Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସ୍ୱାଧିନତା ଦିବସ ଅବସରରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା, ପ୍ରତିଟି ଭାରତୀୟ ପାଇଁ ଗୌରବର ମୁହୂର୍ତ୍ତ
  • ||
  • ‘ଦୁନିଆରେ ହଜାରେ ବାଘ, କିନ୍ତୁ ଦ୍ରାବିଡ…’ : ଟିମ୍ ଇଣ୍ଡିଆର କୋଚ୍‌ଙ୍କୁ ନେଇ ଟେଲରଙ୍କ ବଡ ବୟାନ
  • ||

ମନ୍ଦିର ନିକଟ ପରିତ୍ୟକ୍ତ ସ୍ଥାନରୁ ନବଜାତ ଶିଶୁକନ୍ୟା ଉଦ୍ଧାର

19/08/2020 at 3:19 PM

ରାୟଗଡା ୧୯।୮: ରାୟଗଡା ଜିଲ୍ଲା କୋଲନରା ଗ୍ରାମର ଗୌରାଙ୍ଗ ମନ୍ଦିର ନିକଟରେ ଏକ ପରିତ୍ୟକ୍ତ ସ୍ଥାନରୁ ନବଜାତ ଶିଶୁ କନ୍ୟା ଉଦ୍ଧାର ହୋଇଛି । ଆଜି ସକାଳୁ ସ୍ଥାନୀୟ ଅଞ୍ଚଳର ଜଣେ ମହିଳା ଦେଖିବା ପରେ ପଡୋଶୀଙ୍କୁ ଡାକି ଶିଶୁକୁ ଉଦ୍ଧାର କରିଥିଲେ । ଏହାପରେ ଶିଶୁକୁ କୋଲନରା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ଚିକିତ୍ସା ପରେ ଶିଶୁର ସ୍ବାସ୍ଥ୍ୟ ଭଲଥିବା ଜଣାପଡିଛି । ଶିଶୁର ଓଜନ ୨ କେ.ଜି. ୬ ଶହ ଗ୍ରାମ ରହିଛି । ଆବଶ୍ୟକ ହେଲେ ଶିଶୁକୁ ଜିଲ୍ଲା ମୁଖ୍ୟ ଚିକିତ୍ସାଳୟ ସ୍ଥାନାନ୍ତର କରାଯିବ । ତେବେ କିଏ ଓ କାହିଁକି ନବଜାତ ଶିଶୁକୁ ପରିତ୍ୟକ୍ତ ସ୍ଥାନରେ ଫିଙ୍ଗିଥିଲା ତାହା ଜଣାପଡିନାହିଁ ।

ଖବରପାଇ ଚାଇଲ୍ଡ ଲାଇନ୍ ଓ ଶିଶୁ ମଙ୍ଗଳ କମିଟି କର୍ତ୍ତୃପକ୍ଷ ପହଞ୍ଚି ଏହାର ଅନୁଧ୍ୟାନ କରୁଛନ୍ତି । ତେବେ ସାଧାରଣରେ ଏହାକୁ ତୀବ୍ର ନିନ୍ଦା କରାଯାଇଛି । କାରଣ ପୁଣି ଶିଶୁ କନ୍ୟା ଅଲୋଡା ହୋଇଛି । ସୁସ୍ଥ ଶିଶୁକୁ ଏହିଭଳି ଫିଙ୍ଗାଯିବା ଘଟଣାକୁ ସାଧାରଣରେ ଗ୍ରହଣ କରୁନାହାନ୍ତି ଜନସାଧାରଣ । ତେଣୁ ଏହାର ତଦନ୍ତ ଅବଶ୍ୟକ ହୋଇପଡିଛି । କାରଣ ଏହା ଏକ ଅପରାଧ । ପୋଲିସ ଠିକ୍ ଭାବେ ତଦନ୍ତ କରିବା ନେଇ ଦାବି ମଧ୍ୟ ହୋଇଛି । କେଉଁ ଉଦ୍ଦେଶ୍ୟ ରଖି ଶିଶୁ କନ୍ୟାକୁ ଫିଙ୍ଗାଗଲା ତାହା ତଦନ୍ତ ସାପେକ୍ଷ ।

   Related Posts