ଅଲୋଡା ହେଲା ଶିଶୁ କନ୍ୟା : ଖତଗଦାରୁ ଜୀବନ୍ତ ଅବସ୍ଥାରେ ନବଜାତ ଶିଶୁ କନ୍ୟା ଉଦ୍ଧାର

Published By : Prameya-News7 Bureau | July 22, 2023 IST

ମାଲକାନଗିରି ୭: ପୁଣି ଅଲୋଡ଼ା ହେଲା ଶିଶୁ କନ୍ୟା । ଅଳିଆ ଆବର୍ଜନା ପରିପୂର୍ଣ୍ଣ ଏକ ଖତଗଦାରୁ ନବଜାତ ଶିଶୁ କନ୍ୟାକୁ ଜୀବନ୍ତ ଅବସ୍ଥାରେ ଉଦ୍ଧାର କଲେ ସାହି ଲୋକେ । ବସ୍ତା ମଧ୍ୟରେ ନବଜାତ ଶିଶୁ କନ୍ୟାକୁ ପ୍ୟାକ୍ କରି ଖତ ଗଦା ଭିତରେ କେହି ଫିଙ୍ଗି ଦେଇଥିବା ବେଳେ ସ୍ଥାନୀୟ ଲୋକଙ୍କ ଦ୍ୱାରା ଉଦ୍ଧାର ହୋଇଛି ଶିଶୁ କନ୍ୟା ।

{"id":820556,"sizeSlug":"full","linkDestination":"none"}

ସୂଚନାଯୋଗ୍ୟ ଯେ, ମାଲକାନଗିରି ଜିଲ୍ଲା ସଦର ମହକୁମା ତଳସାହି ଠାରେ ଅଳିଆ ଆବର୍ଜନା ପରିପୂର୍ଣ୍ଣ ଏକ ଖତ ଗଦାରୁ ଗୋଟିଏ ଛୋଟ ଛୁଆ କାନ୍ଦିବା ଶବ୍ଦ ଶୁଭିଥିଲା । ଭୋର ପ୍ରାୟ ୪ଟା ସମୟରେ କୌଣସି ବ୍ୟକ୍ତି ଶିଶୁକନ୍ୟାକୁ ଜରି ବସ୍ତା ମଧ୍ୟରେ ଭର୍ତ୍ତି କରି ଛାଡି ଚାଲିଯାଇଥିବା ବେଳେ ସ୍ଥାନୀୟ ଲୋକେ ଶିଶୁ କନ୍ୟାଟିର କାନ୍ଦ ଶୁଣି ଲାଇଟ ଧରି ଅଳିଆ ଗଦା ପାଖକୁ ଯାଇଥିଲେ । ଜରି ବସ୍ତାକୁ ଭଲ ଭାବେ ଦେଖିବା ପରେ ସେଥିରୁ ନବଜାତ ଶିଶୁ କନ୍ୟା ରହିଥିବା ଦେଖିବାକୁ ପାଇଥିଲେ । ସ୍ଥାନୀୟ ଲୋକେ ଏହି ଶିଶୁ କନ୍ୟାକୁ ଦେଖି ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ଶିଶୁ କନ୍ୟାଟିକୁ ଉଦ୍ଧାର କରି ଜିଲ୍ଲା ସଦର ଚିକିତ୍ସାଳୟକୁ ନେଇଛନ୍ତି । ଚିକିତ୍ସା ପରେ ନବଜାତ କନ୍ୟାକୁ ଶିଶୁ ସୁରକ୍ଷା କମିଟିକୁ ହସ୍ତାନ୍ତର କରାଯିବା ବୋଲି ମେଡିକାଲ ତରଫରୁ ସୂଚନା ମିଳିଛି ।

You Can Read :

wp:embed {"url":"https://www.prameyanews7.com/uncle-attack-nephew-in-gunupur-police-station-of-rayagada-district/","type":"wp-embed","providerNameSlug":"prameya-news-7"}
https://www.prameyanews7.com/uncle-attack-nephew-in-gunupur-police-station-of-rayagada-district/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.