କଟକ ନେତାଜୀ ବସ୍ ଟର୍ମିନାଲ କାର୍ଯ୍ୟକ୍ଷମ, ବିଭିନ୍ନ ଦିଗକୁ ଗଡିଛି ବସ୍‌

Published By : Prameya-News7 Bureau | September 17, 2023 IST

କଟକ ୧୭।୦୯ : କାର୍ଯ୍ୟକ୍ଷମ ହେଲା କଟକ ସ୍ଥିତ ନେତାଜୀ ବସ୍‌ ଟର୍ମିନାଲ । ଶନିବାର ଦିନ ଏହା ଲୋକର୍ପିତ ହେବା ପରେ ପ୍ରଥମ ବସ୍‌ ପୁରୀକୁ ଗଡିଥିଲା । ଆଜିଠାରୁ ବସ୍‌ ଟର୍ମିନାଲଟି ଏକପ୍ରକାର ଚଳଚଞ୍ଚଳ ହୋଇଉଠିଛି । ତରମିନାଲରୁ ବିଭିନ୍ନ ଦିଗକୁ ଗଡିଛି ବସ୍‌ ।

wp:html /wp:html

ଖବର ଅନୁଯାୟୀ, ପ୍ରାୟ ୧୬ ଏକର ଜାଗାରେ ନିର୍ମାଣ ହୋଇଛି ଏହି ଅତ୍ୟାଧୁନିକ ବସ୍‌ ଟର୍ମିନାଲ । ଏହି ବସ୍‌ ଟର୍ମିନାଲରେ ଏକକାଳୀନ ୧୯୨ଟି ବସ୍‌ ରହିପାରିବ । ଯାତ୍ରୀମାନଙ୍କ ପାଇଁ ଅତ୍ୟାଧୁନିକ ବିଶ୍ରାମାଗାର, ଶୌଚାଳୟ, ସପିଂ ମଲ୍, ଟ୍ୟାକ୍ସି ଏବଂ ଅଟୋ ରିକ୍ସା ଷ୍ଟାଣ୍ଡ ରହିଛି । ଏଥି ସହ ହାଇଟେକ୍‌ ଭୋଜନାଳୟର ମଧ୍ୟ ସୁବିଧା ପାଇପାରିବେ ଯାତ୍ରୀ । ଏଠାରେ ରହିଥିବା ଆହାର କେନ୍ଦ୍ର ଭିତରେ ମାଣ୍ଡିଆ ପ୍ରସ୍ତୁତ ଖାଦ୍ୟର ମଜା ନେଇପାରିବେ ଯାତ୍ରୀ । କ୍ଷୁଦ୍ର ତଥା ମଧ୍ୟମ ବର୍ଗର ବ୍ୟବସାୟୀଙ୍କ ଲାଗି ୩୦ଟି ଦୋକାନ ଗୃହ ରହିଛି ।

ଏହି ବସ୍ ଟର୍ମିନାଲରେ ବିଭିନ୍ନ ସ୍ଥାନରେ ଯାତ୍ରୀମାନଙ୍କ ବସିବା ପାଇଁ ୧୬୯୫ଟି ଚେୟାର ବ୍ୟବସ୍ଥା କରାଯାଇଥିବା ବେଳେ ରାତ୍ରିଯାପନ ପାଇଁ ୪ଟି ଡର୍ମିଟୋରିର ବ୍ୟବସ୍ଥା ହୋଇଛି । ଯେଉଁଥିରେ ୧୨୦ ଜଣ ଯାତ୍ରୀ ଶୋଇପାରିବେ । ୪୦ଟି ବ୍ଲକରେ ୧୨୨ଟି ଅତ୍ୟାଧୁନିକ ଶୌଚାଳୟ ନିର୍ମାଣ କରାଯାଇଛି । ଏଥି ସହ ୨୪ଘଣ୍ଟିଆ ବିଶୁଦ୍ଧ ଜଳ ଯୋଗାଣର ବ୍ୟବସ୍ଥା କରାଯାଇଛି । ଖାନନଗର, ବାଦାମବାଡ଼ି ଏବଂ ବେଲଭ୍ୟୁ ଛକ ଆଡ଼ୁ ୩ଟି ବସ୍‌ ରୁଟ୍‌ ମଧ୍ୟ ପ୍ରସ୍ତୁତ ହୋଇସାରିଛି । ଯେଉଁ ରାସ୍ତା ଦେଇ ଯାତ୍ରୀବାହୀ ବସ୍‌ଗୁଡ଼ିକ ଭିନ୍ନ ଭିନ୍ନ ଦିଗରେ ଯିବା ଆସିବା କରିବେ ।

wp:embed {"url":"https://www.prameyanews7.com/cuttack-netaji-bus-terminal-inaugurated-by-cm-naveen-patnaik/","type":"wp-embed","providerNameSlug":"prameya-news-7"}
https://www.prameyanews7.com/cuttack-netaji-bus-terminal-inaugurated-by-cm-naveen-patnaik/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.