଷା ପାଇଁ ସୁପ୍ରିମକୋର୍ଟରେ ଆବେଦନ ହୋଇଥିଲା | ଏହି ସମୀକ୍ଷା ଆବେଦନର ବିଚାର ଜଷ୍ଟିସ ରଞ୍ଜନ ଗୋଗେଇଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ କରିଥିଲା |
ସେହିଭଳି ୨୦୧୬ ମସିହାରେ ସୁପ୍ରିମକୋର୍ଟର ପୂର୍ବତନ ମୁଖ୍ୟ ବିଚାରପତି ମାର୍କଣ୍ଡେୟ କାଟଜୁଙ୍କୁ ଅଦାଲତ ଅବମାନନା ନୋଟିସ ଜାରି କରିଥିଲା | ସୋମ୍ୟା ଦୁଷ୍କର୍ମ ଏବଂ ହତ୍ୟା ମାମଲାରେ ସୁପ୍ରିମକୋର୍ଟ ଦେଇଥିବା ରାୟକୁ ଜଷ୍ଟିସ କାଟଜୁ ଫେସବୁକରେ ସମାଲୋଚନା କରିଥିଲେ |

   Related Posts