ନୂଆଦିଲ୍ଲୀ ୦୧।୧୦: ନିମ୍ୱପତ୍ର ସ୍ୱାଦରେ ପିତା ଲାଗୁଥିଲେ ମଧ୍ୟ ଏଥିରେ ଭରପୂର ଔଷଧିୟ ରୁଣ ରହିଛି । ଯାହା ଶରୀର ପାଇଁ ଖୁବ୍ ଲାଭଦାୟକ । ଆୟୁର୍ବେଦ ମୁତାବକ, ସକାଳେ ଖାଲି ପେଟରେ ଏହାକୁ ଖାଇବା ଫଳରେ ଅନେକ ରୋଗରୁ ଆଶ୍ୱସ୍ଥି ମିଳିଥାଏ । ଖାଲିପେଟରେ ନିମ୍ୱପତ୍ର ଖାଇଲେ କେଉଁସବୁ ଲାଭ ମିଳେ ଆସନ୍ତୁ ଜାଣିବା । 

ବ୍ଲଡ୍ ସୁଗାର ନିୟନ୍ତ୍ରଣ– ଅସ୍ୱାସ୍ଥ୍ୟକର ଜୀବନଶୈଳୀ ଯୋଗୁଁ ଭାରତରେ ମଧୁମେହ ରୋଗୀଙ୍କ ସଂଖ୍ୟା କ୍ରମଶଃ ବୃଦ୍ଧି ପାଇବାରେ ଲାଗୁଛି । ଅନେକ ଲୋକ ଏଥିପାଇଁ ଘରୋଇ ଉପଚାର ମଧ୍ୟ କରିଥିବା ଦେଖାଯାଉଛି । ଏହି ଘରୋଇ ଉପାୟ ମଧ୍ୟରୁ ଗୋଟିଏ ହେଉଛି ସକାଳୁ ଖାଲିପେଟରେ ନିମ୍ୱପତ୍ର ଖାଇବା । ଏଭଳି କରିବା ଫଳରେ ଏହା ବ୍ଲଡ୍ ସୁଗାର ନିୟନ୍ତ୍ରଣ କରିବାରେ ସହାୟକ ହୁଏ ।

ରକ୍ତ ସଫା ରଖେ– ନିମ୍ୱପତ୍ରରେ ଅନେକ ଔଷଧିୟ ଗୁଣ ଥିବାରୁ ଏହା ରକ୍ତ ସଫା ରଖିବାରେ ସାହାଯ୍ୟ କରେ । ଏହା ରକ୍ତରୁ ଟକ୍ସିନ୍‌କୁ ବାହାର କରି ଡିଟକ୍ସ କରିଥାଏ । ରକ୍ତ ସଫା ରହିଲେ କୌଣସି ରୋଗରେ ଆକ୍ରାନ୍ତ ହେବାର ଆଶଙ୍କା କମିଯାଏ । 

ପେଟ ପାଇଁ ଲାଭଦାୟକ– ନିମ୍ୱପତ୍ର କେବଳ ତ୍ୱଚା ପାଇଁ ଉପକାରୀ ନୁହେଁ, ପେଟ ପାଇଁ ମଧ୍ୟ ଏହା ବେଶେ ଲାଭଦାୟକ । ଏଥିରେ ଥିବା ଔଷଧିୟ ଗୁଣ ଏସିଡିଟି ପାଇଁ ଖୁବ୍ ଉପଯୋଗୀ । ସକାଳେ ଖାଲିପେଟରେ ପାଣିରେ ନିମ୍ୱପତ୍ର ଫୁଟାଇ ପିଇବା ଫଳରେ ଏସିଡିଟି ଓ ପେଟ ଯନ୍ତ୍ରଣା ଭଳି ସମସ୍ୟା ଦୂର ହୁଏ। 

ରୋଗ ପ୍ରତିରୋଧକ ଶକ୍ତି ବୃଦ୍ଧି ହୁଏ- ନିମ୍ୱପତ୍ରର ପେଷ୍ଟ ବନାଇ ଏହାର ରସକୁ ପିଇବା ଖୁବ୍ ଲାଭଦାୟକ । ସବୁବେଳେ ତାଜା ନିମ୍ୱପତ୍ରର ରସ ସେବନ କରିବା ଭଲ । ନିମ୍ୱପତ୍ରକୁ ତାୱାରେ ଭାଜିବା ପରେ ଏଥିରେ ରସୁଣ ଓ ସୋରିଷ ତେଲ ମିଶାଇ ଭାତ ସହ ଏହାକୁ ଖାଇପାରିବେ । 

-ନିମ୍ୱପତ୍ର ସେବନ କରିବା ସମୟରେ ଧ୍ୟାନ ଦିଅନ୍ତୁ। ଏକା ଥରକରେ ଅଧିକ ନିମ୍ୱପତ୍ର ଖାଇବା ଅନୁଚିତ୍ । ସବୁବେଳେ କମ୍ ମାତ୍ରାରେ ନିମ୍ୱପତ୍ର ଖାଇବା ଭଲ।