ନୂଆଦିଲ୍ଲୀ ୧୨।୦୭: ଘରର ପ୍ରତ୍ୟକ ଜିନିଷ ବାସ୍ତୁ ଅନୁଯାୟୀ ରଖିବା ଉଚିତ୍ । ଏପରି କରିବା ଦ୍ବାରା ଘରକୁ ସକରାତ୍ମକ ଶକ୍ତି ଆସିବା ସହିତ ସୁଖ ସମୃଦ୍ଧି ବୃଦ୍ଧି ପାଇଥାଏ । ଅଧିକାଂଶ ଘରେ ଆଲୋଭେରା ଗଛକୁ ଏହାର ଔଷଧୀୟ ଗୁଣ ଯୋଗୁଁ ଲଗାନ୍ତି ।
କିନ୍ତୁ ଭୁଲ ସ୍ଥାନରେ ଆଲୋଭେରା ଲଗାଇବା ଦ୍ୱାରା ଘରେ ଭାଷ୍ଟୁ ଦୋଷ ହୋଇପାରେ । ତେଣୁ ଘରେ ଆଲୋଭେରା ଗଛ ଲଗାଇବା ପୂର୍ବରୁ ଏହା ବିଷୟରେ ଜାଣିବା ଉଚିତ୍ । ନଚେତ୍ ଏହା ଘର ଉପରେ ନକାରାତ୍ମକ ପ୍ରଭାବ ପକାଇପାରେ ।
ଆଲୋଭେରା ଘରର ପୂର୍ବ ଦିଗରେ ଲଗାଯିବା ଉଚିତ୍ ନୁହେଁ । କାରଣ ସକରାତ୍ମକ ଶକ୍ତି ପୂର୍ବ ଦିଗରୁ ଆସିଥାଏ ଏବଂ ଏହି ଦିଗରେ ଆଲୋଭେରା ଲଗାଇବା ଦ୍ବାରା ନକାରାତ୍ମକ ଶକ୍ତି ବଢିଥାଏ । ବାସ୍ତୁ ଅନୁଯାୟୀ, ଆଲୋଭେରାକୁ ପୂର୍ବ ଦିଗରେ ରଖିବା ଅଶୁଭ ବୋଲି ବିବେଚନା କରାଯାଏ । ଏହି ଦିଗରେ ଆଲୋଭେରା ପ୍ଲାଣ୍ଟ ଲଗାଇଲେ ଘରେ ଝଗଡା ହେବାର ଆଶଙ୍କା ବଢିଥାଏ ।
ଶୋଇବା ଘରେ ଆଲୋଭେରା ଲଗାଇବା ଦ୍ବାରା ପାରିବାରିକ ଜୀବନ ଉପରେ ନକାରାତ୍ମକ ପ୍ରଭାବ ପକାଇପାରେ ଏବଂ ବଂଶର ବୃଦ୍ଧି ଉପରେ ମଧ୍ୟ ନକାରାତ୍ମକ ପ୍ରଭାବ ପକାଇପାରେ । ଆଲୋଭେରା ଗଛ ଭଙ୍ଗା ହାଣ୍ଡିରେ ଆଦୌ ଲଗାଇବା ଉଚିତ୍ ନୁହେଁ ।
ଏପରି କରିବା ଦ୍ବାରା ବାସ୍ତୁ ଦୋଷ ଲାଗିବା ସହ ନକାରାତ୍ମକ ଶକ୍ତି ବିସ୍ତାର ହୋଇପାରେ । ବାସ୍ତୁ ଶାସ୍ତ୍ରୀଙ୍କ ଅନୁଯାୟୀ, ଘରର ପଶ୍ଚିମ ଦିଗରେ ଆଲୋଭେରା ପ୍ଲାଣ୍ଟ ଲଗାଇବା ଭଲ । ଏହା କରିବା ଦ୍ୱାରା ପ୍ରଗତିର ସମ୍ଭାବନା ରହିଥାଏ ।
