ନୂଆଦିଲ୍ଲୀ: ଲୋକସଭା ନିର୍ବାଚନରେ ସଂରକ୍ଷଣ ଏକ ବଡ଼ ପ୍ରସଙ୍ଗ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କଂଗ୍ରେସ ବିରୋଧରେ ଅଭିଯୋଗ ଆଣିଛନ୍ତି ଯେ ସେମାନେ ଏସସି, ଏସଟି ଏବଂ ଓବିସିର ଅଧିକାରକୁ ମାରି ମୁସଲମାନଙ୍କୁ ଦେବାକୁ ଚାହୁଁଛନ୍ତି । ଏହାରି ଭିତରେ ରାଷ୍ଟ୍ରୀୟ ପଛୁଆ ବର୍ଗ ଆୟୋଗର ବୟାନ ସାମନାକୁ ଆସିଛି, ଯେଉଁଥିରେ କୁହାଯାଇଛି ଯେ କର୍ଣ୍ଣାଟକରେ ଶିକ୍ଷା ସଂସ୍ଥାନ ଏବଂ ନିଯୁକ୍ତିରେ ମୁସଲମାନଙ୍କୁ ସଂରକ୍ଷଣ ମିଳୁଛି । ଆୟୋଗ ପ୍ରେସ୍ ରିଲିଜ୍ ଜାରି କରି କହିଛି ଯେ କର୍ଣ୍ଣାଟକରେ ମୁସଲିମର ସମସ୍ତ ଜାତି ଏବଂ ସମୁଦାୟଙ୍କୁ ସରକାରୀ ଚାକିରି ଏବଂ ଶିକ୍ଷା ସଂସ୍ଥାରେ ଆରକ୍ଷଣ ଦିଆଯାଉଛି । ହଂସରାଜ ଅହିର କହିଛନ୍ତି ଯେ ଆମେ ଏହା ଉପରେ କର୍ଣ୍ଣାଟକ ସରକାରଙ୍କୁ ପ୍ରଶ୍ନ କରିଥିଲୁ ଯେ ସେ କେଉଁ ଆଧାରରେ ଏହି କୋଟା ଦେଉଛନ୍ତି । ଏହା ଉପରେ ଆମକୁ କୌଣସି ସଠିକ୍ ସ୍ପଷ୍ଟୀକରଣ ମିଳି ନାହିଁ ।
ଆୟୋଗର ଅଧ୍ୟକ୍ଷ ହଂସରାଜ ଗଙ୍ଗାରାମ ଅହିରଙ୍କ ଦ୍ୱାରା ଜାରି ବୟାନରେ କୁହାଯାଇଛି, 'କର୍ଣ୍ଣାଟକ ସରକାରଙ୍କ ନିୟନ୍ତ୍ରଣାଧିନ ନିଯୁକ୍ତି ଏବଂ ଶିକ୍ଷା ସଂସ୍ଥାରେ ଭର୍ତ୍ତି ପାଇଁ ରାଜ୍ୟର ସମସ୍ତ ମୁସଲମାନଙ୍କୁ ଓବିସିର ରାଜ୍ୟ ସୂଚୀରେ ସାମିଲ କରାଯାଇଛି । ଏହାସହ କର୍ଣ୍ଣାଟକ ସରକାରଙ୍କ ପଛୁଆ ବର୍ଗ ବିଭାଗ ରାଷ୍ଟ୍ରୀୟ ପଛୁଆ ବର୍ଗ ଆୟୋଗଙ୍କୁ ଲିଖିତ ରୂପେ କହିଛି ଯେ ମୁସଲିମ୍ ଏବଂ ଇଶାଇ ପରି ସମୁଦାୟ ନା ଜାତି ନା କୌଣସି ଧର୍ମ ଅଟେ । କର୍ଣ୍ଣାଟକରେ ମୁସଲିମଙ୍କ ସଂଖ୍ୟା ୧୨.୯୨ ପ୍ରତିଶତ ରହିଛି ।
As per the data from Karnataka government, all castes and communities of Muslims of Karnataka have been included in the list of OBCs for reservation in employment and educational institutions under the state govt. Under Category II-B, all Muslims of Karnataka state have been… pic.twitter.com/eh1IYF3FX0
— ANI (@ANI) April 24, 2024
ଏହାସହ ରାଷ୍ଟ୍ରୀୟ ପଛୁଆ ବର୍ଗ ଆୟୋଗ କର୍ଣ୍ଣାଟକରେ ମୁସଲିମଙ୍କୁ ମିଳୁଥିବା ସଂରକ୍ଷଣର ନିୟମାବଳୀ ବିଷୟରେ ମଧ୍ୟ ବିସ୍ତୃତରେ ଅଗବତ କରାଇଛନ୍ତି । ଆୟୋଗ କହିଛି ଯେ କର୍ଣ୍ଣାଟକରେ କ୍ୟାଟେଗୋରୀ ୧ ଅଧିନରେ ୧୭ ମୁସଲିମ୍ ଜାତିଙ୍କୁ ସାମିଲ କରାଯାଇଛି, ଯେଉଁମାନେ ୪ ପ୍ରତିଶତ ଓବିସି କୋଟା ଅଧିନରେ ଆବେଦନ କରିପାରିବେ । ଏହାପରେ ୨ଏରେ ୧୯ ମୁସଲିମ ଜାତି ସାମିଲ ଅଛି ଏବଂ ମୋଟ ୩୯୩ ଜାତି ଏହି ସୂଚୀରେ ଅଛନ୍ତି । ଏହା ଅନୁସାରେ ୧୫ ପ୍ରତିଶତ ଓବିସି କୋଟା ମିଳିଥାଏ । ଏହାପରେ କ୍ୟାଟେଗୋରୀ ୨ବି ଅଧିନରେ ୪ ପ୍ରତିଶତ ସଂରକ୍ଷଣ ମିଳିଥାଏ, ଯେଉଁଥିରେ ମୁସଲିମ ସମୁଦାୟର ସମସ୍ତ ଜାତି ସାମିଲ ଅଛନ୍ତି ।
