Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅବପାତର ରୂପ ନେଲା ଲଘୁଚାପ, ସୋମବାରଠୁ କମିବ ବର୍ଷା
  • ||
  • ସ୍ୱାଧିନତା ଦିବସ ଅବସରରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା, ପ୍ରତିଟି ଭାରତୀୟ ପାଇଁ ଗୌରବର ମୁହୂର୍ତ୍ତ
  • ||
  • ‘ଦୁନିଆରେ ହଜାରେ ବାଘ, କିନ୍ତୁ ଦ୍ରାବିଡ…’ : ଟିମ୍ ଇଣ୍ଡିଆର କୋଚ୍‌ଙ୍କୁ ନେଇ ଟେଲରଙ୍କ ବଡ ବୟାନ
  • ||

ଭାରତୀୟ ବାୟୁସେନାରେ ଯୋଡି ହେଲା ନୂଆ ଅଧ୍ୟାୟ, ଏକାଠି ଯୁଦ୍ଧ ବିମାନ ଉଡ଼ାଇ ଇତିହାସ କଲେ ବାପଝିଅ

6/07/2022 at 11:26 AM

ନୂଆଦିଲ୍ଲୀ ୦୬/୦୭: ଭାରତୀୟ ବାୟୁସେନା (ଆଇଏଏଫ୍) ଇତିହାସରେ ଭିନ୍ନ ଏକ ଅଧ୍ୟାୟ ଯୋଡ଼ିଛନ୍ତି ଏୟାର କମୋଡର ସଞ୍ଜୟ ଶର୍ମା ଓ ତାଙ୍କ ଝିଅ ତଥା ଫ୍ଲାଇଙ୍ଗ୍ ଅଫିସର୍ ଅନନ୍ୟା ଶର୍ମା । ଉଭୟ ମିଶି ବାୟୁସେନାର ଏକ ଯୁଦ୍ଧ ବିମାନ ଉଡ଼ାଇଛନ୍ତି । ଦେଶର ପ୍ରଥମ ବାପଝିଅ ଭାବେ ସେମାନେ ଏଭଳି ବିରଳ କୃତିତ୍ୱର ଅଧିକାରୀ ହୋଇଛନ୍ତି । ବାୟୁସେନାର ଫାଇଟର୍ ପାଇଲଟ୍ ଥିଲେ ସଞ୍ଜୟ ।

ସେତେବେଳୁ ଝିଅ ଅନନ୍ୟା ତାଙ୍କର ପଦାଙ୍କ ଅନୁସରଣ କରିଥିଲେ । ବଡ଼ ହେଲେ ପିତାଙ୍କ ଭଳି ଜଣେ ବାୟୁସେନା ପାଇଲଟ୍ ହେବାକୁ ସ୍ୱପ୍ନ ଦେଖିଥିଲେ । ଶେଷରେ ପିତାଙ୍କର ଫେଲୋ ସ୍କ୍ୱାଡ୍ରନ୍ ପାଇଲଟ୍ ହୋଇ ସ୍ୱପ୍ନ ସାକାର କରିଛନ୍ତି । ୨୦୨୨ ମେ ୩୦ରେ ଇତିହାସ ରଚି ଏୟାରଫୋର୍ସ ଷ୍ଟେସନ ବିଦାରଠାରେ ସେମାନେ ମିଶି ହକ୍-୧୩୨ ଯୁଦ୍ଧ ବିମାନ ଉଡ଼ାଇଥିଲେ ।

ପୂର୍ବରୁ ବାୟୁସେନା ବିମାନକୁ କୌଣସି ବାପଝିଅ ମିଶି ଉଡ଼ାଇ ନ ଥିଲେ । ୨୦୧୬ରେ ଭାରତୀୟ ବାୟୁସେନାରେ ମହିଳା ପାଇଲଟ୍‌କୁ ସାମିଲ ପାଇଁ ନିଷ୍ପତ୍ତି ହେବା ପରେ ନିଜ ଦୀର୍ଘଦିନର ସ୍ୱପ୍ନ ପୂରଣ ପାଇଁ ମନ ବଳାଇଥିଲେ ଅନନ୍ୟା । ଇଲେକ୍ଟ୍ରୋନିକ୍ସ ଆଣ୍ଡ୍ କମ୍ୟୁନିକେସନ୍‌ରେ ବି.ଟେକ୍ ଶେଷ କରିବା ପରେ ସେ ଆଇଏଏଫ୍ ଫ୍ଲାଇଙ୍ଗ୍ ବ୍ରାଞ୍ଚ୍‌ରେ ତାଲିମ ନେବା ପାଇଁ ମନୋନୀତ ହୋଇଥିଲେ ।

୨୦୨୧ ଡିସେମ୍ବରରେ ସେ ଜଣେ ଫାଇଟର୍ ପାଇଲଟ୍ ଭାବେ ନିଯୁକ୍ତି ପାଇଥିଲେ । ତାଙ୍କ ପିତା ତଥା ଏୟାର କମୋଡର୍ ସଞ୍ଜୟ ଶର୍ମା ୧୯୮୯ରେ ବାୟୁସେନାର ଫାଇଟର୍ ଷ୍ଟ୍ରିମ୍‌ରେ ସାମିଲ ହୋଇଥିଲେ । ଏହା ପୂର୍ବରୁ ୨୦୧୬ ଜୁନ୍‌ରେ ଅବନୀ ଚତୁର୍ବେଦୀ, ଭାବନା କାନ୍ତ ଓ ମୋହନା ସିଂହ ଦେଶର ପ୍ରଥମ ମହିଳା ଫାଇଟର୍ ପାଇଲଟ୍ ବନି ଇତିହାସ ରଚିଥିଲେ ।

   Related Posts