scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସନ୍ଦୀପ କଟାରିଆ ହେଲେ ବାଟା ଗ୍ଲୋବାଲର ସିଇଓ, ପ୍ରଥମ ଭାରତୀୟ ଭାବେ ମିଳିଲା ଦାୟିତ୍ୱ

1/12/2020 at 10:46 AM

ନୂଆଦିଲ୍ଲୀ,୦୧/୧୨:  ଜୋତା କମ୍ପାନୀ ବାଟା ସୁ ଅର୍ଗାନାଇଜେସନର ନୂଆ ସିଇଓ ହେଲେ ଜଣେ ଭାରତୀୟ । ବାଟା ଇଣ୍ଡିଆର ସିଇଓ ସନ୍ଦୀପ କଟାରିଆଙ୍କୁ କମ୍ପାନୀ ଗ୍ଲୋବାଲ ଲେବୁଲ ସିଇଓ ଭାବେ ଘୋଷଣା କରିଛି । କମ୍ପାନୀ ଏକ ପ୍ରତିକ୍ରିୟାରେ କହିଛି ଯେ, ନଭେମ୍ବର ୩୦ରେ ସନ୍ଦୀପଙ୍କୁ ଏହି ପଦୋନ୍ନତି ଦିଆଯାଇଛି । କମ୍ପାନୀର ସିଇଓ ହୋଇଥିବା ସନ୍ଦୀପ ହେଉଛନ୍ତି ପ୍ରଥମ ଭାରତୀୟ । ସେ ଆଲେକ୍ସିସ୍ ନାସାର୍ଡଙ୍କ ସ୍ଥାନ ନେବେ । କଟାରିଆର ୨୦୧୭ରେ ଭାରତରେ କମ୍ପାନୀର ସିଇଓ ଭାବେ କାମ କରି ଆସୁଥିଲେ । ଏବେ ସେ ଗ୍ଲୋବାଲ ସିଇଓ ଭାବେ ଦାୟିତ୍ୱ ସମ୍ପନ୍ନ କରିବେ ।

ଆଇଆଇଟି ଦିଲ୍ଲୀରୁ ଇଞ୍ଜିନିୟରିଂ ଡିଗ୍ରୀ ହାସଲ କରିଥିବା ସନ୍ଦୀପ ୧୯୯୩ରେ ସ୍ୱର୍ଣ୍ଣ ପଦକ ଲାଭ କରିଥିଲେ । ତାଙ୍କ ପାଖରେ ୨୪ ବର୍ଷର ଅଭିଜ୍ଞତା ରହିଛି । ସେ ଭାରତ ଓ ୟୁରୋପରେ ୟୁନିଲିଭର, ୟମ୍ ବ୍ରାଣ୍ଡସ୍ ଓ ଭୋଡାଫୋନରେ କାମ କରି ସାରିଛନ୍ତି । ସେ ୧୭ ବର୍ଷ ଯାଏଁ ୟୁନିଲିଭରରେ ରହିଥିଲେ । ବାଟା ଇଣ୍ଡିଆ ପୂର୍ବରୁ ସେ ଭୋଡାଫୋନ ଇଣ୍ଡିଆର ଚିଫ୍ କମର୍ସିଆଲ ଅଫିସର ରହିଥିଲେ ।

ଜୁଲାଇ ୨୦୧୭ରେ ସନ୍ଦୀପ ବାଟା ଇଣ୍ଡିଆରେ ସାମିଲ ହୋଇଥିଲେ । ତାଙ୍କୁ ଦୁଇ ବର୍ଷ ପରେ ଇଣ୍ଡିଆ ରିଜିଅନର ସଭାପତି କରାଯାଇଥିଲା । ତାଙ୍କ ନେତୃତ୍ୱରେ ବାଟାର ଲାଭ ବଢିଥିଲା । ସେ ଯୁବକଙ୍କୁ ବାନ୍ଧି ରଖିବାରେ ସଫଳ ହୋଇଥିଲେ । ୨୦୧୯-୨୦ରେ ବାଟା ଇଣ୍ଡିଆ ର ମୋଟ୍ ଲାଭ ୩୨୭ କୋଟି ଥିଲା ଓ ରାଜସ୍ୱ ୩୦୫୩ କୋଟି ଟଙ୍କା ଥିଲା ।

ସୂଚନାଯୋଗ୍ୟ, ବାଟା ଭାରତରେ ଦୀର୍ଘ ଦିନ ହେବ କାରବାର କରୁଛି । ଆଜିଠୁ ପ୍ରାୟ ୯୦ ବର୍ଷ ତଳେ ଦେଶରେ ପାଦ ଥାପିଥିଲା ବାଟା । ଏହାର ପ୍ରଥମ ଫାକ୍ଟ୍ରି କୋଲକାତାରେ ଖୋଲିଥିଲା । ଏହା ମଧ୍ୟବିତ୍ତ ଗ୍ରାହକଙ୍କୁ ଆକୃଷ୍ଟ କରିଥାଏ ।

   Related Posts