oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାସ୍ତାକଡ଼କୁ ଓଲଟିଲା ଯାତ୍ରୀବାହୀ ବସ୍‌, ଓଡିଶା ଗ୍ରାମ୍ୟବ୍ୟାଙ୍କର ମ୍ୟାନେଜର ମୃତ, ଗୁରୁତର ଡାକ୍ତରଖାନାରେ ଭର୍ତ୍ତି
  • ||
  • ଭଦ୍ରକ ଜିଲ୍ଲାପାଳ କାର୍ଯ୍ୟାଳୟରୁ ସୂଚନା, ଧାମନଗର ଉପନିର୍ବାଚନ ପାଇଁ ଲାଗୁ ହେଲା ଆଦର୍ଶ ଆଚରଣ ବିଧି
  • ||
  • ଅଗ୍ନିଶ୍ଵର ମନ୍ଦିର ଉପରେ ଚଢ଼ିଗଲେ ପୂଜକ, ସିଂହଦ୍ୱାର ଥାନାରେ ଅଟକ ରଖିଲା ପୋଲିସ୍‌
  • ||
  • ଅରୁଣାଚଳ ପ୍ରଦେଶ: ତଓ୍ୱାଙ୍ଗରେ ସେନା ହେଲିକପ୍ଟର କ୍ରାସ୍, ପାଇଲଟଙ୍କ ମୃତ୍ୟୁ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୮ କୋଭିଡ୍ ପଜିଟିଭ୍
  • ||
  • ବୌଦ୍ଧ : ଲୁଗା ଶୁଖାଇବା ହେଲା କାଳ, ବିଦ୍ୟୁତ ଆଘାତରେ ଚାଲିଗଲା ତିନିଜଣଙ୍କ ଜୀବନ
  • ||
  • ଲଘୁଚାପ ପ୍ରଭାବରେ ଭିଜୁଛି ସାରା ରାଜ୍ୟ, ଭଦ୍ରକରେ ରେକର୍ଡ ସଂଖ୍ୟକ ବର୍ଷା
  • ||
  • ବାରାମୁଲ୍ଲାରେ ଶୋପିଆନ୍‌ରେ ଏନକାଉଣ୍ଟର: ୩ ଆତଙ୍କବାଦୀ ନିପାତ, ମୁଲୁରେ କମ୍ୱିଂ ଜାରି
  • ||

ନେପାଳରେ ରହିଛି ବାସ୍ତବ ଅଯୋଧ୍ୟା: ନିଜ ଦେଶରେ ଅପଦସ୍ଥ ହେଲେ ଓଲି, ନୀତି ଶିକ୍ଷା ଦେଲେ ନିଜର ଲୋକ

14/07/2020 at 7:49 PM

କାଠମାଣ୍ଡୁ ୧୪।୦୭: ନେପାଳର ପ୍ରଧାନମନ୍ତ୍ରୀ କେପି ଶର୍ମା ଓଲି ଅସଲି ଓ ନକଲି ଅଯୋଧ୍ୟାକୁ ନେଇ ଦେଇଥିବା ବୟାନ ପାଇଁ ନିଜ ଦେଶରେ ଏବେ ପରିହାସର ପାତ୍ର ପାଲଟିଛନ୍ତି। ନିଜ ଲୋକଙ୍କ ଗହଣରେ ନିଜେ ଅପଦସ୍ଥ ହୋଇଛନ୍ତି ଓଲି। ନିଜ ଦେଶରେ ସଂପୂର୍ଣ୍ଣ ଭାବେ ଫସିଯିବା ଦେଖି ଓଲି ବୈଦେଶିକ ମନ୍ତ୍ରଣାଳୟ ଜରିଆରେ ସଫେଇ ଦେବାରେ ଲାଗିଛନ୍ତି। ନେପାଳି ବୈଦେଶିକ ମନ୍ତ୍ରଣାଳୟ ବିବୃତି ଜାରି କରି କହିଛି ପ୍ରଧାନମନ୍ତ୍ରୀ ଓଲି କାହାର ଆସ୍ଥାକୁ ଆଘାତ ଦେବାକୁ ଚାହୁଁ ନାହାନ୍ତି।

ନେପାଳି ବୈଦେଶିକ ମନ୍ତ୍ରଣାଳୟ ଓଲିଙ୍କ ବୟାନକୁ ବଞ୍ଚାଇବାକୁ ଯାଇ କହିଛି, ପ୍ରଧାନମନ୍ତ୍ରୀଙ୍କ ଟିପ୍ପଣୀ କୌଣସି ପ୍ରକାରର ରାଜନୈତିକ ବିଷୟ ସହ ଜଡିତ ନୁହେଁ। କାହାରି ଆସ୍ଥାକୁ ଆଘାତ ଦେବା ତାଙ୍କର ନା ଉଦ୍ଦେଶ୍ୟ ଥିଲା ଏବଂ ନା ଅଯୋଧ୍ୟାର ସାଙ୍କେତିକ ମହତ୍ଵ ଓ ସାଂସ୍କୃତିକ ମୂଲ୍ୟର ଅପମାନ କରିବାର ଥିଲା। ମନ୍ତ୍ରଣାଳୟ ନିଜର ସଫେଇରେ କହିଛି ଶ୍ରୀରାମ ଓ ତାଙ୍କ ସ୍ଥାନ ସଂପର୍କିତ ଅନେକ ତଥ୍ୟ ରହିଛି। ପ୍ରଧାନମନ୍ତ୍ରୀ ଓଲି ସାଂସ୍କୃତିକ ଭୌଗୋଳିକ, ରାମାୟଣର ତଥ୍ୟକୁ ନେଇ ଅଧ୍ୟୟନ ଓ ଗବେଷଣାର ମହତ୍ଵ ଉପରେ ହିଁ ଆଲୋକପାତ କରୁଥିଲେ।

ଅଯୋଧ୍ୟା ଉପରେ ବିବାଦୀୟ  ବୟାନ ଦେଇ ଓଲି ନିଜ ଦେଶରେ ଅପଦସ୍ଥ  ହୋଇଛନ୍ତି। ନେପାଳର ଅନେକ ନେତା ଓଲିଙ୍କ ଏହି ଟିପ୍ପଣୀକୁ ଖୋଲାଖୋଲି ବିରୋଧ କରିଛନ୍ତି। ନେତାଙ୍କ କହିବାନୁଯାୟୀ ଭାରତ ଓ ନେପାଳ ମଧ୍ୟରେ ସେମିତିରେ ତ ବିବାଦ ଲାଗି ରହିଛି, ଏମିତି ସମୟରେ ଓଲିଙ୍କୁ ଏହି ପରି ବୟାନ ଦେବାରୁ ନିବୃତ ରହିବା ଦରକାର। ଏମିତି ଲାଗୁଛି ଓଲି ବିବାଦର ସମାଧାନ କରିବା ବଦଳରେ ନେପାଳ-ଭାରତ ସମ୍ଵନ୍ଧକୁ ଆହୁରି ବିଗାଡିବାକୁ ଚାହାନ୍ତି। ଅନେକ ନେତା ଏହି ବୟାନ ଫେରାଇ ନେବାକୁ ଦାବି ମଧ୍ୟ କରିଛନ୍ତି।

ଉଲ୍ଲେଖଯୋଗ୍ୟ, ସୋମବାର ପ୍ରଧାନମନ୍ତ୍ରୀ ଓଲି ଦାବି କରିଥିଲେ ଯେ ଭାରତ ସାଂସ୍କୃତିକ ଅତିକ୍ରମଣ  ପାଇଁ ନକଲି ଅଯୋଧ୍ୟା ନିର୍ମାଣ କରିଥିବା ବେଳେ ଅସଲି ଅଯୋଧ୍ୟା ନେପାଳରେ ରହିଛି। ଓଲି ପୂର୍ବରୁ ଅଭିଯୋଗ କରି ସାରିଛନ୍ତି ତାଙ୍କୁ ପଦରୁ ହଟାଇବା ପାଇଁ ଭାରତ ଷଡଯନ୍ତ୍ର ରଚୁଛି। ଓଲି ଏହା ମଧ୍ୟ ପ୍ରଶ୍ନ କରିଥିଲେ ଯେ ଉକ୍ତ ସମୟରେ ଆଧୁନିକ ପରିବହନ ସାଧନ ଓ ମୋବାଇଲ ଫୋନ ନଥିଲା, ତେବେ ରାମ ଜନକପୁର କେମିତି ଗଲେ ?

ଓଲି କବି ଭାନୁଭକ୍ତ ଆଚାର୍ଯ୍ୟଙ୍କ ଜୟନ୍ତୀ ଅବସରରେ ନିଜର ସରକାରୀ ବାସଭବନ ବ୍ଲୁଓ୍ଵାଟରରେ ଆୟୋଜିତ ଏକ କାର୍ଯ୍ୟକ୍ରମକୁ ସମ୍ବୋଧିତ କରି କହିଛନ୍ତି ନେପାଳ ଉପରେ ସାଂସ୍କୃତିକ ଅତ୍ୟାଚାର କରାଯାଇଛି। ଐତିହାସିକ ତଥ୍ୟକୁ ମଧ୍ୟ ତ୍ରୁଟିପୂର୍ଣ୍ଣ ଭାବେ ଦର୍ଶାଯାଇଛି। ଆମେ ଏବେ ମଧ୍ୟ ମାନୁଛୁ ଯେ, ଆମେ ଭାରତୀୟ ରାଜକୁମାର ରାମଙ୍କୁ ସୀତା ଦେଇଥିଲୁ। ଏହା ପରେ ଓଲି ଅତ୍ୟନ୍ତ ହାସ୍ୟାସ୍ପଦ କଥା କହିଛନ୍ତି।

ସେ ଦାବି କରି କହିଛନ୍ତି ଯେ, ଆମେ ଭାରତ ସ୍ଥିତ ଅଯୋଧ୍ୟାର ରାଜକୁମାରଙ୍କୁ ସୀତା ଦେଇନଥିଲୁ ବରଂ ନେପାଳର ଅଯୋଧ୍ୟାର ରାଜକୁମାରଙ୍କୁ ଦେଇଥିଲୁ। ଅଯୋଧ୍ୟା ଏକ ଗାଁ ଯାହା ବୀରଗଞ୍ଜରୁ କିଛି ଦୂର ପଶ୍ଚିମରେ ଅବସ୍ଥିତ। ଓଲି ଏହା ମଧ୍ୟ କହିଛନ୍ତି, ଭାରତରେ ନିର୍ମିତ ଅଯୋଧ୍ୟା ବାସ୍ତବିକ ନୁହେଁ।

   Related Posts