ଭାରତ-ଅଷ୍ଟ୍ରେଲିଆ ୩ୟ ଦିନିକିଆ, ଟସ୍‌ ଜିତି କଙ୍ଗାରୁ ଟିମ୍‌ର ବ୍ୟାଟିଂ ନିଷ୍ପତ୍ତି

Published By : Prameya-News7 Bureau | September 27, 2023 IST

ରାଜକୋଟ ୨୭।୦୯ : ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍‌ । ୩ୟ ମ୍ୟାଚ୍‌ରେ ଟସ୍‌ ଜିତି ଅଷ୍ଟ୍ରେଲିଆର ବ୍ୟାଟିଂ ନିଷ୍ପତ୍ତି । ଆଉ ପଡିଆକୁ ବୋଲିଂ ପାଇଁ ଓହ୍ଲାଇବ ଭାରତୀୟ ଟିମ୍‌ । ଉଭୟ ଟିମ୍‌ରେ ଏକାଧିକ ପରିବର୍ତ୍ତନ କରାଯାଇଛି । ପୂର୍ବରୁ ଭାରତୀୟ ଟିମ୍‌ ୨-୦ରେ ସିରିଜ୍‌କୁ କବ୍‌ଜା କରିସାରିଛି ଭାରତୀୟ ଟିମ୍‌ ।

ତେବେ ଭାରତୀୟ ଟିମ୍‌ରେ ଏକାଧିକ ପରିବର୍ତ୍ତନ କରାଯାଇଛି । ତୃତୀୟ ମ୍ୟାଚ୍‌ରେ ଇଷାନ କିଷାନଙ୍କୁ ବିଶ୍ରାମ ଦିଆଯାଇଛି । ଦଳକୁ ଫେରିଛନ୍ତି ବିରାଟ, ରୋହିତ, ଯଶୀପ୍ରୀତ ବୁମ୍‌ରା, ଓ୍ୱାସିଂଟନ୍‌ ସୁନ୍ଦର । ସେହିପରି ଅଷ୍ଟ୍ରେଲିଆ ଦଳକୁ ଫେରିଛନ୍ତି ମିଚେଲ୍‌ ଷ୍ଟାର୍କ, ଅଧିନାୟକ ପ୍ୟାଟ୍‌ କମିନ୍ସ, ଗ୍ଲେନ୍‌ ମାକ୍ସଓ୍ୱେଲ୍‌ । ବିଶ୍ୱକପ୍‌ ପୂର୍ବରୁ ଉଭୟ ଟିମ୍‌ ମଧ୍ୟରେ ଏହା ଶେଷ ମ୍ୟାଚ୍‌ ।

wp:embed {"url":"https://www.prameyanews7.com/kl-rahul-and-shreyas-iyer-performance-after-injury/","type":"wp-embed","providerNameSlug":"prameya-news-7"}
https://www.prameyanews7.com/kl-rahul-and-shreyas-iyer-performance-after-injury/
/wp:embed

ରାଜକୋଟ୍‌ରେ ହେବ ରନ ବର୍ଷା ହେବାର ସମ୍ଭାବନା ରହିଛି । ସୌରାଷ୍ଟ୍ର କ୍ରିକେଟ୍‌ ଆସୋସିଏସନ୍‌ ଗ୍ରାଉଣ୍ଡ୍‌ର ପିଚ୍‌ ବ୍ୟାଟିଂ ପାଇଁ ଅନୁକୂଳ । ଏଠାରେ ସର୍ବଦା ବିଶାଳ ସ୍କୋର ସଂଗୃହୀତ ହୋଇଛି । ଏଠାରେ ୩ଟି ଦିନିକିଆ ଖେଳାଯାଇଛି ଓ ୪ଟି ଇନିଂସରେ ୩୦୦ରୁ ଅଧିକ ରନ ସଂଗୃହୀତ ହୋଇଛି । ୨୦୨୦ରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଏକ ଦିନିକିଆ ଖେଳାଯାଇଥିଲା । ପ୍ରଥମେ ବ୍ୟାଟିଂ କରି ଭାରତ ୬/୩୪୦ ରନ୍‌ ସଂଗ୍ରହ କରିଥିଲା । ଜବାବରେ ଅଷ୍ଟ୍ରେଲିଆ ୩୦୪ ରନ୍‌ ସଂଗ୍ରହ କରିଥିଲା । ଆସନ୍ତା କାଲି ପାଗ କୋହଲା ରହିବ । ମାତ୍ର ବର୍ଷା ସମ୍ଭାବନା ନାହିଁ ।

ଭାରତ : ରୋହିତ ଶର୍ମା (ଅଧିନାୟକ), ବିରାଟ କୋହଲି, ଶ୍ରେୟାସ ଆୟର, କେଏଲ ରାହୁଲ, ସୂର୍ଯ୍ୟକୁମାର ଯାଦବ, ରବିନ୍ଦ୍ର ଜାଡେଜା, ଓ୍ୱାସିଂଟନ ସୁନ୍ଦର , କୁଲଦୀପ ଯାଦବ, ମହମ୍ମଦ ସିରାଜ, ଯଶପ୍ରୀତ ବୁମରା, ପ୍ରସିଦ୍ଧ କ୍ରୀଷ୍ଣା ।

ଅଷ୍ଟ୍ରେଲିଆ : ମିଚେଲ ମାର୍ଶ, ଡେଭିଡ୍‌ ୱାର୍ଣ୍ଣର, ଷ୍ଟିଭେନ ସ୍ମିଥ୍‌, ମାର୍ନସ ଲାବୁସାନ, ଆଲେକ୍ସ କ୍ୟାରୀ, ଗ୍ଲେନ ମାକ୍ସୱେଲ୍‌, କ୍ୟାମେରୁନ୍‌ ଗ୍ରୀନ୍‌, ମିଚେଲ ଷ୍ଟାର୍କ, ପ୍ୟାଟ୍‌ କମିନ୍ସ(ଅଧିନାୟକ), ତନଭୀର ସାଙ୍ଗା, ଜୋସ ହାଜେଲଉଡ୍‌ ।

wp:embed {"url":"https://www.prameyanews7.com/tiger-3-teaser-relese-today/","type":"wp-embed","providerNameSlug":"prameya-news-7"}
https://www.prameyanews7.com/tiger-3-teaser-relese-today/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.