ନୂଆଦିଲ୍ଲୀ ୨୮।୦୮: ଭାରତୀୟ କ୍ରୀଡା ଇତିହାସରେ ଯୋଡିହେଲା ଆଉ ଏକ ସ୍ବର୍ଣ୍ଣିମ ଅଧ୍ୟାୟ । ୱାର୍ଲଡ ଆଥଲେଟିକ୍ସ ଚାମ୍ପିଅନସିପରେ ସ୍ବର୍ଣ୍ଣ ଜିତିଲେ ଗୋଲ୍ଡେନ ବଏ । ଓ୍ବାର୍ଲ ଚ୍ୟାମ୍ପିଆନସିପ୍‌ ଫାଇନାଲ୍‌ରେ ନୀରଜ ଚୋପ୍ରା ପିଙ୍ଗିଲେ ୮୮.୧୭ ମିଟରର ଜାଭେଲିନ୍‌ । ଏହି ଟାଇଟାଲ୍‌ ହାତେଇବାରେ ସେ ପ୍ରଥମ ଭାରତୀୟ । କେବଳ ଏତିକି ନୁହେଁ ଅଲିମ୍ପିକ୍ସ ଏବଂ ବିଶ୍ୱ ଚାମ୍ପିଅନସିପରେ ସ୍ୱର୍ଣ୍ଣ ଜିତିବାରେ ସେ ହେଉଛନ୍ତି ବିଶ୍ୱର ଦ୍ୱିତୀୟ ଜାଭେଲିନ୍ ଥ୍ରୋଅର୍ ।

କିନ୍ତୁ ଜାଣନ୍ତି କି ଦେଶର ଏହି ସୁନା ପୁଅ କେବେଠାରୁ ଆରମ୍ଭ କରିଛନ୍ତି ଟାଇଟଲ୍‌ ଦୌଡ । ଏମିତିକି ଗୋଲ୍ଡେନ୍‌ ବଏଙ୍କ ପ୍ରାକ୍ଟିସ୍‌ ପାଇଁ କେତେ ଟଙ୍କା ଖର୍ଚ୍ଚ କରିଥାନ୍ତି ସରକାର ? ବୁଦାପେଷ୍ଟରେ ଅନୁଷ୍ଠିତ ପୁରୁଷ ଜାଭଲିନ୍ ଥ୍ରୋ ଫାଇନାଲରେ ପାକିସ୍ତାନୀ ପ୍ରତିଦ୍ବନ୍ଦୀ ଅର୍ଶଦ ନାଦିମଙ୍କୁ ହରାଇ ହାତେଇଛନ୍ତି ସ୍ୱର୍ଣ୍ଣ ପଦକ । ତେବେ ୭ ବର୍ଷ ପୂର୍ବେ ଟାଇଟଲ୍‌ ହାତେଇବା ଆରମ୍ଭ କରିଥିଲେ ନୀରଜ ଚୋପ୍ରା ।  

ପ୍ରଥମେ ୨୦୧୬ରେ ଜୁନିୟର ୱାର୍ଲ୍ଡ ଆଥଲେଟିକ୍ସ ଚାମ୍ପିଅନସିପରେ ଭାଗ ନେଇ ଜିତିଥିଲେ ସ୍ୱର୍ଣ୍ଣ ।  ମାତ୍ର  ୧୮ ବର୍ଷ ବୟସରେ ନୀରଜ ୮୬.୪୮ ମିଟର ସହିତ ଜୁନିଅର ୱାର୍ଲ୍ଡ ଆଥଲେଟିକ୍ସରେ ସୃଷ୍ଟି କରିଥିଲେ ରେକର୍ଡ । ନୀରଜ ୨୦୧୮ରେ ଲଗାତର ଦୁଇଟି ବଡ ଟାଇଟଲ୍ ହାତେଇଥିଲେ  । ପ୍ରଥମେ ନୀରଜ ଗୋଲ୍ଡ କୋଷ୍ଟ କମନୱେଲଥ ଗେମ୍ସରେ ସ୍ୱର୍ଣ୍ଣ ଜିତିଥିଲେ । ଆଉ ପରେ ଜାକର୍ତ୍ତାରେ ଚାଲିଥିବା ଏସୀୟ ଗେମ୍ସରେ ମଧ୍ୟ ଜିତିଥିଲେ ସ୍ୱର୍ଣ୍ଣ ।

୨୦୨୧ରେ ଟୋକିଓ ଅଲିମ୍ପିକ୍ସରେ ୮୭.୫୮ମିଟର ଜାଭଲିନ୍‌ ଥ୍ରୋ କରି ନୀରଜ ଚାମ୍ପିୟନ ହୋଇଥିଲେ । ଏମିତିକି ୨୦୨୨ ଡାଇମଣ୍ଡ ଲିଗରେ ନଜର ଆସିଥିଲେ ନୀରଜ । ସେ ଏହି ଟ୍ରଫି ଜିତିବାରେ ମଧ୍ୟ ପ୍ରଥମ ଭାରତୀୟ ଆଥଲେଟ୍ ହୋଇଥିଲେ । କେବଳ ୨୦୨୨ ବିଶ୍ୱ ଆଥଲେଟିକ୍ସ ଚାମ୍ପିଅନସିପ୍ ଏପରି ଥିଲା ଯେଉଁଠାରେ ନୀରଜ ଚାମ୍ପିଅନ୍ ହୋଇପାରି ନଥିଲେ । କିନ୍ତୁ ସେ ସିଲ୍‌ଭର୍‌ ମେଡାଲ୍‌ ନିଜ ନାଁରେ କରିଥିଲେ । ଆଉ ଏକ ବର୍ଷ ପରେ ଏହି ଅଭାବକୁ ପୂରଣ କରିଛନ୍ତି ଗୋଲ୍ଡେନ୍‌ ବୟ ।

ସୁନା ପୁଅଙ୍କ ପ୍ରାକ୍ଟିସ୍‌ରେ ମୋଟା ଅଙ୍କର ଖର୍ଚ୍ଚ କରିଥାନ୍ତି ସରକାର । ନୀରଜ ଚୋପ୍ରାଙ୍କ ପାଇଁ ୭ କୋଟି ଟଙ୍କା ଖର୍ଚ୍ଚ ହୋଇଥିଲା ଟୋକିଓ ଅଲମ୍ପିକ୍ସ ପାଇଁ । ଏହା ପରେ ହିଁ ନୀରଜ ଟୋକିଓ ଅଲମ୍ପିକ୍ସରେ ଭାରତ ପାଇଁ ଆଣିଥିଲେ ସ୍ବର୍ଣ୍ଣ ପଦକ । ଟୋକିଓ ପରେ ବୁଡାପେଷ୍ଟ ଯାଏଁ ଯାତ୍ରାରେ ଟ୍ରେନିଂ ପାଇଁ ସରକାରୀ ପାଣ୍ଠିରୁ ଖର୍ଚ୍ଚ ହୋଇଛି ମୋଟା ଅଙ୍କର ଟଙ୍କା ।

ଟୋକିଓ ଅଲମ୍ପିକ୍ସ ପରେ ଅନେକ ଦେଶରେ ଟ୍ରେନିଂ କରିଛନ୍ତି ନୀରଜ । ସେ ଆମେରିକା, ଫିନ୍‌ଲ୍ୟାଣ୍ଡ, ତୁର୍କିୀ ପରି ଦେଶକୁ ଯାଇ ଟେନିଂ ନେଇଥିଲେ । ୨୦୨୧-୨୨ ବର୍ଷରେ ନୀରଜଙ୍କର ଆମେରିକା ଟ୍ରେନିଂ କ୍ୟାମ୍ପ ଲାଗିଥିଲା । ତାଙ୍କ ପାଇଁ ୩୮ ଲକ୍ଷ ଟଙ୍କା ଖର୍ଚ୍ଚ କରାଯାଇଥିଲା । ପୂର୍ବ ବର୍ଷ ୪ ସପ୍ତାହ ପାଇଁ ଫିନ୍‌ଲ୍ୟାଣ୍ଡରେ ନୀରଜଙ୍କ ଟ୍ରେନିଂ କ୍ୟାମ୍ପ ଲାଗିଥିଲା । ଆଉ ଏଥିପାଇଁ ଖର୍ଚ୍ଚ ହୋଇଥିଲା ପାଖାପାଖି ୧୦ ଲକ୍ଷ ଟଙ୍କା ।

ଓ୍ବାର୍ଲ୍ଡ ଆଥଲେଟିକ୍‌ ଚ୍ୟାମ୍ପିଆନ୍‌ସିପ୍‌ ୨୦୨୩ର ପ୍ରସ୍ତୁତି ପାଇଁ ନୀରଜ ତୁର୍କୀ ଯାଇଥିଲେ । ଯେଉଁଠାରେ ୪୪ଦିନ ପାଇଁ ଟ୍ରେନିଂ କ୍ୟାମ୍ପ ଲଗାଯାଇଥିଲା । ରିପୋର୍ଟ ଅନୁଯାୟୀ, ଏଠାରେ ପ୍ରତ୍ୟକ ଦିନ ନୀରଜଙ୍କ ପାଇଁ ପ୍ରାୟ ୫୦ ହଜାରୁ ଅଧିକ ଟଙ୍କା ଖର୍ଚ୍ଚ ହେଉଥିଲା । ଏହାବାଦ୍‌ ଯେତେବେଳେ ନୀରଜ ତୁର୍କୀରେ ନିଜ ଟ୍ରେନିଂ ପିରିୟଡ୍‌ ଆଉ ବଢାଇଥିଲେ, ସେଥିପାଇଁ ଭାରତ ସରକାର ତାଙ୍କ ପାଇଁ ସାଢେ ୫ ଲକ୍ଷ ଟଙ୍କା ଦେଇଥିଲେ ।

You Can Read: