ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ଆଉ ଏକ ଲଘୁଚାପ ! ୮ରୁ ବର୍ଷା ସମ୍ଭାବନା
  • ||
  • ପଦ୍ମପୁର ଉପନିର୍ବାଚନ : ନେତା ବାଛିବେ ଜନତା, ଭୋଟ ଦେବେ ୨ ଲକ୍ଷରୁ ଅଧିକ ଭୋଟର
  • ||

ମହଙ୍ଗା ପଡିଲା ଖବରୀ ସାଜିବା : ଫୋନ୍‌ କରି ଡାକିଲେ ପ୍ରେମୀଯୁଗଳ, ନିସ୍ତୁକ ପିଟିଲେ ଆଉ କାଟିଦେଲେ ନାକ

27/09/2022 at 2:28 PM

ଭୁବନେଶ୍ୱର ୨୭।୦୯ : ଖବରୀ ସାଜିବା ଜଣେ ଯୁବତୀଙ୍କୁ ପଡିଛି ମହଙ୍ଗା । ବାନ୍ଧବୀଙ୍କ ପୁରୁଷବନ୍ଧୁଙ୍କ ଖବରଅନ୍ତର ବାନ୍ଧବୀଙ୍କୁ ଜଣାଉଥିଲେ । ଶେଷରେ ବାନ୍ଧବୀ ପ୍ରେମିକ ସହ ମିଶି ବିଚ୍‌ ରାସ୍ତାରେ ଗୋଡ଼ାଇ ଗୋଡ଼ାଇ ତାଙ୍କୁ ପିଟିଲେ । ଶେଷରେ ତାଙ୍କ ନାକ କାଟିଦେଲେ । ଏଭଳି ଘଟଣା ଘଟିଛି ନୂଆପଲ୍ଲୀ ଥାନା ଏନ୍‌-୫ ପାର୍କ ସମ୍ମୁଖରେ । ଗୁରୁତର ଅବସ୍ଥାରେ ପୁଲିସ ଯୁବତୀଙ୍କୁ ହସ୍ପିଟାଲରେ ଭର୍ତ୍ତି କରିଛି।ଆକ୍ରମଣକାରୀ ପ୍ରେମୀଯୁଗଳଙ୍କୁ ଗିରଫ କରିବା ପାଇଁ ପୁଲିସ ତନାଘନା ଚଳାଇଛି ।

ପୁଲିସ ସୂଚନା ଅନୁଯାୟୀ, ଆକ୍ରମଣର ଶିକାର ଯୁବତୀ ନୂଆପଲ୍ଲୀ ତ୍ରିନାଥ ବସ୍ତିରେ ରହୁଛନ୍ତି । ତାଙ୍କ ବାନ୍ଧବୀ ଓ ସେ ଗୋଟିଏ ସଂସ୍ଥାରେ କାମ କରୁଥିଲେ । ବାନ୍ଧବୀ ଜଣଙ୍କ ସାଲିଆସାହିର ଟିନା ଦିଗଲ ନାମକ ଯୁବକଙ୍କୁ ପ୍ରେମ କରୁଥିଲେ । ଟିନା ଅନ୍ୟ କେଉଁ ଯୁବତୀଙ୍କ ସହ ମିଳାମିଶା କରୁଛନ୍ତି କି ନାହିଁ ସେ ବିଷୟରେ ତାଙ୍କୁ ଜଣାଇବାକୁ ବାନ୍ଧବୀ ଜଣଙ୍କ କହିଥିଲେ । ତେଣୁ ଟିନାଙ୍କ ଉପରେ ଯୁବତୀ ଜଣଙ୍କ ନଜର ରଖୁଥିଲେ । ଖବରଅନ୍ତର ବାନ୍ଧବୀଙ୍କୁ ଜଣାଉଥିଲେ । ଟିନା ଅନ୍ୟଜଣେ ଯୁବତୀଙ୍କ ସହ ବୁଲୁଥିବା ଦେଖି ଯୁବତୀ ଜଣଙ୍କ ତାଙ୍କ ବାନ୍ଧବୀଙ୍କୁ ଜଣାଇଥିଲେ । ଏହାକୁ ନେଇ ବାନ୍ଧବୀ ଓ ତାଙ୍କ ପୁରୁଷବନ୍ଧୁ ଟିନାଙ୍କ ମଧ୍ୟରେ ଝଗଡ଼ା ହୋଇଥିଲା । ପରେ ଉଭୟ ଏକାଠି ହୋଇ ଯାଇଥିଲେ ।

ପ୍ରେମିକ ଜଣଙ୍କ ଯୁବତୀଙ୍କୁ ପାନେ ଦେବା ପାଇଁ ସୋମବାର ରାତିରେ ପ୍ରେମିକା ସହ ଆସି ତାଙ୍କୁ ଏନ୍‌-୫ ପାର୍କ ନିକଟକୁ ଡାକିଥିଲେ । ସେ ଆସି ପହଞ୍ଚିବା ମାତ୍ରେ ପ୍ରେମୀଯୁଗଳ ତାଙ୍କୁ ରାସ୍ତାରେ ଗୋଡ଼ାଇ ଗୋଡ଼ାଇ ପିଟିଥିଲେ । ପ୍ରେମିକ ଟିନା ପକେଟରୁ ଏକ ବ୍ଲେଡ୍‌ କାଢ଼ି ଯୁବତୀଙ୍କ ନାକକୁ କାଟି ଦେଇଥିଲେ। ଫଳରେ ରକ୍ତ ଜୁଡୁବୁଡୁ ହୋଇ ଯୁବତୀ ଜଣଙ୍କ ପଡ଼ି ଯାଇଥିଲେ । ଆଖପାଖ ଲୋକେ ପଳାଇ ଆସିବାରୁ ପ୍ରେମୀଯୁଗଳ ସେଠାରୁ ବାଇକରେ ଖସି ପଳାଇଥିଲେ । ଖବରପାଇ ପିସିଆର ଭ୍ୟାନ୍ ପହଞ୍ଚି ଯୁବତୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ହସ୍ପିଟାଲ ନେଇଥିଲା । ମଙ୍ଗଳବାର ସକାଳେ ଏନେଇ ଯୁବତୀ ନୂଆପଲ୍ଲୀ ଥାନାରେ ଲିଖିତ ଅଭିଯୋଗ କରିଛନ୍ତି । ପୁଲିସ ଏକ ମାମଲା ରୁଜୁ କରି ପ୍ରେମୀଯୁଗଳଙ୍କୁ ଗିରଫ କରିବା ପାଇଁ ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି ।

   Related Posts