ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: କୋର୍ଟରେ ଜଜ୍‌ଙ୍କୁ ଛୁରାମାଡ ଉଦ୍ୟମ, କାବୁ କଲା ପୋଲିସ
  • ||
  • ଭୁବନେଶ୍ୱର: ICMRର ପରାମର୍ଶ, ସାମାନ୍ୟ ଜ୍ୱର ହେଲେ ଖାଅନି ଆଣ୍ଟିବାୟୋଟିକ୍
  • ||
  • ଶିକ୍ଷକ ନିଯୁକ୍ତି ପ୍ରସଙ୍ଗରେ ଗୃହରେ ହଙ୍ଗାମା, ଗୃହ ମୁଲତବୀ କଲେ ବାଚସ୍ପତି
  • ||
  • ପଦ୍ମପୁରରେ କେନ୍ଦ୍ରୀୟ ଟିମ୍‌ର ରେଡ୍, ୩ ବ୍ୟବସାୟୀଙ୍କ ଘରେ ଚଢାଉ
  • ||

ଏନ୍‌ସିବି ପଞ୍ଝାରେ ଶାହାରୁଖ ଖାନଙ୍କ ଡ୍ରାଇଭର, କ୍ରୁଜ୍‌ ଡ୍ରଗ୍ସ ପାର୍ଟି ମାମଲାରେ ମାରାଥନ୍‌ ଜେରା

9/10/2021 at 5:24 PM

ମୁମ୍ବାଇ ୦୯/୧୦ : କ୍ରୁଜ୍‌ ଡ୍ରଗ୍ସ ଲିଙ୍କ ମାମଲା​‌ରେ ବିବାଦ ଦିନକୁ ଦିନ ବଢିବାରେ ଲାଗିଛି । ବଲିଉଡ ଅଭିନେତା ଶାହାରୁଖ ଖାନଙ୍କ ପୁଅ ଆର୍ଯ୍ୟନକୁ ଏହି ଡ୍ରଗ୍ସ କାରବାରରେ ସଂପୃକ୍ତି ଅଭିଯୋଗରେ ଗିରଫ କରାଯାଇଛି । ଜାମିନ ଖାରଜ ପରେ ସେ ବର୍ତ୍ତମାନ ଜେଲରେ ଅଛନ୍ତି । ତେବେ ଏନ୍‌ସିବି ଏହି ଘଟଣାକୁ ନେଇ ତଦନ୍ତ ପ୍ରକ୍ରିୟାକୁ ଆହୁରି ତୀକ୍ଷଣ କରିଛି । ଆଜି ଶାହାରୁଖ ଖାନଙ୍କ ଡ୍ରାଇଭରକୁ ଡ୍ରଗ୍ସ ଲିଙ୍କ ମାମଲାରେ ଜେରା କରିଛି ଏନ୍‌ସିବି ।

ଡ୍ରଗ୍ସ ପାର୍ଟିକୁ ଯିବାଦିନ ଶାହାରୁଖଙ୍କ ଡ୍ରାଇଭର ହିଁ ଆର୍ଯ୍ୟନ ନେଇକି ଯାଇଥାଇପାରନ୍ତି । ସେ ଦିଗକୁ ଦୃଷ୍ଟିରେ ରଖି ଅଧିକ ତଥ୍ୟ ପ୍ରମାଣ ଯୋଗାଡ ପାଇଁ ଏନ୍‌ସିବି ଶାହାରୁଖଙ୍କ ଡ୍ରାଇଭରଙ୍କୁ ଜେରା କରିଛି । ତେବେ ସବୁଠାରୁ ବଡ କଥା ହେଉଛି ଆର୍ଯ୍ୟନ ଏବଂ ଶାହାରୁଖଙ୍କ ଡ୍ରାଇଭର ପରେ ଏନ୍‌ସିବିର ପରବର୍ତ୍ତୀ ପଦକ୍ଷେପ କଣ ରହିବ ?

ଶୁଣିବାକୁ ମିଳୁଛି ଯେ, ଏହା ପରେ ଶାହାରୁଖ ଖାନଙ୍କ ଘର ‘ମନ୍ନତ୍‌’ ରେଡ୍‌ କରିପାରେ ଏନ୍‌ସିବି । ସେଠାରେ ମଧ୍ୟ ଡ୍ରଗ୍ସ କିମ୍ବା ସେ ସମ୍ବନ୍ଧୀୟ ପ୍ରମାଣ ମିଳିପାରେ । ପୂର୍ବରୁ ଆର୍ଯ୍ୟନ ସମେତ ତାର ବନ୍ଧୁ ଅରବାଜ ମର୍ଚାଣ୍ଟ ଏବଂ ମୁନ୍‌ମୁନ୍‌ ଧମେଚାକୂ ଗିରଫ କରିଥିଲା ଏନ୍‌ସିବି । ପରେ ରିମାଣ୍ଡରେ ନେଇ ମାରାଥନ୍‌ ଜେରା କରାଯାଇଥିଲା । ଗତ ୭ ତାରିଖରେ ରିମାଣ୍ଡ ଶେଷ ହେବାପରେ ପୁନଶ୍ଚ ରିମାଣ୍ଡରେ ନେବାକୁ କୋର୍ଟଙ୍କ ନିକଟରେ ଆବେଦନ କରିଥିଲା ଏନ୍‌ସିବି । କିନ୍ତୁ ରିମାଣ୍ଡ ଅବଧି ନବଢାଇ ଆର୍ଯ୍ୟନକୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇଥିଲେ କୋର୍ଟ । ତେବେ ଏହାର ଗୋଟିଏ ଦିନ ପ​‌ରେ ପୁନଶ୍ଚ ଜାମିନ ଆବେଦନ କରାଯାଇଥିଲେ ସୁଦ୍ଧା ତାହା ଖାରଜ ହୋଇଯାଇଥିଲା । ଏବେ ଆର୍ଯ୍ୟନ ଖାନଙ୍କୁ ଜାମିନ ନମିଳିବା ଯାଏଁ ବିଚାର ବିଭାଗୀୟ ହାଜତରେ ହିଁ ରହିବାକୁ ହେବ ।

   Related Posts