ଭୁବନେଶ୍ଵର: କଳିଙ୍ଗ ଷ୍ଟାଡିୟମରେ ପୁରୁଷ ହକି ବିଶ୍ଵ କପ୍ ୨୦୨୩ରେ ତୃତୀୟ ସ୍ଥାନ ପାଇଁ ଖେଳା ଯାଇଥିବା ମୁକାବିଲାରେ ନେଦରଲାଣ୍ଡ ବିଜୟ ହାସଲ କରିଛି। କଡା ମୁକାବିଲାରେ ନେଦରଲାଣ୍ଡ ୩-୧ ଗୋଲ୍‌ରେ ଶକ୍ତିଶାଳୀ ଅଷ୍ଟ୍ରେଲିଆକୁ ମାତ୍ ଦେଇଛି। ଏହି ବିଜୟ ସହ ବିଶ୍ଵ କପ୍‌ରେ ତୃତୀୟ ସ୍ଥାନରେ ରହି ଏବଂ କାଂସ୍ୟ ପଦକ ଜିତି ନେଦରଲାଣ୍ଡ ନିଜର ଅଭିଯାନ ସମାପ୍ତ କରିଛି। ଅଷ୍ଟ୍ରେଲିଆ ଚତୁର୍ଥ ସ୍ଥାନରେ ରହିଛି। ନେଦରଲାଣ୍ଡ ପକ୍ଷରୁ ବ୍ରିଙ୍କମାନ ଥିଏରୀ ଦୁଇଟି ଗୋଲ୍ ଦେଇ ଦଳ ବିଜୟରେ ପ୍ରମୁଖ ଭୂମିକା ଗ୍ରହଣ କରିଛନ୍ତି।

The Netherlands turned up the heat in the second half to defeat Australia for the bronze medal at #HWC2023.

🇦🇺AUS 1-3 NED🇳🇱#HockeyIndia #HWC2023 #HockeyWorldCup2023 #StarsBecomeLegends #AUSvsNED @CMO_Odisha @sports_odisha @IndiaSports @Media_SAI @Kookaburras @oranjehockey pic.twitter.com/4Ltdc4dLv4

— Hockey India (@TheHockeyIndia) January 29, 2023

ମ୍ୟାଚ୍‌ ଆରମ୍ଭରୁ ଅଷ୍ଟ୍ରେଲିଆ ପ୍ରଥମ କ୍ଵାର୍ଟରରେ ଦମଦାର ପ୍ରଦର୍ଶନ କରିଥିଲା। ୧୨ତମ ମିନିଟ୍‌ରେ ହେଓ୍ଵାର୍ଡ ଜେରେମି ଗୋଲ୍ ଦେଇ ଅଷ୍ଟ୍ରେଲିଆକୁ ୧-୦ରେ ଆଗୁଆ କରିଥିଲେ। ଏହା ପରେ ନେଦରଲାଣ୍ଡ ଗୋଲ୍ ଦେବାକୁ ଚେଷ୍ଟା କରିଥିଲେ ହେଁ ସଫଳହୋଇ ପାରିନଥିଲା। ଦ୍ଵିତୀୟ କ୍ଵାର୍ଟର ଗୋଲ୍ ଶୂନ୍ୟ ରହିଥିଲା। ତେବେ ତୃତୀୟ କ୍ଵାର୍ଟରରେ ଜୋରଦାର ପ୍ରତ୍ୟାବର୍ତ୍ତନ କରିଥିଲା ଏହି କ୍ଵାର୍ଟରରେ ନେଦରଲାଣ୍ଡ ତିନୋଟି ଗୋଲ୍ ଦେଇ ମ୍ୟାଚ୍‌କୁ ନିଜ ଅକ୍ତିକାରକୁ ଆଣିଥିଲା। ନେଦରଲାଣ୍ଡ ପକ୍ଷରୁ ବ୍ରିଙ୍କମାନ ଥିଏରୀ ୩୪ ତମ ଏବଂ ୩୯ତମ ମିନିଟ୍‌ରେ ଗୋଲ୍ ଦେଇଥିବା ବେଳେ ଜନସେନ ଜିପ୍ ୩୨ତମ ମିନିଟ୍‌ରେ ଗୋଲ୍ ଦେଇଥିଲେ। ଚତୁର୍ଥ କ୍ଵାର୍ଟରରେ ଅଷ୍ଟ୍ରେଲିଆ ପ୍ରତ୍ୟାବର୍ତ୍ତନ କରିବାକୁ ଚେଷ୍ଟା କରିଥିଲେ ହେଁ ନେଦରଲାଣ୍ଡ ସୁଯୋଗ ଦେଇନଥିଲା। ଶେଷରେ ମ୍ୟାଚ୍‌କୁ ୩-୧ ଗୋଲ୍‌ରେ ଜିତି ନେଇଛି ନେଦରଲାଣ୍ଡ।