କାଠମାଣ୍ଡୁ ୧୦।୭: ନେପାଳରେ ତାଣ୍ଡବ ରଚିଛି ମୌସୁମୀ ବର୍ଷା। ଭୀଷଣ ବର୍ଷାରେ ନଦୀ,ନାଳ ଝର ଫିଟିଥିବା ବେଳେ ପାହାଡିଆ ଅ଼ଞ୍ଚଳରେ ଭୂ-ସ୍ଖଳନ ହୋଇଛି। ଫଳରେ ୧୦ ଜଣଙ୍କ ମୃତ୍ୟୁ ହୋଇଥିବା ବେଳେ ଅନେକ ନିଖୋଜ ଥିବା ଜଣାପଡିଛି। ମାୟାଗଡି, ଜାଜରକୋଟ ଓ ସିନ୍ଧୁପାଲ ଚୌକ ଜିଲ୍ଲାରେ ଭୂ-ସ୍ଖଳନ ହୋଇଥିବା କୁହାଯାଇଛି। ନିଖୋଜ ଲୋକଙ୍କ ସନ୍ଧାନ ଜାରି ରହିଥିବା ବେଳେ ବନ୍ୟା ପ୍ରଭାବିତ ଅଞ୍ଚଳରେ ରିଲିଫ ଓ ଉଦ୍ଧାର କାର୍ଯ୍ୟ ତ୍ୱରାନ୍ୱୀତ କରାଯାଇଛି।
{"id":298764,"sizeSlug":"large"}ଦେଶରେ ଗତ ଜୁଲାଇ ୭ ତାରିଖରୁ ବର୍ଷା ଲାଗି ରହିଛି। ଭୀଷଣ ବର୍ଷାରେ ପାହାଡି ଝରଣା ସୁଅ ଖୋଲିବାରୁ ଅନେକ ସ୍ଥାନରେ ଘର ଭାସି ଯାଇଛି। ଗତ ୨୪ ଘଣ୍ଟାରେ ଦେଶରେ ବର୍ଷା ଓ ଭୂସ୍ଖଳନ ହାର ବଢିଛି। ଏଥିରେ ମାୟାଗଡି, ଜାଜର କୋଟ ଓ ସିନ୍ଧୁପାଲ ଚୌକ ଜିଲ୍ଲାରେ ଭୀଷଣ କ୍ଷୟକ୍ଷତି ହୋଇଥିବାର ଆକଳନ କରାଯାଉଛି। ତେବେ କ୍ଷୟକ୍ଷତିର ବାସ୍ତବ ପରିମାଣ ଜଣାପଡିନଥିଲେ ହେଁ ବର୍ଷା ଥମିବା ପରେ ଆକଳନ ଆରମ୍ଭ ହେବ ବୋଲି ସରକାରୀ ଅଧିକାରୀ କହିଛନ୍ତି।