ନୂଆଦିଲ୍ଲୀ, ୧୭/୦୨: ଭିଡିଓ ଷ୍ଟ୍ରିମିଂ ପ୍ଲାଟଫର୍ମ ୟୁଟ୍ୟୁବ୍ରେ ବଡ଼ ପରିବର୍ତ୍ତନ। ଭାରତୀୟ ବଂଶୋଦ୍ଭବ ନୀଲ ମୋହନ ହେଲେ ୟୁଟ୍ୟବ୍ ସିଇଓ। ବର୍ତ୍ତମାନ ୟୁଟ୍ୟୁବ୍ ସିଇଓ ଥିବା ସୁଜାନ୍ ୱୋଜିକ୍କି ନିଜ ପଦରୁ ଇସ୍ତଫା ଦେଇଛନ୍ତି। ଆଉ ତାଙ୍କ ସ୍ଥାନରେ ନୀଲ ମୋହନ ହୋଇଛନ୍ତି ନୂଆ ସିଇଓ। ନୀଲ ମୋହନ ଏବେ ୟୁଟ୍ୟୁବ୍ର ଚିଫ୍ ପ୍ରୋଡକ୍ଟ ଅଫିସର(CPO) ଅଛନ୍ତି। ସୁଜାନ୍ ୱୋଜିକ୍କି ଏକ ଚିଠି ଲେଖି ନିଜର ଇସ୍ତଫା ଘୋଷଣା କରିଛନ୍ତି। ସେ କହିଛନ୍ତି ସେ ନିଜ ଜୀବନର ଏକ ନୂଆ ଅଧ୍ୟାୟ ଆରମ୍ଭ କରିବାକୁ ଯାଉଛନ୍ତି। ସେ ନିଜ ପରିବାର, ସ୍ବାସ୍ଥ୍ୟ ଏବଂ ବ୍ୟକ୍ତିଗତ ଯୋଜନାକୁ ନେଇ କାମ କରିବେ ବୋଲି କହିଛନ୍ତି।
ଗତ ୯ ବର୍ଷରୁ ଆଲଫାବେଟ୍ର ଭିଡିଓ ଷ୍ଟ୍ରିମିଂ ପ୍ଲାଟଫର୍ମ ୟୁଟ୍ୟୁବ୍ରେ ବଡ଼ ପଦରେ କାମ କରିଆସୁଛନ୍ତି। ସୂଚନାଯୋଗ୍ୟ, ସେ ପ୍ରାୟ ୨୫ ବର୍ଷରୁ ଗୁଗଲ ସହ ରହିଥିଲେ। ନୀଲ ମୋହନକୁ ଶୁଭେଚ୍ଛା ଦେଇ ସୁଜାନ୍ ୱୋଜିକ୍କି କହିଛନ୍ତି ଆମେ ସର୍ଟସରେ ଷ୍ଟ୍ରିମିଂ ଏବଂ ସବସ୍କ୍ରିପସନରେ ଯାହା କରୁଛୁ ତାହା ଉତ୍ତମ। ଏଆଇ ସହ ୟୁଟ୍ୟୁବ୍ ଆଗକୁ ଆହୁରି ଅବସର ପ୍ରଦାନ କରିବ ଏବଂ ନୀଲ ଆମର ନେତୃତ୍ବ କରିବା ପାଇଁ ଠିକ୍ ବ୍ୟକ୍ତିତ୍ବ।
ସୁଜାନ୍ କହିଛନ୍ତି ନୀଲ ମୋହନ ଜଣେ ଉତ୍ତମ ଲିଡର୍। ଏବଂ ସେ ୟୁଟ୍ୟୁବ୍ର ଆବଶ୍ୟକତାକୁ ଭଲ ଭାବରେ ଜାଣିଛନ୍ତି। ସେ ବର୍ତ୍ତମାନ ଟ୍ରାଞ୍ଜିସନ ପିରିୟଡରେ କମ୍ପାନୀ ସହ ରହିବେ ଏବଂ ନୀଲ ମୋହନଙ୍କୁ ସହଯୋଗ କରିବେ। ସୁଜାନ ଏବେ ଗୁଗଲ ଏବଂ ଆଲ୍ଫାବେଟ୍ରେ ପରାମର୍ଶଦାତା ଭାବରେ କାମ କରିବେ।
