scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଗତ ୨୪ ଘଣ୍ଟା ଭିତରେ ଜନ୍ମିତ ବହୁ କନ୍ୟା ସନ୍ତାନଙ୍କ ନାଁ ଏବେ ‘ତିତ୍‌ଲି’ : ଲ୍ୟାଣ୍ଡ୍‌ଫଲ ପାଖାପାଖି ଜନ୍ମ ହେଲେ ଆସିକାରେ ଆଉ ଜଣେ ‘ତିତ୍‌ଲି’

11/10/2018 at 4:43 PM

ଆସିକା ୧୧|୧୦: ରାଜ୍ୟରେ ଗତକାଲି ଏବଂ ଆଜି ଜନ୍ମ ହୋଇଥିବା ଅଧିକାଂଶ ଝିଅକୁ ତାଙ୍କ ପରିବାର ‘ତିତ୍‌ଲି’ ବୋଲି ନାମ କରଣ କରିଥିବା ଖବର ହସ୍ତଗତ ହେଉଛି । ଏହି ସମୟଟିକୁ ସ୍ମରଣ ରଖିବା ପାଇଁ ଏଭଳି ନାମକରଣ କରାଯାଉଛି । ‘ତିତ୍‌ଲି’ ଅନେକ ଭୟ ଓ ଆଶଙ୍କା ସୃଷ୍ଟି କରିଥିଲେ ମଧ୍ୟ କିଛି ଭଲ କଥା ମଧ୍ୟ କରିଛି । ସେହି ଭଲ କଥାଟି ହେଉଛି କନ୍ୟା ସନ୍ତାନଙ୍କ ପ୍ରତି ପରିବାରର ଭଲ ପାଇବା ଆଉ ଶ୍ରଦ୍ଧାରେ ‘ତିତ୍‌ଲି’ ବୋଲି ନାଁ ଦେବା ।

ରାଜ୍ୟରେ ବାତ୍ୟା ‘ତିତ୍‌ଲି’ର ପ୍ରକୋପ ଚାଲିଥିବା ବେଳେ ଆସିକା ମେଡିକାଲରେ କଳାସୂତା ଗ୍ରାମର ଦିଲ୍ଲୀପ କୁମାର ଗୈ।ଡଙ୍କ ପତ୍ନୀ  ଜନ୍ମ ଦେଇଥିଲେ  ଶିଶୁ କନ୍ୟା  ।  ବାତ୍ୟାର ଭୟଙ୍କର ତାଣ୍ଡବଲୀଳାକୁ ସମ୍ମୁଖୀନ ହୋଇ ରାତି ପ୍ରାୟ ୧୨ଟାରେ ଜନନୀ ସୁରକ୍ଷା ଗାଡିରେ ମେଡିକାଲ ରେ ପହଞ୍ଚିଥିଲେ ଦିଲ୍ଲୀପଙ୍କ ପତ୍ନୀ ।  ରାତି ପ୍ରାୟ ୨ଟା ବେଳେ ଜନ୍ମ ହୋଇଥିଲା ଶିଶୁ କନ୍ୟା । ଶିଶୁକନ୍ୟାକୁ ଖୁସିରେ ଏବଂ  ଏହି ସମୟକୁ ସ୍ମରଣ ରଖିବା ପାଇଁ ‘ତିତ୍‌ଲି’ ବୋଲି ନାଁ ଦେଇଛନ୍ତି ବାପା ଆଉ ମାଆ ।

ଏତେ ବଡ ଭୟଙ୍କର ବାତ୍ୟା ଲାଗିରହିଥିବା ବେଳେ ଜରୁରୀ କାଳିନ ସେବାକୁ ଦାୟିତ୍ବର ସହ ତୁଲାଇଛନ୍ତି ଆସିକା ମେଡିକାଲର କର୍ମଚାରୀ ଓ ଡାକ୍ତର । ସେହିଭଳି କଳାସୂତା ଗାଁର ଆଶାକର୍ମୀ ମଧ୍ୟ ଭୀଷଣ ବାତ୍ୟା ରାତିରେ ବି ପ୍ରସୂତୀଙ୍କୁ ହସପିଟାଲରେ ପହଂଚାଇବାରେ ଦେଖାଇଥିଲେ ତତ୍ପରତା ।

ଆସିକା ମେଡିକାଲକୁ ଗତ ରାତିରେ ପ୍ରସବ ପାଇଁ ୯ ଜଣ ଆସିଥିଲେ । ସେମାନଙ୍କ ମଧ୍ୟରୁ ପ୍ରଥମେ କଳାସୂତା ଗ୍ରାମର ଦିଲ୍ଲୀପ ଗୈ।ଡଙ୍କ ପତ୍ନୀଙ୍କ ପ୍ରସବ ହୋଇଥିଲା ଆଉ ସେ ଝିଅ ଜନ୍ମ କରିଥିଲେ । ନବଜାତର ନାଁ ତିତଲି ରଖାଯାଇଥିବାରୁ ଏନେଇ ଆସିକା ମେଡିକାଲ ରେ ମଧ୍ୟ ଖୁସିର ମାହୋଲ ଦେଖାଦେଇଥିବା ଡାକ୍ତର ମୋହନ ବାରିକ କହିଛନ୍ତି ।

   Related Posts